Pristeri den moro boen tijdschrift na grontapoe
1 A marki foe A Waktitoren, di den e taki foe en, na „foe hei Jehovah Gado leki a Tiriman foe hemel nanga grontapoe”. Ontwaakt! na „wan tijdschrift gi a leri foe a heri osofamiri. . . . A tijdschrift disi e bow froetrow tapoe a pramisi foe a Mekiman gi wan vrede èn seiker njoen grontapoe”. Den sani disi di skrifi poti, teki foe den tijdschrift srefi. A moeiti di wi e meki foe doro den marki disi, meki taki den tijdschrift disi tron wan fonten foe trowstoe gi miljoenmiljoen leisiman.
2 Wi sa pristeri den tijdschrift disi ini wi diniwroko ini april nanga mei. Foe abi boen bakapisi, dan wi moesoe sabi den sani di skrifi na ini heri boen. Leisi ibri tijdschrift èn poti prakseri tapoe penti di joe kan gebroiki te joe o pristeri den. Prakseri foe den sani di e gi sma broko-ede. Sortoe sani foe a libimakandra, na oso famiri, noso emotioneel sani, moro foeroe foe den sma na joe sei e prakseri moro foeroe foe den? Proeberi foe prakseri foe wan sani di joe kan taki di o naki den ati foe den sma èn o wiki wan angri foe leri moro.
3 Poti krakti na tapoe A Waktitoren foe 1 april (Bakratongo): Moro foeroe sma e angri foe wan moro boen grontapoe, wán di no abi den foeroe problema di foeroetron e pori a prisiri foe den.
Baka te joe kari joe nen, dan joe ben kan taki:
◼ „Mi ben sa wani sori joe wan moi komentaar di skrifi poti ini na artikel disi di abi leki titel ’Wan moro boen grontapoe — Soso wan dren?’ A e taki: ’A grontapoe disi, wi grontapoe, no de wan boen presi srefisrefi. . . . A gersi taki a lijst foe den heloe foe nownow no abi wan kaba.’ A situwâsi disi e meki taki a de wan moeilek sani foe si a ten di de na wi fesi na wan positief fasi, a no so? Ma, meki mi sori joe san Psalm 37:11 e taki foe a ten di de na wi fesi.” Baka te joe leisi a vers, aksi na ososma fa en e prakseri foe a pramisi disi. Efoe a sma piki na wan boen fasi, dan drai go na a artikel „Wan moro boen grontapoe — De krosibei!”, bladzijde 4, èn taki: „Wan nomroe foe bijbel tekst skrifi djaso, so srefi a wán di wi leisi didjonsro foe Psalm 37:11. Mi e denki taki joe sa prisiri foe leisi den artikel disi èn foe soekoe den sani di e sori go na joe bijbel. Mi ben sa prisiri foe libi den gi joe na baka gi wan bijdrage foe Sƒ 2,- gi wan eksemplaar.”
4 Poti krakti na tapoe A Waktitoren foe 1 april: Na artikel na tapoe bladzijde 4 e aksi: „Pe joe kan feni tiri di joe kan froetrow?”
Baka te joe kari joe nen, dan joe ben kan taki:
◼ „Someni problema de na grontapoe tide, so leki [kari wan sani foe san a libimakandra e broko den ede, noso wan njoensoe edepenti]. Disi e meki wi e aksi wisrefi efoe wan sma oiti kan feni wan fasi foe poeroe wi foe a situwâsi disi di abi someni problema. Kolokoe, 2 Timoteus 3:16, 17 e gi wi a djaranti taki bijbel na wan tiri gi wan kolokoe nanga seiker fasi foe libi.” Baka te joe leisi den vers disi, dan sori fa A Waktitoren e jepi wi foe froestan foe san ede bijbel na wan tiri di wi kan froetrow.
5 Efoe joe e froekisi foe pristeri Ontwaakt!, dan joe kan gebroiki a tijdschrift foe 8 mei nanga na artikel „Troetroe howpoe gi den pikin?” (Bakratongo). So leki fa a sori, joe sa feni taki den sani di pikin abi fanowdoe, e naki na ati foe den papa nanga mama èn taki den wani sabi san den kan doe foe jepi den.
6 Efoe wi de fajafaja foe den tijdschrift foe wi, den moro boen wan na grontapoe, dan wi sa de fajafaja foe libi den na baka gi trawan, so taki den toe kan teki a Kownoekondre howpoe èn teki prati foe hei Jehovah leki Tiriman foe hemel nanga grontapoe. — Ps. 83:18.