Diniwroko-konmakandra foe oktober
Wiki di e bigin 4 oktober
Singi 225
10 min: Wan toe sani foe a gemeente nanga Wan toe sani di teki poeroe foe Wi Kownoekondre Dienst. Gi rai foe fasi fa den njoen tijdschrift kan gebroiki ini a gebied foe a gemeente. Poti krakti na tapoe o prenspari a de foe go baka na ala sma pe joe ben libi den tijdschrift nanga a marki foe opo wan tijdschriften route. Te a e sori taki den ososma abi opregti belangstelling, dan abonnement kan pristeri na den.
15 min: „Joe e sori respeki gi na presi pe joe e anbegi Gado?” Lezing di wan owroeman e hori èn di abi leki gron na artikel ini A Waktitoren foe 15 juni 1993. Loekoe fa joe kan gebroiki den bodoi na ini a situwâsi foe oenoe. Efoe wan spesroetoe problema de di moesoe kisi prakseri, gi rai di fiti, nanga takt.
20 min: Wroko moro tranga ini joe oso-foe-oso diniwroko ini oktober. A dienstfesiman noso wan tra bekwaam brada e taki makandra nanga zaal foe a prensparifasi foe na oso-foe-oso diniwroko. A pristeri foe difrenti poeblikâsi ini oktober e meki taki wi kan gebroiki foeroe sortoe takimakandra. Demo: (1) Preikiman e bigin wan takimakandra di e tjari den na wan artikel ini a njoen Ontwaakt! noso Waktitoren. A e anga foe a belangstelling di na ososma e sori efoe a preikiman sa pristeri den moro njoen tijdschrift noso gi en wan traktaat. (2) Preikiman e bigin wan takimakandra nanga a boekoe A soekoe di libisma e soekoe Gado ini prakseri. A situwâsi sa bepaal efoe a preikiman sa pristeri a boekoe noso sa bosroiti foe pristeri toe tijdschrift. (3) Preikiman e gebroiki wan traktaat foe bigin wan okasi takimakandra èn pristeri dan den njoen tijdschrift na a sma di abi belangstelling. (4) Preikiman di e tjari wan fisiti go na wan route-adres, e teki a bosroiti foe pristeri wan abonnement. Den difrenti pristeri disi moesoe de wan deki-ati gi ala preikiman foe wroko moro tranga ini na oso-foe-oso diniwroko foe den ini oktober. Sondro degedege sonwan ini a gemeente sa go a moen disi ini a jepipionierdienst. Gi trawan di man doe dati, a no lati ete kande foe den gi den nen.
Singi 42 nanga lasti begi.
Wiki di e bigin 11 oktober
Singi 4
10 min: Wan toe sani foe a gemeente. Raport foe moni afersi. Leisi taki a Genootschap ben kisi den bijdrage di ben gi èn prèise den brada nanga sisa fa den e horibaka nanga den heri ati gi a wroko na heri grontapoe nanga so srefi gi a gemeente. Taki sjatoe san seti gi a velddienst gi a wiki disi èn taki nanga warderi foe a faja horibaka foe den preikiman gi den seti disi.
15 min: „Gebroiki den tijdschrift foe wi na oso-foe-oso”. Takimakandra nanga zaal. Wi abi boen reide foe de fajafaja te wi e pristeri den tijdschrift na sma di wi e miti ini velddienst èn den sma di wi e gi okasi kotoigi. Ala di den tijdschrift abi wan datum na den tapoe èn tapoe a dei foe tijdschriftpristeri wi e gebroiki den moro njoenwan, wi no moesoe draidrai foe pristeri owroewan efoe na okasi de foe doe dati. Sorgoe taki den tijdschrift di joe e pristeri, boen èn den no pritipriti. Meki wan bekwaam preikiman gi wan demonstrâsi foe paragraaf 4.
20 min: „Leri foe Gado abi wan tranga krakti”. Aksi-nanga-piki-takimakandra foe na artikel. Leisi, efoe a ten de, den paragraaf nanga den tekst di skrifi. Gi okasi foe sjatoe komentaar pe den sma e taki persoonlijk foe a waarderi foe den, gi den wini di den kisi foe a fisiti di den ben fisiti a kongres èn a gebroiki di den ben gebroiki den njoen boekoe di ben gi na a kongres.
Singi 44 nanga lasti begi.
Wiki di e bigin 18 oktober
Singi 65
5 min: Wan toe sani foe a gemeente. Theokrasia njoensoe.
15 min: „Sori ini a diniwroko foe wi taki wi no e teki sma partèi”. Aksi-nanga-piki-takimakandra. Poti krakti na tapoe pisi foe a tori disi di de foe spesroetoe belang ini a gebied.
15 min: „Poti prakseri na tapoe belangstelling di joe feni”. Wan lezing nanga wan toe aksi gi a zaal. Gi demonstrâsi fa preikiman ini a gebied ben wiki belangstelling noso meki wan preikiman froeteri wan njoen ondrofenitori di e sori wi o prenspari a de foe go baka na sma di teki loesoe eksemplaar foe Ontwaakt! nanga A Waktitoren.
10 min: Fanowdoe foe a gemeente noso wan faja lezing di e taki foe „Den fosi kresten nanga grontapoe”, di abi en gron na tapoe a fosi artikel foe A Waktitoren foe 1 juli 1993 (Bakratongo). Poti krakti na tapoe, taki ini a ten disi wi e waka na baka na eksempre foe den fosi kresten.
Singi 60 nanga lasti begi.
Wiki di e bigin 25 oktober
Singi 75
10 min: Wan toe sani foe a gemeente. Meki bekènti toe san seti gi a velddienst gi a wiki disi èn poti prakseri na tapoe penti ini den njoen tijdschrift di den preikiman kan gebroiki ini a velddienst den dei di e kon. Efoe a ten de, gi wan sjatoe demonstrâsi foe wán noso toe pristeri di fiti gi a gebied. Memre na a fanowdoe foe go baka na den sma di abi belangstelling.
15 min: De srekasreka foe trowstoe den wan di lasi-ati foe di den lasi wan sma ini dede (abi en gron tapoe bladzijde 93 te nanga 95 foe a Taki-go-taki-kon-boekoe). (3 min) A brada di e hori a pisi disi e sori taki Jehovah Kotoigi no e trowe ala gwenti di abi foe doe nanga dede. (5 min.) Gi demonstrâsi fa wan Kotoigi e tjari kon na krin gi wan kompe wrokoman foe san ede Jehovah Kotoigi e trowe bepaalde row-gwenti gi den dedewan, di abi en gron tapoe a Taki-go-taki-kon-boekoe bladzijde 93 nanga 94. (7 min.) Takimakandra nanga zaal foe a pisi „Efoe wan sma e taki—”, di de tapoe bladzijde 94 nanga 95.
20 min: „Hori wan oso-bijbelstudie”. Aksi-nanga-piki-takimakandra foe na artikel. Gi wan demonstrâsi di sreka boen, pe wan preikiman e jepi wan studenti foe froestan fa den tekst di kari nomo e horibaka gi den bodoi ini den paragraaf di den e loekoe. Ini a srefi demonstrâsi a preikiman e gebroiki aksi di kan jepi a studenti foe meki a waarheid kon tron wan pisi foe en. Meki gebroiki foe wan pisi di teki poeroe foe na Anbegi-boekoe noso a Libi foe têgo-boekoe.
Singi 78 nanga lasti begi.