Kibri en
Yu e gebroiki den brochure disi?
San na a boskopu fu Bijbel?
A meki spesrutu gi den sma di no sabi furu fu Bijbel, spesrutu den sma di no abi wan Kresten bribi
Fa fu pristeri en: „Wi wani sabi fa yu e denki fu a sani di skrifi dyaso na ini Bijbel (noso na ini a santa buku disi). [Leisi Psalm 37:11, di pisi 11 e taki fu en.] Fa yu denki grontapu o de te a profeititori disi kon tru? [Gi a sma na okasi fu piki.] Disi na wan eksempre fu a howpu nanga trowstu di sma fu ala kulturu nanga kerki e kisi fu Bijbel.” Leisi a paragraaf na loktusei fu bladzijde 3, èn pristeri a brochure baka dati.
Yu kan du disi: Efu yu e studeri a Bijbel leri-buku nanga wan sma di no abi wan Kresten bribi, dan gebroiki wan tu miniti fosi noso baka a studie, fu luku wan pisi fu a brochure disi fu meki a sma kon sabi moro fu Bijbel.
San e pasa nanga wi te wi dede?
A meki spesrutu gi den sma di no de Kresten (Hindu) èn di wani sabi trutru san e pasa nanga wan sma te a dede
Fa fu pristeri en: „Te wan lobiwan fu wi dede, dan nofo tron wi e aksi wisrefi pe a de èn efu wi o si en baka. Yu aksi yusrefi den sani dati?” [Efu a sma no e bribi na ini Bijbel yu kan sori en a pisi di nen „Pe wi kan feni den piki”, na tapu bladzijde 17, paragraaf 5.] Efu a sma sabi wan sani fu a Kresten bribi, dan yu kan leisi Tori fu den apostel 24:15. Opo a brochure na bladzijde 26 èn sori en a prenki. „A brochure disi e sori fa èn o ten na opobaka o pasa.”
Yu kan du disi: Te yu go baka na a sma, dan yu kan poti prakseri na kapitel 7 fu a Bijbel leri-buku èn bigin wan Bijbelstudie.
Yu Kan De Gado Mati!
A meki spesrutu gi den sma di no kisi furu skoro-leri noso di no sabi leisi so bun
Fa fu pristeri en: „Yu denki taki wi kan tron Gado mati? [Gi a sma na okasi fu piki. Baka dati leisi Yakobus 2:23.] A brochure disi meki fu yepi wi fu tron mati fu Gado, neleki Abraham.”
Yu kan du disi: A fosi leisi te yu go na a sma, noso te yu e tyari wan gobaka, yu kan gebroiki les 1. noso wan pisi fu a les dati fu sori en fa wi e hori Bijbelstudie nanga sma.
Gado e broko en ede troetroe nanga wi?
A meki spesrutu gi den sma di e aksi densrefi fu san ede Gado e gi pasi taki libisma e pina
Fa fu pristeri en: „Yu aksi yusrefi wan leisi kaba fu san ede Gado e gi pasi taki libisma e pina efu a e broko en ede trutru nanga wi? [Gi a sma na okasi fu piki.] A brochure disi e gi bun piki tapu na aksi dati èn a e sori san Gado o du heri esi. [Sori a sma a prenki na tapu bladzijde 27 èn leisi Psalm 145:16 di skrifi na ini paragraaf 22.] Fa Gado o puru ala a pina di libisma pina? Mi wani kon baka na yu fu taki fu na aksi dati.” Gi a sma a brochure èn seti sani fu go baka na en.
Yu kan du disi: Te yu go baka na a sma, meki a luku bladzijde 27, 28 èn taki fu paragraaf 23-25. Aksi a sma efu a wani studeri Bijbel noso seti sani fu luku paragraaf 26, 27 te yu go baka na en.
A pasi di e tyari sma go na têgo libi—Yu feni en?
A meki spesrutu gi den sma di e bribi taki ala kerki e leri san tru
Fa fu pristeri en: „Yu aksi yusrefi wan leisi fa wi kan kon sabi sortu bribi Gado feni bun? [Gi a sma na okasi fu piki.] A brochure disi A pasi di e tyari sma go na têgo libi—Yu feni en? e gi krin buweisi di e sori san na a tru bribi.” Luku a faki na tapu bladzijde 25 èn sori san na a difrenti na mindri tru kerkileri nanga kerkileri di no tru. Yu kan taki moro fara: „Boiti taki wi musu feni a tru bribi, wi musu kon sabi san Gado e leri trutru.”
Yu kan du disi: A fosi leisi te yu miti a sma, noso te yu go baka na en, yu kan sori en fa wi e studeri Bijbel nanga sma nanga yepi fu a Bijbel leri-buku.
Jeje foe den dedewan — Den man jepi joe noso den man doe joe ogri? Den de troetroe?
A meki spesrutu gi den sma di e bribi taki yeye kan yepi den noso du den ogri
Fa fu pristeri en: „Na ini a ten disi furu sma lobi fu taki fu sani di abi fu du nanga yeye. Den afo fu wi di dede kan yepi wi? Fa yu e denki fu a tori? [Gi a sma na okasi fu piki.] Furu Bijbel eksempre de di e sori taki ogri yeye e suku fu du libisma ogri nomo. [Leisi Mateyus 9:32, 33 di skrifi na tapu bladzijde 11.] San wi kan du fu kibri wisrefi so taki ogri yeye no abi makti na wi tapu? [Gi a sma na okasi fu piki.] A brochure disi meki spesrutu fu yepi den sma di wani kibri densrefi gi den ogri yeye.”
Yu kan du disi: Te yu go baka na a sma yu kan pruberi fu taki fu a pisi di nen „Dini Jehovah, no Satan”, na tapu bladzijde 23 fu a brochure disi.