Gebroiki brochure nanga boen bakapisi ini juli
1 Foe meki a wroko foe meki disipel go moro esi, na organisâsi ben sorgoe gi foeroe difrenti poeblikâsi. Na mindri foe den poeblikâsi disi, brochure de di e taki foe spesroetoe tori, so leki a prakseri foe Gado nanga a grontapoe disi, a Dri-wánfasi, a nen foe Gado, a Kownoekondretiri nanga a gi di Gado gi pasi foe ogridoe. Fa wi kan meki gebroiki foe brochure nanga boen bakapisi foe jepi sma na ini wi gebied?
2 A brochure Gado e broko-ede troetroe nanga wi? e tjari kon na krin tapoe wan logis fasi taki wan njoen grontapoe sondro pina de krosibei. Fa wi kan bigin foe a brochure disi? Joe kan feni idea ini a Taki-go-taki-kon-boekoe ondro na thema „Pina”, di e bigin na bladzijde 13 ondro na edepenti „Kroektoedoe/pina”.
3 Joe ben kan taki:
◼ „Joe ben aksi joesrefi wan ten: ’Gado e broko en ede troetroe taki libisma e ondrofeni kroektoedoe nanga pina?’” Gi okasi foe piki. Leisi Psalm 72:12-14. Dan drai go na bladzijde 22 foe a brochure Gado e broko-ede troetroe nanga wi? èn taki foe den edepenti, di poti ini deki wortoe, ini pisi 10, so srefi san a prenki tapoe bladzijde 23 wani taki. Foe san ede joe no e pristeri wan traktaat, so leki Trowstoe gi den wan di lasi-ati, noso Libi ini wan vrede njoen grontapoe, te den no wani a brochure?
4 Sma ini a ten disi e broko-ede ini a tori foe wan boen tirimakti. Foeroe sma e aksi densrefi efoe a tiri foe libisma sa bondroe grontapoe kon na wan. Joe kan feni bodoi di e jepi ondro na penti „Tirimakti”, di e bigin na bladzijde 350 foe a Taki-go-taki-kon-boekoe.
5 Joe ben sa kan aksi:
◼ „Libisma man foe poti wan tiri di kan tjari kolokoe kon, di sa tan? Gi a sma okasi foe piki, èn aksi dan: „San a historia foe libisma e sori?” Drai go na Jeremia 10:23, noso na bladzijde 350 foe a Taki-go-taki-kon-boekoe èn leisi tekst nanga komentaar di e fiti. Baka dati, drai go na bladzijde 24 nanga 25 foe a Tiri-brochure èn loekoe den prenki nanga den tekst. Froeklari fa a tiri foe Gado sa tjari sma kon na wan na a heri grontapoe. Efoe na ososma no e teki a brochure, dan joe kan pristeri en a traktaat A grontapoe disi sa tan?
6 Efoe frede foe ogridoe de na ini oenoe birti, dan na inleiding di e kon now sa hari sma prakseri.
7 Joe ben sa kan taki:
◼ „Foeroe sma e aksi densrefi: ’Efoe Gado na lobi, foe san ede a e gi pasi foe ogridoe?’ Joe ben aksi joesrefi dati toe? Gi okasi foe gi piki, èn taki baka dati: „Loekoe taki Odo 19:3 e warskow foe no gi Gado pori nen foe den takroe sani di libisma e doe.” Baka te joe leisi a tekst, poti prakseri na bladzijde 15 foe a brochure „Loekoe! Mi e meki ala sani njoen” èn leisi paragraaf 27. Disi kan meki dati wan takimakandra bigin foe den tra paragraaf.
8 Meki boen gebroiki foe brochure foe gi leri foe a boen njoensoe na sma di gersi skapoe, na wan sani di wi ala kan doe. Wi kan jepi sma foe ala sortoe kontren ini a libimakandra foe moksie densrefi nanga Gado organisâsi. A de wan grani gi wi foe teki prati ini a preikiwroko ala di wi e meki gebroiki nanga boen bakapisi foe brochure di fiti a ten.