Gebroiki den owroe boekoe foe wi boen
1 Jehovah gi wi boen jeje njanjan bogobogo. Foeroe foe a njanjan disi, kon leki 192-bladzijde boekoe di kon na doro ini den jari di pasa. Ini januari wi sa pristeri ibri 192-bladzijde boekoe di ben kon na doro bifo 1982. Joe abi wan toe foe den boekoe disi ete na joe oso? Boekoe di boen ete? A gemeente abi wan toe foe den boekoe disi ete? Efoe a de so, dan a ben sa de wan boen sani foe loekoe baka san skrifi na ini den boekoe èn teki wan toe penti di joe kan taki foe den te joe o pristeri den boekoe.
2 Efoe joe e gebroiki a boekoe „Uw Koninkrijk kome” (Meki joe Kownoekondre kon), dan joe ben sa kan bigin, foe di joe e taki:
◼ „Pikinmoro 2000 jari kaba, kresten begi foe a kon di a Kownoekondre foe Gado moesoe kon. San joe e prakseri taki a Kownoekondre sa doe gi a libisma famiri? [Gi okasi foe piki. Go na a boksoe na tapoe bladzijde 25, èn sori tapoe wan toe foe den blesi di sa kon troe na ondro a Kownoekondre tiri.] A boekoe disi e taki foe den sani di a Kownoekondre sa doe èn a e tjari kon na krin fa joe nanga den lobiwan foe joe kan abi wini. Efoe joe ben sa wani foe leisi en, dan mi sa prisiri foe libi wan eksemplaar gi joe.”
3 Efoe joe e pristeri a boekoe „De weg tot waar geluk” (Kolokoe—Fa foe feni dati?), dan joe ben sa kan proeberi a fasi disi foe bigin:
◼ „Moro foeroe sma e feni en moeilek foe feni kolokoe ini a grontapoe disi, bika someni problema de. Joe e denki taki wi kan de kolokoe nanga a fasi fa sani de now? [Gi okasi foe piki. Go na bladzijde 41, èn sori tapoe wan toe problema di wi alamala abi foe doe nanga den èn di e gi wi broko-ede.] Bijbel e sori fa wi kan kakafoetoe gi den problema disi, èn te foe kaba njan boen foe têgo kolokoe ini wan njoen grontapoe foe vrede. [Go na bladzijde 190, èn leisi Jesaja 32:17, 18.] Bijbel e gi spesroetoe rai di kan jepi wi foe feni moro kolokoe ini a libi. A boekoe disi e taki baka foe a rai dati èn e tjari kon na krin fa wi kan fiti a rai dati ini wi libi.”
4 Efoe joe e gebroiki a boekoe „Ware vrede en zekerheid—Hoe kunt u die vinden?” (Troe vrede nanga seikerfasi—Fa joe kan feni dati?), dan joe ben sa kan proeberi a fasi disi:
◼ „Ala sma ben sa wani foe libi ini wan grontapoe pe vrede nanga seikerfasi de. Ma a de wan sari, taki wi no ondrofeni a sani dati te wi de na libi. San joe e prakseri wi moesoe doe foe meki vrede nanga seikerfasi kon tron wan troetroe sani gi wi? [Gi okasi foe piki.] Gado abi a makti foe tjari vrede kon gi a grontapoe disi, èn a pramisi taki a sa doe dati.” Go na a prenki tapoe bladzijde 98, èn baka dati leisi Mika 4:3, 4. Efoe a sma e piki boen tapoe a pristeri foe joe, dan tjari moro sani kon na krin foe a Kownoekondre howpoe, pristeri a boekoe, èn seti sani gi wan gobaka.
5 Joe ben sa kan froekisi foe gebroiki a brochure „Bekommert God zich werkelijk om ons?” (Gado e broko en ede troetroe nanga wi?). Efoe na so a de, dan joe ben kan taki a sani disi:
◼ „Foeroe sma e aksi densrefi foe san ede Gado e gi pasi meki so foeroe pina de na grontapoe. Foe di a de almakti, foe san ede a no e doe wan sani foe tjari wan kaba kon na a banawtoe foe wi? Fa joe e prakseri? [Gi okasi foe piki.] Bijbel e gi wi a djaranti taki Gado no gowe libi wi.” Go na bladzijde 27, paragraaf 22, èn leisi Psalm 37:11, 29. Sori go tapoe a moi prenki di e sori wi san wi kan froewakti. Efoe a sma e teki a brochure, dan taigi en taki joe wani kon baka na en foe sori en fa a kan gebroiki a brochure foe studeri bijbel.
6 Den poeblikâsi foe wi poesoe doesoendoesoen sma foe ondrosoekoe bijbel moro fini. San den leri, gi den howpoe foe wan kolokoe tamara (Ps. 146:5). Wi abi a grani foe jepi den.