Sreka gi a tijdschrift wroko na ini april

Leki fa a ben skrifi na tapoe wi Kalender 1996, dan a Memrefesa foe Masra sa hori a jari disi tapoe 2 april. Foe di wi kisi deki-ati foe a prenspari okasi disi, meki wi alamala abi wan fajafaja prati na ini a pristeri foe tijdschrift na ini april. Wi sa gebroiki tijdschrift di doro a joisti ten! A Waktitoren foe 1 april sa poti prakseri tapoe a poeblikitaki foe a distriktkongres foe a jari di pasa: „Prèise a Kownoe foe ten di no abi kaba!” A Waktitoren foe 15 april sa kon baka dati nanga a thema foe a spesroetoe lezing foe april di pasa: „A kaba foe falsi relisi de krosibei”. A spesroetoe taki tapoe 21 april foe a jari disi, „Tan sondro flaka a mindri wan kroektoe geslakti”, sa gi wi moro deki-ati gi Kownoekondre wroko. Wi sa poti spesroetoe prakseri tapoe na Ontwaakt! foe 22 april nanga na edetori „When Wars Will Be No More”.

Leki wan sani di kon baka a Kownoekondre njoensoe kotoigiwroko foe april di pasa, dan april disi moesoe de wan toemoesi moi moen foe prati tijdschrift. Now na a ten foe sreka sani. Foeroe foe oenoe sa wani gi oen nen leki jepipionier. Gemeente moesoe bisteri moro eksemplaar foe den tijdschrift foe april efoe dati de fanowdoe. Den kan sreka sani foe tijdschrift dei, so taki ala sma kan abi prati — na mamanten, bakadina, èn/noso mofoneti. Meki wi alamala „tron doeman foe a wortoe”. Leki fa a ben taki na fesi foe a Mesias na ini Psalm 69:9, meki wi alamala man taki toe: „A faja gi joe oso sa njan mi krinkrin.” — Jak. 1:22; Joh. 2:17.