Joesrefi toe kan njan boen foe boen ondrofenitori!

A gersi leki son preikiman ala ten abi moi ondrofenitori foe froeteri foe moi fisiti noso gobaka di e gi deki-ati, èn di ben gi den boen foeroe prisiri. Foeroetron den boen ondrofenitori no e kon foe densrefi. Foeroe foe den e kon leki bakapisi foe fajafaja moeiti nanga tranga horidoro. Den no e kon soso foe preikiman toe di man foe taki moro grati noso di de moro bekwaam.

Djaso wan toe sani de, di sma si na den wan di abi moro boen bakapisi: (1) Den abi wan dorodoro prati na ini a diniwroko, foeroetron wan toe leisi ibri wiki, èn dati e gi den foeroe okasi foe kontakti sma di abi belangstelling; (2) den tan abi wan positief fasi foe si sani te den e go na den ososma, èn den no e taki na fesi dati den ososma no sa handri; (3) den abi wan switifasi èn den e sori taki den abi troetroe belangstelling gi den sma di e arki; (4) den de fajafaja èn e horidoro foe go baka na den sma, so srefi foe fisiti den sma di no ben de na oso; èn (5) den abi a marki foe bigin wan bijbelstudie.

Baka te joe ondrosoekoe joe aktiviteit, kande joesrefi kan si fa joe kan njan moro boen foe den switi ondrofenitori di e doe so foeroe, foe meki taki a diniwroko foe joe abi wan boen bakapisi nanga satisfaksi.