Aksi-boksoe

◼ Tapoe sortoe fasi wi moesoe handri te wi e pristeri wan resolutie gi a gemeente?

Te wan bosroiti moesoe teki di abi foe doe nanga prenspari afersi so leki bai wan pisi gron, meki wan Kownoekondrezaal kon njoen baka noso bow wan njoen kownoekondrezaal, seni spesroetoe bijdrage na a Genootschap, noso pai den kostoe foe a kringopziener, dan wan resolutie de fanowdoe. Moro foeroe a de moro boen foe pristeri wan resolutie ala leisi te den o gebroiki gemeente moni.

Joe no abi foe doe disi ini afersi di abi foe doe nanga spesroetoe fanowdoe, di abi langalanga foe doe nanga prenspari projekt noso wroko. Foe eksempre, a gemeente kan teki a bosroiti foe poti wan spesroetoe bijdrage ibri moen gi a Genootschap gi a preikiwroko. So srefi normaal sani di moesoe pai foe meki ala sani wroko na a Kownoekondrezaal, so leki wroko sani nanga sani foe krin, no abi wan resolutie fanowdoe.

Te a de krin taki wan fanowdoe de, dan a skin foe owroeman sa taki makandra finifini foe na afersi dati. Te a moro bigi groepoe foe a skin foe owroeman e agri taki wan sani moesoe foe doe, dan wan foe den owroeman, kande wan memre foe a gemeente dienst-komtè, sa sreka wan resolutie na tapoe papira foe pristeri dati na tapoe a diniwroko-konmakandra.

Na owroeman di de leki fesiman tapoe a konmakandra dati, moesoe tjari sjatoe kon na krin sortoe fanowdoe de èn san a skin foe owroeman e rikomanderi foe doe ini a tori disi. Baka dati a gemeente e kisi okasi foe poti aksi di abi foe doe nanga a tori disi. Efoe a de wan moeilek afersi, dan a kan de moro boen foe meki den poti den sten na tapoe a tra diniwroko-konmakandra, foe gi alasma ten foe denki foe a tori. Joe sa man poti joe sten foe di joe e opo joe anoe.

Soso memre foe a gemeente di gi densrefi abra na Jehovah èn di dopoe kan poti den sten tapoe a tori disi, boiti te wet e sori trafasi, leki fa a kan de te a abi foe doe nanga a joeroe di wi e joeroe Kownoekondrezaal. A no ben sa fiti efoe kotoigi foe tra gemeente e teki prati ini a tori disi.

Baka te den teki a resolutie, dan a dei moesoe poti na tapoe, den nen moesoe poti na ondro èn den moesoe poti a brifi pe den e kibri den brifi foe a gemeente.