Meki joe diniwroko kon moro bigi foe di joe e go na ini a gewoon pionierwroko
1 „Wan langa ten foe prakseri go èn prakseri kon ben go na fesi na aksi disi foe tron pionier.” Disi ben de den wortoe foe wan sisa ini wan brifi di a ben poti makandra nanga aanvraag foe en foe tron wan gewone pionier na a bigin foe na dienstjari. Now a ben abi na okasi foe go makandra nanga en oemapikin, di ben bigin nanga a pionierwroko, baka di a jari di psa a ben kisi en middelbaar skorodiploma. Prakseri go prakseri kon na ini begi -ija, dati de wan fosi sani di e aksi foe den di wani meki den diniwroko kon moro bigi foe di den e go na ini a gewoon pionierwroko. Joe go prakseri na ini begi foe den omstandigheden foe joe èn go wegi loekoe fa joe ben sa man foe teki prati na a blesi grani disi?
2 Na apostel Johannes e gi oen na sékerfasi dati wi e kisi san wi e aksi ini akroederi nanga a wani foe Gado (1 Joh. 5:14, 15). Èn sortoe spesroetoe wroko moesoe doe na, ini den laatste dé disi leki fa a wani foe Gado taki? „A boen njoensoe disi foe a kownoekondre sa préki na a heri grontapoe pe libisma e libi leki wan kotoigi”, Jezus e piki (Matt. 24:14). Jezus ben taki toe dati oen moesoe ’begi a Méstri foe na kotiwroko dati a seni wrokoman go na ini en koti-wroko’ (Matt. 9:37, 38). Jehovah séker sa poti prakseri a oen tranga begi foe kisi moro wrokoman, èn jepi oen kande foe go na, ini a gewoon pionierwroko.
3 Na mindri den di e opo doe wan sani nanga den heri ati tapoe a fanowdoe foe kisi moro foeroeten-prékiman wan bigi difrenti de fosi ini jari, background èn omstandigheden. Wan brada foe 96 jari di bigin pas wan jari psa kaba nanga a pionierwroko, e tan doe boen wroko leki pionier. Wan oso-oema en mama foe wan nomroe pikin e si en pionierwroko leki wan osofamiri-projekt di e meki ala sma ini en osofamiri tan kon goedoe na jeje fasi.
OMSTANDIGHEDEN NO KAN KENKI?
4 „Ija”, wan mama foe dri pikin e piki, di ben froisi go na wan moro pikin oso baka di en laatste pikin ben trow. A ben pionier wan tron kaba èn, a ben ori na pionier prakseri a libi èn di den omstandigheden ben gi pasi, a ben tjari kenki kon na ini en situwasi foe kan bigin baka nanga en pionierwroko.
5 A de wan ferstan sani foe beréken den kostoe te wi e wegi na gewoon pionierwroko go èn wegi en kon (Luk. 14:28). A no de wan afersi foe ’awasi san kan kon ma joe moe de wan pionier’. Ma son sma di ben prakseri fosi dati den no ben kan pionier, ben go loekoe a fasi fa den e gebroiki den ten. Foe di den kenki den schema, den ben kisi presi foe wan sani foe dri joeroe tapoe wan dé di de fanowdoe foe miti den marki foe wan pionier, èn dati sondro foe den poti den tra kristen frantwortoe na baka. Now den e doe dienst, leki kolokoe gewone pionier.
6 Sowan e ori densrefi foe no doe a foeroetendienst foe di den e broko den ede toemsi dati den no sa man foe doro na nomroe foe joeroe di aksi foe den. Ma a bribi foe wan kristen kan drifi sani di de na pasi en gersi bergi poti na wan sé, ooktoe den di e komoto foe so wan frede (Matt. 17:20). Gado Wortoe èn jeje, makandra nanga a boen rai di Jehovah organisaatsi e gi, kan jepi joe foe joe bow so wan bribi.
WAN POSITIEF OPO DOE WAN SANI DE FANOWDOE
7 Joe sa man go wawan na ini a pionierwroko te joe e doe definitief stap ini akroederi nanga san joe e begi. Sortoe stap moesoe doe? A lostoe moesoe wiki ini joe ati; joe moesoe wani foe pionier. Proberi now kaba foe meki joe prékiwroko activiteit kon moro bigi èn doe spesroetoe moeiti foe wroko makandra nanga den sma di nen skrifi kaba leki pionier. Loekoe pikinso na a prisiri foe den. Dati sa jepi joe foe kweki na pionier prakseri. No meki joe ai tan nomo tapoe den negatief sani ini joe omstandigheden (Prékiman 11:4). Moro betre joe proberi foe teki wan eksempre na na positief fasi foe denki foe Nehemia na ini a tori foe a bow baka foe den skoto foe Jeruzalem ala di ala sortoe problema ben de. A ben taki: „Na Gado foe hemel, En sa meki sani waka boen, èn wisrefi, en knegti sa opo tanapoe, èn wi moe bow.” — Neh. 2:20.
8 Na pionierwroko sa gi foeroe moro okasi foe tesi a spesroetoe prisiri di sma e ondrofeni te den e jepi trawan foe leri sabi Jehovah èn foe dini en. Èn te joe meki joe diniwroko kon moro bigi foe di joe e go na ini a gewoon pionierwroko, joe sa feni na trowstoe foe san taki ini Odo 11:25. Joesrefi sa feni jeje trowstoe foe di joe e „trowstoe foeroe” nanga a wortoe foe libi