Jepi a gro di wan sma e gro nanga jepi foe gobaka di wani taki wan sani
1 Foe jepi denwan di sori belangstelling, a de prenspari taki wi e tan go doro foe gi den njanjan na jeje fasi foe di wi tjari gobaka doronomo. Den fisiti foe wi sa jepi safrisafri a gro di den e gro na jeje fasi (1 Kor. 3:6-9). Ma efoe wi wani taki den fisiti di wi e fisiti sma moesoe wani taki wan sani, a de fanowdoe foe sreka na fesi nanga a sma ini wi prakseri.
2 Go baka na den wan pe wi ben libi wan traktaat na baka: Kande joe ben libi a Vrede njoen grontapoe-traktaat na a fosi fisiti.
Baka wan sjatoe loekoe baka foe a fosi takimakandra, wi sa wani foe aksi wan sani leki disi:
◼ „Sortoe tirimakti kan tjari den kenki disi kon? [Gi okasi foe piki.] A no de foe taki, dati joesrefi ben sa prisiri foe libi ini den kondisi leki disi. Fa wisrefi kan njanboen foe den sortoe kondisi disi?” Dan kande joe kan poti prakseri tapoe a materiaal ondro na ondrotitel „Fa disi kan gi joe”. Efoe a sma e sori belangstelling, joe kan poti prakseri na tapoe a Libi foe têgo-boekoe, kapitel 15, „Fa joe e tron wan borgoe foe a tiri foe Gado”. Wi kan taki foe den fosi toe paragraaf èn dan poti na aksi: „Sortoe krakti a moesoe abi tapoe wi te wi e leri foe Gado?” Wi kan moesoe seti sani foe piki na aksi èn foe taki moro foe a boekoe na a tra fisiti.
3 Te wi e go baka na den sma pe wi ben libi a brochure „Gado troetroe e broko-ede nanga wi?” na baka, dan wi ben kan taki:
◼ „A lasti leisi di mi ben fisiti joe, wi ben taki makandra foe den foeroe problema di sma abi èn san Gado pramisi foe doe. Ma foe san ede Gado gi pasi so langa foe pina? A piki gi san wi abi belangstelling, de foe feni ini pisi 6 foe a brochure, di wi ben loekoe na ini.” Efoe a kan, aksi na ososma foe teki en eigi eksemplaar. Baka te wi loekoe wan toe paragraaf, wi ben kan aksi: „San wi moesoe doe foe abi wini foe den pramisi foe Gado?” A materiaal na ondro pisi 11, „A fondamenti foe a njoen grontapoe e meki now”, tapoe bladzijde 28-31, wi kan tjari kon na fesi foe taki makandra na a tra fisiti.
4 Go baka na den wan pe wi ben libi tijdschrift na baka: Efoe joe ben poeroe wan spesroetoe artikel na ini di ben abi a belangstelling foe na ososma, dan taki foe moro penti foe na artikel te joe e go baka, èn meki den komentaar foe joe abi foe doe nanga wan tekst, nanga a materiaal di e taki foe dati. Efoe a sma e tan sori belangstelling, dan joe kan taki foe den wini foe den tijdschrift. Oe kan poti prakseri toe tapoe a njoen tijdschrift di e kon, efoe a abi wan artikel na ini di e taki foe a srefi tori. Noso, wi kan poti a prakseri tapoe a materiaal ini a Libi foe têgo-boekoe, foe a tori dati, èn meki mofo foe taki makandra foe en na wi tra fisiti.
5 Efoe wi srefi abi belangstelling foe go doro foe jepi sma nanga jepi foe gobaka di wani taki wan sani, dan wi e sori taki wi abi lobi gi libisma nanga gi Jehovah (Joh. 13:34, 35). Meki wi go doro foe kweki a gro na jeje fasi foe den wan na ini wi gebied, nanga jepi foe doronomo gobaka di wani taki wan sani.