Sori taki joe e broko joe ede nanga sma, foe di joe e go baka na den
1 Te joe e waka oso foe oso foe soekoe sma di abi belangstelling, dan dati e sori a wani di joe wani gi tra sma na okasi foe jere a Kownoekondre boskopoe. So boen, sorgoe taki joe e go baka na den sma pe joe ben libi boekoe na baka ini a moen januari, foe di disi na wan heri moi fasi foe sori taki joe e broko joe ede nanga trawan.
2 Efoe joe ben libi a boekoe „Uw Koninkrijk kome” (Meki joe Kownoekondre kon) na baka, dan joe ben kan proeberi foe go doro nanga a takimakandra na a fasi disi:
◼ „Na a takimakandra di wi ben abi na fesi, wi ben taki foe a Kownoekondre foe Gado èn san a sa doe gi wi. Heri esi a Kownoekondre dati sa meki a grontapoe disi tron wan paradijs. Foe di noiti ete wi si wan paradijs, dan a kan de wan moeilek sani foe si en ini a prakseri foe wi. Djaso wan prenki de, di e sori fa a paradijs ben sa kan de. [Sori go na a prenki tapoe bladzijde 4 nanga 5.] Bijbel e pramisi so wan paradijs.” Leisi Psalm 72:7. Efoe belangstelling de, dan go na bladzijde 175, paragraaf 3 nanga 4, èn sori san wi moesoe doe efoe wi wani libi ini a Paradijs di e kon.
3 Djaso na wan fasi fa foe go baka na sma pe joe ben libi a boekoe „De weg tot waar geluk” (Troe kolokoe—Fa foe feni dati?) na baka:
◼ „Wi alamala ben sa wani de kolokoe. Foeroe sma e firi taki troetroe kolokoe na wan sani di no kan srefisrefi ini a grontapoe disi. Fa joe e firi foe dati? [Gi okasi foe piki.] Sma taki dati kolokoe abi foe doe nanga den sani di wan sma e prakseri. Efoe a prakseri foe wi foeroe nanga lobi gi trawan, lespeki gi Gado, èn wan seiker howpoe gi a tamara, dan wi kan ondrofeni troetroe kolokoe ala di wi abi den problema foe wi.” Leisi Psalm 119:1, 2. Tjari kon na krin taki te wi e studeri bijbel, dan dati sa leri wi fa foe lobi trawan, fa foe sori lespeki gi Gado, èn fa foe feni wan howpoe di e gi trowstoe gi a tamara.
4 Joe ben sa kan go baka pe joe ben libi a boekoe „Ware vrede en zekerheid—Hoe kunt u die vinden?” (Troe vrede nanga seikerfasi—Fa joe kan feni en?), èn gebroiki wan sjatoe pristeri leki disi:
◼ „Den grontapoe fesiman ini a ten disi, no man tjari vrede nanga seikerfasi kon. Jehovah Gado na a wan-enkri sma di kan doe dati. Bijbel e sori wi, san wi moesoe doe. [Taki makandra foe den penti ini paragraaf 1 nanga 2 tapoe bladzijde 175, èn baka dati leisi Jesaja 26:4.] Mi ben sa wani sori joe fa a boekoe disi kan jepi joe.”
5 Joe ben sa kan go baka pe joe ben libi a brochure „Bekommert God zich werkelijk om ons?” (Gado e broko en ede troetroe nanga wi?) na baka, èn gebroiki a rai disi:
◼ „A lasti leisi di mi ben de na joe, mi ben libi wan eksemplaar foe a brochure disi gi joe. A brochure disi e tjari wan toemoesi prenspari aksi kon na fesi: ’Gado e broko en ede troetroe nanga wi?’ Baka di joe loekoe a brochure disi, sortoe bosroiti joe ben teki? [Gi okasi foe piki.] A no de foe taki, dati joe ben kisi deki-ati foe di joe ben e leisi den tekst di e pramisi wan njoen paradijs grontapoe, pe wi kan libi ini vrede. [Sori den prenki tapoe bladzijde 2 nanga 3, èn sori wan toe sani di sa de ini a njoen grontapoe, sani di moi srefisrefi.] Mi de seiker taki joe nanga den lobiwan foe joe ben sa wani foe libi ini so wan grontapoe. Loekoe san paragraaf 16 tapoe bladzijde 31 e taki foe disi.” Leisi a paragraaf èn sori taki te wan sma e soekoe Gado, dan dati wani taki dati a sma moesoe leri moro foe Gado nanga den prakseri foe En, nanga jepi foe a studeri di a sma e studeri bijbel, a Wortoe foe Gado.
6 Jehovah gi wan volmaakti eksempre leki wan lobi Skapoeman di e broko en ede nanga den skapoe foe en (Esek. 34:11-14). Na opregti moeiti di wi e doe foe waka baka a broko di A e broko en ede na wan lobifasi, e plisi en, e sori a lobi foe wi, èn e tjari blesi kon gi trawan.