Overzicht gi a theokrasia diniwroko-skoro
Overzicht nanga tapoe boekoe, di abi en fondamenti tapoe a materiaal foe a theokrasia diniwroko-skoro foe den wiki foe 7 september te nanga 21 december 1998. Gebroiki wan aparti pisi papira foe skrifi den piki foe someni aksi di joe man piki na ini a ten di den gi joe pasi foe doe dati.
[Wan toe sani foe hori na prakseri: Soso bijbel wan sma mag gebroiki foe gi piki tapoe ibri aksi na ini a ten foe a schriftelijk overzicht. Den bodoi di tanapoe baka den aksi de foe joe ondrosoekoe sani joesrefi. Den bodoi di e sori na sortoe Waktitoren joe moesoe go, no e kari ala ten den bladzijde nanga den paragraaf.]
Gi piki tapoe ibriwan foe den froeklari di e kon now efoe den boen noso fowtoe:
1. Na 2 Timoteus 1:6, „a presenti” e sori go na a koni foe man taki difrenti tongo, di Timoteus ben man doe nanga a krakti foe Gado en santa jeje. [Alawiki bijbel leisiprograma; loekoe wO85 1/5 blz. 18 par. 15.]
2. Wan lepi kresten ’e oefen a koni di a abi foe si san boen èn san ogri’ te a e meki a de wan gwenti foe gebroiki ala koni di a abi foe Gado Wortoe (Hebr. 5:14). [Alawiki bijbel leisiprograma; loekoe wO85 15/6 blz. 9 par. 7.]
3. Ala di Jehovah Kotoigi skrifi den nen na lanti leki wan relisi groepoe, tokoe a makti di den abi foe libi akroederi a troe anbegi seiker no e kon foe wan libisma noso wan tirimakti foe libisma. [jv blz. 696 par. 1]
4. Jakobus, a bijbel skrifiman, de a srefi sma leki Jakobus a takiman foe „den apostel nanga den owroeman” na a ten di a bosroiti foe a besnijdenis ben teki (Tori. 15:6, 13; Jak. 1:1). [si blz. 248 par. 2, 3]
5. Ala di 1 Petrus 5:13 e taki dati Petrus ben de na Babilon di a ben skrifi en fosi brifi, tokoe den boeweisi e sori taki a nen Babilon na wan kibrinen gi Rome. [si blz. 251 par. 4]
6. Den wortoe „na antichrist e kon” na 1 Johanes 2:18 e sori go na wán sma. [Alawiki bijbel leisiprograma; loekoe rsO blz. 41 par. 7.]
7. A trobi di ben kon de foe di Paulus ben prakseri wan fasi foe Markus, soleki fa a skrifi na Tori foe den Apostel 15:36-41, noiti ben kon koti. [itO-2 blz. 262 par. 1]
8. A boekoe Openbaring poti leki lasti boekoe na ini bijbel foe di a ben de a lasti boekoe di na apostel Johanes ben skrifi. [si blz. 263 par. 1]
9. Openbaring 13:11-15 e sori soifri fa na Anglo-Amerikan Grontapoemakti ben tron a moro prenspari jepiman èn tirimakti di ben bigin nanga a Folkoebontoe nanga a wan di ben kon na en baka, den Verenigde Nâsi. [Alawiki bijbel leisiprograma; loekoe wSR88 15/12 blz. 12 par. 3.]
10. A komando taki wi moesoe lobi makandra, di skrifi na Johanes 13:34, ben de „wan njoen komando” bika a ben de moro njoen leki a Wet foe Moses. [jv blz. 711 par. 3]
Gi piki tapoe den aksi di e kon now:
11. San a wani taki dati wan opziener no moesoe de wan „sma di e naki”? (Titus 1:7) [Alawiki bijbel leisiprograma; loekoe wSR90 1/9 blz. 18 par. 21.]
12. Fa wi doe sabi taki Lois nanga so srefi Eunice ben leri Timoteus bijbel? [itO-2 blz. 209 par. 7]
13. San Jesus ben abi na prakseri di a ben taki „Srakti-ofrandi nanga a tjari foe ofrandi joe no ben wani”? (Hebr. 10:5) [Alawiki bijbel leisiprograma; loekoe wSR96 1/7 blz. 12 par. 3.]
14. Fa kresten kan „wini grontapoe”? (1 Joh. 5:3, 4) [si blz. 258 par. 12]
15. San den wortoe foe Petrus ’hori a dei foe Jehovah boen na prakseri’ wani taki toe? (2 Petr. 3:12) [Alawiki bijbel leisiprograma; loekoe wSR97 1/9 blz. 19 par. 2.]
16. San a wani taki so srefi foe abi wan krin jeje, èn fa disi e jepi wan sma foe kibri en osofamiri? (2 Kor. 7:1) [fy blz. 46 par. 14]
17. Soleki fa Openbaring 1:7 e sori, dan fa den sma di ben djoekoe Jesus sa si en „e kon nanga den wolkoe”? [Alawiki bijbel leisiprograma; loekoe wSR93 1/5 blz. 19 par. 7.]
