De wan jepipionier ini december
1 Wi ala e doe boen foe aksi wisrefi: ’Te kon miti sortoe marki mi wani de wan tjariman foe leti ini december? Mi kan de wan jepipionier?’ — Mat. 5:14, 16.
2 Moro foeroe den jongoewan di teki dopoe abi moro foeroe fri ten foe skoro ini den fakansi ten. Kande son papa nanga mama nanga tra bigisma di de preikiman man foe horibaka gi den disi foe gi moro ten ini a velddienst ini a moen disi. Foeroe sma di abi wan heri deiwroko, sa gi so srefi moro foeroe ten na a diniwroko disi di e kibri sma libi.
3 Wan prenspari sani foe man dini leki jepipionier na a wani di wan sma moesoe wani foe doe a moro foeroe moeiti di den e aksi foe en (Luk. 13:24). Efoe wi orga wi wroko boen, nanga na ini toe wi famiri nanga gemeente afersi, dan wi kan meki ten kon fri so taki wi kan ondrofeni na prisiri foe dini leki wan jepipionier.
4 Joe sa man foe meki joe diniwroko moro foeroe ini a moen december? Efoe joe e doe so, dan dati sa jepi joe foe abi moro froetrow te joe de na den doro èn a bakapisi sa de ondrofeni di e bow sma. So boen, joe kan kisi moro bigi prisiri. — Tori. 20:35.