Poti ten a wan sei foe tijdschriftwroko
1 Jehovah ben teki a fasti bosroiti taki ’vrede sa de, wan tamara, nanga wan howpoe’ foe den sma di e waka na tapoe en pasi (Jer. 29:11). Bodoi foe a froewakti disi presenteri na wan fasi di fiti ini A Waktitoren nanga Ontwaakt! Den tijdschrift disi kan abi wini gi ala sortoe sma ondro ala sortoe omstandigheid (1 Tim. 2:4). Joe nanga joe famiri e poti ten doronomo na wan sei foe pristeri tijdschrift?
2 Efoe a prati di joe e prati tijdschrift go na baka, fa a situwâsi disi kan kon boen baka? Wan prenspari sani, na foe joe meki a warderi foe joe gi den sani di skrifi na ini den tijdschrift tan libilibi. Wan man ben skrifi: „A leisi foe den tijdschrift foe joe de wan troetroe prisiri ondrofeni. Den no de boenkopoe, lagi kwaliteit ’trowstoeman’, ma den abi sani di kan tjari wi èn sori wi a pasi fa wi kan meki a libi kisi waarde.” A Waktitoren nanga Ontwaakt! na froktoe foe soifri ondrosoekoewroko èn den de seti foe „a getrow èn koni srafoe” (Mat. 24:45). Den de toemoesi boen wrokosani foe kan doro na ati foe den sma.
3 Joe moesoe sabi den artikel ini den tijdschrift di joe e pristeri heri boen. Soekoe penti di abi foe doe nanga problema di de a momenti dati ini joe libi kontren. A boen te joe e sreka joesrefi foe taki nanga man, oema nanga jongoewan di kande joe sa miti na den doro noso na a stratiwroko. De srekasreka foe sori fa den tijdschrift abi foe doe nanga aparti sma èn nanga a heri famiri toe.
4 De nanga sabi foe den tijdschrift: Gi kotoigi nanga tijdschrift sa teki wan prenspari presi ini oenoe velddienst schema. San na den moro betre ten gi joe foe pristeri tijdschrift? Joe ben proeberi foe wroko doro-foe-doro noso na a lati bakadina noso neti bifo joe Gemeente Boekoestudie? Ini son gebied a gi foe kotoigi na neti ben gi boen froktoe. Satra na wan boen dei foe pristeri tijdschrift na difrenti fasi, ma tra dei kan gebroiki toe foe na wroko disi. Na oso-foe-oso nanga a wenkri-foe-wenkri wroko sa de wan doronomo pisi foe a tijdschrift dei.
5 Ibriwan sa abi wan fasti bisteri foe wan set foe nomroe foe ibri wan foe den tijdschrift di ben tjari kon na doro. Te a kon so taki joe abi owroe tijdschrift na joe, joe kan gebroiki den foe sori den ososma den difrenti tori di taki na ini den tijdschrift. Ten na ten wan ipi foe owroe tijdschrift kan tjari go libi na presi pe den sma di de nanga pensioen e tan, na owroesma oso (Asiana foe eksempre), datra-oso nanga ati-oso pe den gi pasi foe dati. Joe kan teri ala den tijdschrift disi leki joe libi den na baka èn disi joe moesoe skrifi ibri moen na tapoe joe Velddienst Raport.
6 Efoe joe gebroiki a rai foe tapoesei, sondro degedege joe sa si go na fesi ini a nomro foe tijdschrift di joe sa man foe libi na baka. Sma nanga wan opregti ati di a takroe sistema foe sani foe noja e masi den srefisrefi, e warderi den bodoi disi di e meki den firi boen èn di de foe feni ini A Waktitoren nanga Ontwaakt! Foetroe den tijdschrift disi e gi wi a njanjan na jeje fasi di de fanowdoe gi den sma di e soekoe foe wini a boen foe Jehovah. Foe dati ede, abi sabi foe den tijdschrift, èn go soekoe fasi foe go na fesi ini a pristeri foe den poeblikâsi disi di abi waarde na ini joe gebied.