Diniwroko-konmakandra foe maart

Wiki di e bigin 7 maart

Singi 200

15 min: Wan toe sani foe a gemeente èn wan toe sani di teki poeroe foe Wi Kownoekondre Dienst. Taki sjatoe foe „Pristeri a Jongoe sma aksi boekoe”, èn gi den preikiman deki-ati foe gebroiki a boekoe dati te a fiti.

15 min: „Hori tranga sondro degedege na a meki bekènti foe joe howpoe na poebliki”. Aksi-nanga-piki-takimakandra foe na owroeman di e hori a Waktitoren-Studie. Aksi komentaar foe denwan di wini a frede di den ben abi foe gi komentaar na den konmakandra. Poti krakti na tapoe a fanowdoe foe sreka na fesi. Gi a gemeente deki-ati foe sreka so taki den kan teki prati dorodoro ini a gemeente studie foe A Waktitoren ibri wiki.

15 min: „Meki a span boskopoe di de ini Openbaring, bekènti”. Takimakandra nanga arkiman. Meki preikiman di sreka boen demo den pristeri ini paragraaf 2-4. Meki den arkiman gi komentaar tapoe san den ben leri foe a pristeri baka ibri demonstrâsi. Gi ala sma deki-ati foe teki prati ini a pristeri foe na Openbaring-Heimarki-boekoe a moen disi.

Singi 225 nanga lasti begi.

Wiki di e bigin 14 maart

Singi 205

10 min: Wan toe sani foe a gemeente. Theokrasia njoensoe. Poti prakseri na tapoe spesroetoe penti ini den njoen tijdschrift, di wi kan gebroiki ini a preikiwroko a wiki disi.

15 min: „Joe kan doe moro ini a prèise di joe e prèise Jehovah ini april?” Aksi-nanga-piki-takimakandra. Aksi komentaar foe denwan di ben de ini a jepi-pionierwroko ini a ten di pasa. Meki den froeklari fa den kenki den afersi foe den foe kan abi wini foe a grani disi. Gi ala sma di meki a plan foe go ini a jepi-pionierwroko ini april deki-ati foe gi den pionier-formulier foe den so esi leki a kan.

20 min: „Meki den firi taki wi prisiri dati den kon na a Memrefesa”. Aksi-nanga-piki-takimakandra. Baka te joe loekoe paragraaf 3, dan gi wan sjatoe demonstrâsi pe wan dinari ini a diniwroko e gi wan njoensma wan switi kon na a Memrefesa.

Singi 150 nanga lasti begi.

Wiki di e bigin 21 maart

Singi 143

10 min: Wan toe sani foe a gemeente, so srefi raport foe moni afersi nanga piki taki den ben kisi den bijdrage di ben gi. Taki makandra foe a boksoe di abi leki titel „Njanjan na a reti ten”. Gi ala sma deki-ati foe gi den wan di abi belangstelling wan kari gi a spesroetoe poebliki taki di sa hori tapoe 10 april.

20 min: „Jepi den foe handri ini akroederi nanga a boskopoe”. Wan takimakandra. Gi demonstrâsi di sreka boen, foe den pristeri ini paragraaf 2 nanga 3.

15 min: Den fanowdoe foe a gemeente, di kande abi foe doe nanga sani di sreka gi a Memrefesa.

Singi 121 nanga lasti begi.

Wiki di e bigin 28 maart

Singi 112

15 min: Wan toe sani foe a gemeente. Taki makandra èn gi demonstrâsi foe fasi di fiti foe gi kotoigi ini a gebied nanga a boekoepristeri foe april. Gi ondrofenitori di e sori fa wan toe preikiman ben sroto abonnement pe troetroe belangstelling ben sori na gobaka.

15 min: Wan owroeman e taki makandra foe a gro foe a Kownoekondrewroko na heri grontapoe foe di a e gebroiki edepenti di a sreka na fesi, foe bladzijde 19 te nanga 32 foe a 1994 Jariboekoe èn a e poti krakti na tapoe den positief fasi fa a gemeente ben horibaka. Sori fa Jehovah e gi a pipel foe en foeroe blesi, en so srefi denwan di skotoe ini san den kan doe.

15 min: „A Giman foe ’ibri boen presenti’”. Lezing foe wan owroeman di gron tapoe a Waktitoren foe 1 december 1993, bladzijde 28 te nanga 31 (Bakratongo).

Singi 15 nanga lasti begi.