Pristeri a Jongoe sma aksi-boekoe
1 Ala di na Openbaring-boekoe e pristeri a moen disi, tokoe kande joe e bosroiti foe pristeri a Jongoe sma aksi-boekoe te joe e taki nanga wan papa noso wan mama noso wan jongoe sma di e broko en ede nanga den problema di e dangra jongoe sma.
2 Kande joe e feni taki a e fiti foe taki wan sani leki disi:
◼ „A no makriki foe gro kon bigi ini den moeilek ten disi. Jongoe sma e tanapoe na fesi foeroe njoen situwâsi di e aksi foe den foe teki prenspari bosroiti. ’Mi moesoe dringi sopi? Gebroiki drug? Sortoe fasi na a joisti fasi foe tjari misrefi nanga wan man-nengre noso wan oemasma?’ Te jongoe sma e aksi foe den fondamenti tori disi, dan foeroe tron den e kisi foeroe piki di de kontrari makandra. Pe joe e denki taki foeroe foe den e go foe kisi rai? [Gi okasi foe piki.] A boekoe disi, Jongoe sma e aksi — Piki di e wroko, e gi bodoi di e jepi. [Poti a prakseri tapoe a lijst foe den tori di de ini a boekoe, di e sori den difrenti tori di a boekoe e taki foe den.] Den jongoe sma abi eerlijk piki fanowdoe di de krin foe froestan. Den sani di bijbel e taki, e horibaka gi den piki ini a boekoe disi.”
3 Ete wan tra pristeri de dja di kande joe ben kan gebroiki:
◼ „Jongoe sma de ondro foeroe kwinsi ini a ten disi. Den abi jepi fanowdoe foe man kakafoetoe gi den problema na wan boenfasi. Te wi e proeberi foe doe ala san wi man foe jepi den, wi no e soekoe wan sani dan di e gi tiri di e wroko? [Gi okasi foe piki.] Wan toe foe den moro hebi kwinsi e kon foe tra jongoe wan, den speri foe den. Loekoe den prenki na tapoe bladzijde 76 nanga 77 ini a boekoe disi. [Poti a prakseri na tapoe den sani di skrifi na sei den prenki disi èn na tapoe den paragraaf di skrifi skoinsi na tapoe bladzijde 77.] Den tra bladzijde ini a kapitel disi e gi piki di de eerlijk èn di e wroko.”
4 Foe troe, disi na „moeilek ten di tranga foe pasa”, spesroetoe gi jongoe sma (2 Tim. 3:1). A boekoe Jongoe sma aksi kan jepi wan jongoe sma troetroe foe man kakafoetoe gi den disiten tjalensi nanga boen bakapisi. Den 39 kapitel abi foeroe prenki, èn den artikel de krin foe froestan èn den e wroko. So boen, awinsi oten wan okasi sa opo, de na ai foe gebroiki a moi boekoe disi.