Pionier — Wan fasi foe sori lobi
1 Lobi gi Jehovah èn gi wi kompe libisma na san e boeweigi wi foe abi ete wan moro bigi prati na a preikiwroko. Omoro wi lobi gi Jehovah èn gi libisma e kon bigi, omoro dan dati e boeweigi wi foe meki plan foe abi wan moro bigi prati na a diniwroko. A lobi foe wi e bradi ensrefi omoro wi e gro ini soifri sabi foe Gado Wortoe (Fil. 1:9, 10). Omoro wi e kon sabi sani foe a wani foe Jehovah, omoro wi e froestan na tranga fanowdoe foe a ten pe wi e libi na ini. Disi e meki taki wi abi moro broko ede gi trawan. Foeroe sma e sori a lobi broko ede foe den foe di den e teki a pionierdienst na den tapoe.
2 Joe kan tjari den fanowdoe kenki kon so dati joe kan tron wan jepipionier noso wan gewoon pionier? A troe taki, wi alamala no man pionier. Ma ibriwan foe wi moesoe go loekoe en situwâsi finifini na ondro begi.
3 Pikinso kresten nomo de di feni taki den abi foeroe ten abra foe den kan pionier; dati meki a de fanowdoe foe ’bai a joisti ten poeroe’ foe sani di no de fanowdoe di e aksi a ten foe wi na a momenti disi (Ef. 5:15-17). A lobi foe wi gi Gado nanga libisma moesoe meki taki wi wani foe de klariklari foe òfer wan toe foe den sani di wisrefi ben sa wani doe nanga prisiri èn sani di makriki, foe kan sori wi lobi moro krin (Mark. 12:33). Foeroe foe den sani di wi e kisi, èn foe san wi e feni kande taki den de normaal, den e si kande leki wan kefarlek aparti diri sani ini tra pisi foe grontapoe.
4 San papa nanga mama kan doe foe jepi den pikin foe abi wan fasi foe denki pe den e poti prakseri tapoe Gado. Papa nanga mama moesoe bigin, foe den jongoe jari foe den pikin kaba, foe poti theokrasia marki na fesi foe den. A de so taki den abi grontapoe marki noso jeje marki na den fesi omoro a ten e doro taki den sa komoto foe skoro. Wi wani jepi den jongoewan foe wi foe si taki a abi wini di e tan, foe go ini a pionierdienst ini den jongoe jari. Disi na a kibri foe goedoe na hemel (Mat. 6:19-21). A e plisi Gado èn e boeweisi taki wi de loyaal èn e dini en nanga wi heri ati. Èn a e kibri a libi foe tra sma.
5 A de Gado wani taki ’ala sortoe foe sma moesoe kisi kibri’ (1 Tim. 2:4). Wi kan sori taki disi na oen wani toe? Wi kan doe dati efoe wi wani poti Kownoekondre afersi na a fosi presi. Wi kan doe disi toe te wi abi na froetrow taki Jehovah sa gi wi den sani di wi abi fanowdoe ini a libi (Mat. 6:31-33). Den ekonomia situwâsi kan kon moro nanga moro takroe, ma a pramisi foe Jehovah foe sorgoe foe wi, no e kenki noiti — Ps. 37:25.
6 A span di wi e span wisrefi krakti, foe abi wan so bigi prati leki a kan na a velddienst, efoe a situwâsi foe wi e gi pasi foe dati, foe wan so bigi prati leki a kan na a velddienst, de wan fasi foe sori lobi. Gi sonwan disi wani taki dati den e go na ini a gewoon pionierdienst. Foe san ede joe no e doe ala sani di joe kan foe bigin tapoe 1 september 1992 nanga a dienst dati?