Njan boen foe a theokrasia diniwroko-skoro programa foe 1999
1 Jesus ben de a Meester Leriman. Sma ben „froewondroe foe a fasi fa a ben gi leri” (Mark. 1:22). Ala di no wan foe wi kan taki èn gi leri leki fa Jesus ben doe dati, tokoe wi kan meki moeiti foe waka na en baka (Tori. 4:13). Foe doro a marki dati, dan na abi di wi abi wan prati na a theokrasia diniwroko-skoro programa, sa jepi wi foe tan meki a bekwaamfasi di wi abi foe taki èn foe gi leri, kon moro boen.
2 Na ini 1999, dan toewijzing nr. 1 moro foeroe sa abi en gron tapoe artikel di teki foe den tijdschrift A Waktitoren nanga Ontwaakt! foe 1997. A fasi fa wi e froestan jeje afersi sa kon moro boen efoe wi e leisi den bodoi disi na fesi èn baka dati, jere en na a skoro programa. Den wan di kisi a toewijzing foe hori den instruktielezing disi, moesoe sori fa wi kan gebroiki a materiaal na wan praktis fasi, èn den moesoe tjari en na wan moi èn fajafaja fasi. Toewijzing nr. 3 sa abi en gron tapoe a Kolokoe osofamiri libi-boekoe, èn toewijzing nr. 4 sa abi foe doe nanga wan sma na ini bijbel, ala di a materiaal foe pe den teki den tori, kan difrenti gi den toewijzing disi. A skoro-opziener moesoe loekoe den tori boen bifo a e gi den toewijzing. Ala studenti di kisi a toewijzing foe taki foe sani di teki foe a Kolokoe osofamiri libi-boekoe, moesoe de wan boen eksempre na ini den eigi osofamiri libi.
3 Gebroiki rai, èn sreka boen: Ibriwan sma kan go moro na fesi na ini a fasi fa a e taki èn na ini a gi di a e gi leri (1 Tim. 4:13). Foe dati ede, wi moesoe soekoe rai èn noiti no si en leki wan sani di wi moesoe wai pasi gi dati (Odo 12:15; 19:20). Moro de fanowdoe foe pristeri waarheid na wan boen fasi na den konmakandra èn na ini a velddienst, leki foe taki foe troetori nomo noso foe leisi tekst frafra nomo. Wi moesoe doro na ati foe sma èn boeweigi den wan di e arki wi. Wi kan doe disi foe di wi e taki foe a waarheid na wan fasi di e overtoigi sma èn a moesoe kon foe wi ati. (Teki gersi Tori foe den Apostel 2:37.) A rai di wi e kisi na a skoro sa jepi wi foe doe disi.
4 So esi leki joe e kisi wan toewijzing, go denki foe den penti di joe moesoe wroko na den, soleki fa den e froeklari dati na ini a Handleiding-boekoe. Loekoe san joe moesoe doe foe fiti rai di joe ben kisi bifo dati. Denki dipi foe a thema foe joe, a situwâsi di joe o agersi, efoe dati de fanowdoe, èn fa joe sa fiti den tekst di de na ini a materiaal di joe kisi leki toewijzing. Prakseri fa joe kan gebroiki den bodoi na wan moro boen fasi foe gi leri èn foe boeweigi sma. — 1 Tim. 4:15, 16.
5 Efoe joe frede pikinso foe gi joe nen foe abi wan prati na a skoro, dan begi foe dati èn baka dati, taki foe den firi foe joe nanga a skoro-opziener. Ibriwan sma kan kisi wini efoe a e meki boen gebroiki foe a programa di wi sa kisi na a theokrasia diniwroko-skoro na ini 1999.