Alaten poti prakseri na tapoe a leri foe joe
1 A njoen programa foe a Theokrasia Diniwroko-skoro sa bigin ini januari 1995. Sortoe sani de njoen ini a programa? A span historia foe a disiten organisâsi foe Jehovah sa de a tori foe taki foe en ini moro foeroe foe den instruktielezing. Ini a jari 1995, den brada sa poti prakseri na tapoe 178 bladzijde foe a boekoe Jehovah’s Getuigen — Verkondigers van Gods Koninkrijk (Jehovah Kotoigi — Preikiman foe Gado Kownoekondre). Foe di den brada no sa poti aksi gi wan sjatoe loekoe baka na a kaba foe na instruktielezing foe a Verkondigers-boekoe (Preikiman-boekoe), dan san wi kan doe foe poti prakseri na tapoe a leri foe wi èn foe meki den winimarki kon so foeroe leki a kan? — 1 Tim. 4:16.
2 Ala di foeroe sma leisi a Verkondigers-boekoe (Preikiman-boekoe) kaba, tokoe a sa jepi ala sma foe kisi wan moro bigi warderi gi a theokrasia seti di wi kisi, te den sa poti prakseri na tapoe a materiaal so leki fa a skrifi tapoe a skoro schema (Ps. 71:17, 18). Foe san ede joe no e poti ten na wan sei ibri wiki, foe loekoe a materiaal ini a Verkondigers-boekoe (Preikiman-boekoe) baka?
3 Fajafaja instruktielezing di e wiki a belangstelling: Instruktielezing foe a Verkondigers-boekoe (Preikiman-boekoe) moesoe hori fajafaja èn den moesoe wiki a belangstelling foe sma. Den brada moesoe poti krakti toe na tapoe a praktis waarde foe a bodoi, ala di den e gebroiki en foe meki a lespeki gi Jehovah en organisâsi kon moro dipi èn foe meki a warderi gi den grani di wi kisi foe de foetoeboi foe Gado, kon moro dipi. Efoe ibri osofamiri di e fisiti a skoro, e tjari wan eksemplaar foe a Verkondigers-boekoe (Preikiman-boekoe) go na a konmakandra, dan den memre foe na osofamiri kan froestan na instruktielezing moro boen èn den kan njan boen foe den prenki ini a boekoe.
4 Bijbel-leisipisi di e meki sma denki dipi: A leisi di wan sma e leisi boen èn nanga wan waran firi, èn a poti di wan sma e poti krakti tapoe wortoe tapoe a joisti momenti te a e leisi, na wan prenspari pisi foe gi leri nanga boen bakapisi. Boiti dati, a materiaal di gi leki toewijzing foe leisi na lezing nr. 2, no foeroe srefisrefi èn moro foeroe, nofo ten sa tan abra gi wan inleiding nanga wan bosroiti foe a takiman. Na inleiding moesoe wiki a belangstelling gi a materiaal di gi leki toewijzing, èn a moesoe sreka a poebliki foe si a praktis waarde foe en. A bosroiti kan abi na ini en toe den komentaar di e froeklari sani èn fa sma kan fiti a materiaal ini den eigi libi, ala di a takiman e gebroiki ala a ten di a kisi gi a lezing.
5 Moro bodoi foe a skoro programa èn fa sma moesoe handri nanga den toewijzing di den kisi, de foe feni ini a „Schema gi a Theokrasia Diniwroko-skoro foe 1995”. Wi e poti prakseri na tapoe a leri foe wi, foe di wi e loekoe den bodoi ini a materiaal disi baka, foe di wi e sreka den toewijzing foe wi heri boen, èn foe di wi e gebroiki a rai di wi e kisi, so taki wi kan kon moro boen ini a koni foe taki èn foe gi leri. Wi e gi denwan di no gi den nen ete gi a skoro, wan switi kari foe doe dati.