Diniwroko-konmakandra foe maart
Wiki di e bigin 4 maart
Singi 1
10 min: Wan toe sani foe a gemeente. Wan toe sani di teki poeroe foe Wi Kownoekondre Dienst.
15 min: „Blesi Jehovah ’a heri dei’”. Aksi-nanga-piki takimakandra. Leisi den paragraaf 2-5 efoe ten de ete. Gi wan krakti deki-ati gi a jepi-pionierwroko èn gewoon pionierwroko.
20 min: „Gebroiki inleiding di abi boen bakapisi nanga a Libi foe têgo-boekoe”. Loekoe sjatoe den moro prenspari penti baka nanga den arkiman, èn taki toe foe a Handleiding-boekoe bladzijde 46 nanga 47, paragraaf 9 te nanga 12. Taki sortoe inleiding ben sa kan abi boen bakapisi ini joe kontren. Hori wán noso toe demonstrâsi di e sori fa foe pristeri a boekoe.
Singi 78 nanga lasti begi.
Wiki di e bigin 11 maart
Singi 164
10 min: Wan toe sani. Raport foe moni afersi.
20 min: „Kisi winimarki foe a theokrâsia diniwroko-skoro foe 1996 — Pisi 3.” Lezing di a skoro-opziener sa hori. Gi ala den wan di kan gi den nen a deki-ati foe doe dati, èn foe hori den toewijzing foe den na wan getrowfasi. Tjari krin kon na fesi san na den regel foe leisi den wortoe boen.
15 min: Doe sani makandra leki osofamiri. Papa e taki tapoe wan frifasi nanga en osofamiri foe a fanowdoe foe de makandra, di abi en gron tapoe A Waktitoren foe 1 september 1993, bladzijde 12-16. Poti prakseri tapoe na osofamiri-studie èn a preikiwroko. Tjari kon na krin fa den osofamiri foe disiten e broko prati foe di den no e poti foeroe ten foe doe sani makandra èn pikinmoro no abi no wan enkri belangstelling gi den srefi sani. Te wi e studeri Gado Wortoe èn abi prati na ini a diniwroko makandra, dan a sa de wan blesi gi a kresten osofamiri. Poti krakti tapoe a fanowdoe taki a papa sreka den sani disi boen na fesi èn a fanowdoe taki a mama e wroko makandra nanga en. Pikin moesoe sori belangstelling gi jeje aktiviteit foe di den e wroko makandra nanga den papa nanga mama. Na osofamiri sa bondroe kon na wan èn sa kisi krakti foe kakafoetoe gi den kwinsi foe den fasi foe grontapoe di e kon moro foeroe.
Singi 211 nanga lasti begi.
Wiki di e bigin 18 maart
Singi 6
10 min: Wan toe sani foe a gemeente. Den wan di abi bijbelstudie moesoe gi den njoenwan di e go na fesi nanga den studie deki-ati foe abi leki marki foe tron preikiman di no dopoe. Papa nanga mama kan jepi den pikin foe den so srefi foe tron preikiman. Loekoe sjatoe baka den sani di rikomanderi, di skrifi na ini Georganiseerd om onze bediening te volbrengen (Orga foe doe wi diniwroko), bladzijde 97-100.
15 min: Loekoe sjatoe den heimarki foe a Jaarboek van Jehovah’s Getuigen 1996. Wan osofamiri e taki foe wan toe foe den sani di e hari belangstelling foe den di abi foe doe nanga a wroko foe wi tapoe heri grontapoe soleki fa skrifi tapoe bladzijde 3-5 nanga 33. Den e agri taki makandra den sa proeberi foe leisi wan toe bladzijde foe a Jaarboek ibri dei, baka te den loekoe a bijbeltekst foe a dei dati na ini Ondrosoekoe den Boekoe foe bijbel ala dei.
20 min: „Go baka na den sma di ben sori belangstelling”. Wan takimakandra nanga den arkiman. Froeteri foe komentaar di e sori a warderi foe sma di e kisi a Libi foe têgo-boekoe. (Loekoe De Wachttoren foe 15 mei 1986, bladzijde 32, nanga De Wachttoren foe 1 maart 1987, bladzijde 32.) Hori wan noso toe sjatoe demonstrâsi di e sori fa wi kan gebroiki a pristeri di gi leki rai. Gi ala sma deki-ati foe begin wan studie nanga sma di e sori belangstelling.
Singi 130 nanga lasti begi.
Wiki di e bigin 25 maart
Singi 5
15 min: Wan toe sani foe a gemeente. Loekoe sjatoe „Sani di wi moesoe hori na prakseri gi a Memrefesa”. Taki foe san ede a prenspari foe fisiti a Memrefesa. (Loekoe De Wachttoren foe 15 februari 1985, bladzijde 18-20.) Taki baka foe den seti di sreka foe jepi den owroesma, den sikiwan, èn den njoenwan foe de drape. Taki foe den sani di sreka foe doe moro foeroe na ini a velddienst na ini a wiki disi di e kon. So srefi, loekoe na artikel sjatoe baka foe „Waar vreemden gastvrijheid wordt betoond” tapoe bladzijde 32 foe na Ontwaakt! foe 22 september 1995.
15 min: Aksi boksoe. Lezing di wan owroeman e hori. Taki foe den reide di e meki wi wani gi trawan sani soleki fa skrifi na ini a Wachttoren foe 15 januari 1992, bladzijde 16-17.
15 min: „A sreka di joe e sreka joesrefi — Wan sroto foe abi boen bakapisi”. Aksi-nanga-piki takimakandra. Froeteri taki wi sa pristeri A Waktitoren nanga Ontwaakt! na ini april nanga mei. Sreka sani now foe di joe e bisteri moro eksemplaar, e teki abonnementformulier èn foe di joe e teki sreka na fesi foe horibaka gi den sani di a gemeente seti gi den aktiviteit foe tijdschrift dei.
Singi 7 nanga lasti begi.