18. Fa den kresten di de na ai ’e poti prakseri na tapoe densrefi èn e tan na ai’? (Luk. 21:34, 36) [jv blz. 714 par. 4]
19. Fa den sma di de na ini a wan-enkri troe kresten organisâsi na ini a ten disi e kisi wan joisti froestan foe Gado Wortoe? [jv blz. 708 par. 3]
20. Sortoe bijbel markitiki a wan-enkri troe kresten organisâsi moesoe doro na ini den lasti dei? [jv blz. 706 par. 3]
Poti a (den) wortoe noso a pisi foe a prakserilin di de fanowdoe foe klari ibriwan foe den froeklari di e kon now:
21. Wan masra nanga wan wefi moesoe ․․․․․․․ na makandra, ala di den e hori na prakseri taki ․․․․․․․ de moro prenspari leki a sma di joe de na dorosei. [fy blz. 26 overzicht boksoe]
22. A brifi foe Paulus gi den Hebrewsma e sori taki den difrenti pisi foe a ․․․․․․․ ben de wan eksempre di Gado ben gi foe moro bigi sani di moesoe feni presi, èn den e doro den heimarki na ini ․․․․․․․ , a kontroe foe a Wet. [si blz. 247 par. 23]
23. Na 2 Petrus 1:5-8, na apostel Petrus e rikomanderi wi foe doe ․․․․․․․ foe kweki den eigifasi foe Gado di sa kibri wi foe no de ․․․․․․․ noso foe no de ․․․․․․․ [si blz. 255 par. 9]
24. Te masra nanga wefi e taki nanga makandra, dan a ․․․․․․․ nanga den ․․․․․․․ de toemoesi prenspari. [fy blz. 36 par. 21]
25. Maria, a mama foe Jesus, ben de foe a lo ․․․․․․․, èn wan bakapikin foe David; nanga jepi foe en, Jesus ben abi a ․․․․․․․ foe go sidon tapoe „a kownoestoeroe foe en tata David” (Luk. 1:32). [itO-2 blz. 257 par. 5]
Teki a joisti piki na ini ibriwan foe den froeklari di e kon now:
26. Di Paulus ben de a fosi leisi na strafoe-oso na Rome, dan (Onesiforus; Oneisimus; Onan), wan lowe srafoe foe na osofamiri foe (Filipus; Festus; Fileimon), ben de wan foe den sma di ben arki en di a ben preiki. [si blz. 241 par. 2]
27. Den e taki foe (lobi; lespeki; a lobi di sma lobi foe ontfanga sma; a gi di den e gi den grani) leki „a poti di sma e poti prakseri na tapoe trawan”. [fy blz. 30 par. 7]
28. Na Lukas 14:28, Jesus e taki foe (meki plan na fesi; no lasi moni; no leni moni). [fy blz. 40 par. 4]
29. A „tirimakti” di kari na Judas 8 e taki foe (Jesus en posisi; a soevereiniteit foe Jehovah; tirimakti di Gado gi na ini a kresten gemeente). [si blz. 263 par. 9]
30. Na Openbaring 11:11, „den dri nanga afoe dei”, te a gersi gi den feanti foe den, leki a salfoe fikapisi na dedeskin, e sori go na (dri nanga afoe jari; wan sjatoe pisi ten; dri nanga afoe moen). [Alawiki bijbel leisiprograma; loekoe re blz. 167, 168 par. 21.]
Soekoe a joisti tekst gi ibriwan foe den froeklari dja na ondrosei:
Odo 8:30; Mat. 19:13-15; Hebr. 2:1; Jak. 4:15; 1 Petr. 3:4
31. Foe kan feti nanga a krakti di a doronomo propaganda foe a grontapoe disi abi, wi moesoe „poti moro prakseri leki san wi gwenti” na tapoe Gado Wortoe, foe di wi abi wan boen gwenti foe studeri èn wan boen schema foe leisi bijbel. [Alawiki bijbel leisiprograma; loekoe wSR98 1/1 blz. 7 par. 9.]
32. Ibri leisi te wi e meki plan gi a ten di e kon, dan wi moesoe loekoe na ini begi fa disi e fiti a prakseri foe Gado. [Alawiki bijbel leisiprograma; loekoe wSR97 15/11 blz. 21 par. 10-11.]
33. „A tiri èn safoe jejefasi” foe wan kresten wefi èn mama no e plisi en masra wawan, ma moro prenspari, a e plisi Gado. [Alawiki bijbel leisiprograma; loekoe wSR89 15/5 blz. 34 par. 12.]
34. Te wan papa wani waka baka na eksempre foe Jehovah, dan a moesoe doe moeiti foe kweki wan waran, lobi matifasi nanga en pikin foe sensi a bigin foe a libi foe a pikin. [fy blz. 54 par. 7]
35. Foe di Jesus no ben teki partèi te a ben blesi den jongoe pikin, dan wan sma no moesoe si den manpikin leki den de moro prenspari leki den oemapikin. [fy blz. 52 par. 4]