Sori ini joe libi taki joe abi na „geest foe bribi”
1 Troetroe bribi de fanowdoe foe kan meki a boskopoe foe Gado kownoekondre bekenti fri sondro frede. Na apostel Paulus ben skrifi: „Foe di now wi abi na srefi geest foe bribi leki foe san den ben skrifi . . . wi srefi e sori bribi èn foe dat’ede meki wi e taki” (2 Kor. 4:13). Jehovah pipel ini a ten disi abi na bribi dati. Èn foe troe wi ben taki srefsrefi — sowan 505 miljoen joeroe ini na dienstjari 1984! Soboen pionier leki gemeenteprékiman ben sori tapoe wan fasi foe gafa troetroe bribi.
2 Leki Kownoekondreprékiman joe e teki na edepositsi ini na disiten theocratise maatschappij. Na faste bribi dati wi e libi ini den lasti dé, makandra nanga wan firi foe bigi fanowdoe, kan boewégi joe foe ondrosoekoe joe omstandigheden ondro begi foe joe kan si ofoe joe ben sa kan doe moro leki wan kownoekondreprékiman, kande srefi foe joe kan go na ini na pionierdienst. Joe abi osofamiri ferprekti? Frantwortoewroko ini na gemeente? Kande joe gesontoe no de toemsi boen. Son sma tai na monisé. Trawan agen e prakseri kande taki den owroe toemsi. Gi wantoe disi kan de reden di gron gi den foe no go nownow ini na pionierdienst. Ma tindoesoendoesoen brada nanga sisa foe wi ben hori na marki foe na pionierdienst na den fesi èn na momenti di den omstandigheden ben gi pasi foe disi, den ben go tanapoe na ini den lin foe den pionier nanga foeroe prisiri.
3 „Na séker ferwakti” di wi abi leki kristen, moesoe wroko tapoe wi bosroiti di wi e teki. Efoe joe de tapoe na momenti foe libi na middelbare skoro, aksi joesrefi dan: ’Fa mi nanga a fri di mi abi leki jongoe sma tapoe soema no wan ferprekti e rostoe kan sori mi lobi gi Gado èn gi Kristus na a moro betre fasi? Na prisiri foe dienst di kon doe moro foeroe e hari poeroe foe wantoe foe joe osofamiri foe di den e feti baka grontapoe belang?’ Wantoe di kisi pensioen, ben kon si dati na njoen situwasi foe den ben opo na doro gi na pionierdienst. Awasi fa joe situwasi de, joe kan sori joe bribi moro nanga moro foe di joe e ondrosoekoe joe omstandigheden na wan eerlek fasi sodati joe kan si efoe joe ben sa man foe doe dienst leki gewone pionier. — Hebr. 11:1.
4 Ini a moen mei foe a jari 1985 41 gewone nanga 49 spesroetoe pionier ben de. Disi ben de wan heri moi gro te joe sa teki en gersi nanga mei na a jari di pasa di 25 gewone pionier èn 44 spesroetoe pionier ben de. Te now ete aanvraag foe gewone pionierdienst e kon na inisé. Sowan sani ben kan pasa a jari disi? Aanvraag foe na pionierdienst moesoe seni kon wan moen a fesi. Ma efoe joe ben sa wani bigin tapoe 1 oktober foe a jari disi nanga na pionierdienst, dan srefi now ete joe ben sa kan lever joe aanvraag in na a Dienstkomte foe joe gemeente. A no lati srefsrefi!
5 Joe kan meki definitief plan foe pionier a moro wéniki leki wan jari? Na sabi taki a de netleki joe ferprekti joe srefi foe doe dati, sa gi joe wan ekstra motivatie. Efoe joe omstandigheden no e gi pasi now foe doe disi, joe dienst leki gemeenteprékiman kan kon moro betre ofoe kande joe kan go wawantron ini na jepi-pionierdienst noso joe kan doe dienst leki alaten jepi-pionier. Disi kan tranga joe bribi nanga fertrow èn kande joe kan kon ferstan dati nanga Jehovah jepi èn blesi joe kan tron wan gewone pionier. — Mal. 3:10; Luk. 14:28-30.
6 Na „geest foe bribi” e kon krin a fesi ini a ten disi mindri Jehovah pipel. Foe san-ede joe no sa prakseri dipi efoe joe no ben sa kan meki joesrefi kon moro goedoe na jejesé foe di joe o tron wan jepi pionier ofoe gewone pionier èn bigin nanga disi tapoe 1 oktober?