Makriki èn boen pristeri
1 Jesus ben e meki a Kownoekondre foe Gado bekènti tapoe wan makriki èn opregti fasi. A ben sabi taki den sma di gersi skapoe sa doe boen a tapoe te den jere waarheid. A ben sabi so srefi taki sma de difrenti foe trawan ini den denki, den belangstelling nanga a man di den man denki. Ini akroederi nanga dati, a ben gebroiki difrenti makriki inleiding, aksi nanga eksempel so taki a ben man foe hori a prakseri foe den arkiman èn foe kan doro den ati. Wi kan waka na baka na eksempel foe en èn gebroiki makriki pristeri di e wroko boen.
2 Gebroiki na Taki-go-taki-kon-boekoe boen: A fosi inleiding ondro na ede-penti „Okasi foe feni wroko/Boen oso foe libi” tapoe bladzijde 14 foe a Taki-go-taki-kon-boekoe e fiti wi ten èn de makriki foe pristeri.
Joe ben sa kan taki:
◼ „Wi ben e taki nanga den birti foe joe san sa kan doe foe de seiker taki wroko nanga oso sa de gi ibriwan sma. Joe e bribi taki wi abi reide foe froewakti taki libisma tiri sa man tjari disi? . . . Ma wan sma de di sabi fa foe loesoe den problema disi; dati na a Mekiman foe libismafamiri.” Leisi Jesaja 65:21-23. Dan joe kan aksi na ososma fa a feni disi.
3 Na inleiding ondro na ede-penti „Kroektoe/Pina” tapoe bladzijde 13 sa taki nanga foeroe sma tide.
Joe ben sa kan aksi:
◼ „Joe oiti ben aksi joesrefi efoe Gado e broko-ede troetroe nanga a kroektoefasi èn a pina di libisma e ondrofeni?” Gi okasi meki na ososma gi piki èn leisi dan Preikiman 4:1 nanga Psalm 72:12-14. Efoe a fiti foe pristeri a Libi foe têgo-boekoe drai go na den prenki tapoe bladzijde 150-153 èn sori sjatoe fa den sani na grontapoe now, de wan kontroe foe bijbel profeititaki. Dan drai go na bladzijde 161 nanga 162 foe sori san Gado ben froeteri moro fara foe a blesi gi libismafamiri. Aksi na ososma sortoe sani e fiti moro betre na en.
4 Baka wan sjatoe taki-go-taki-kon nanga na ososma, joe kan teki a bosroiti taki a sa fiti moro efoe joe poti en prakseri na tapoe wan artikel ini wan foe den tijdschrift, wan brochure noso wan traktaat, go dan na a Libi foe têgo-boekoe.
Foe eksempel, baka te joe gebroiki na inleiding ini paragraaf 2 foe na artikel disi, joe ben sa kan taki:
◼ „A brochure disi, Gado e broko-ede troetroe nanga wi?, tjari kon na krin san Gado pramisi foe doe foe sorgoe gi den aladei fanowdoe foe wi èn sori wi fa wi kan njanboen foe dati.” Drai go na bladzijde 26 nanga 27 foe a brochure, èn poti prakseri tapoe paragraaf 21.
5 Noso baka te joe gebroiki na inleiding ini paragraaf 3, prakseri sa poti tapoe a traktaat A grontapoe disi sa tan?
Joe ben sa kan taki:
◼ „Someni moeilekhèit nanga problema de na grontapoe ini a ten disi. A traktaat disi e sori taki feti, mankeri foe njanjan, nanga problema nanga wi gesontoe, foe ala den sani disi ben taki na fesi ini bijbel. Ma Gado ben pramisi taki a ben sa tjari wan wondroe kenki kon gi libisma.” Leisi a lasti paragraaf na bladzijde 5 foe a traktaat.
6 Oenoe opregti belangstelling gi libisma, moksi nanga wan makriki èn boen pristeri di e naki na ati, seiker sa hari den sma di gersi skapoe.—Joh. 10:16.