Diniwroko-konmakandra foe januari
Wiki di e bigin 6 januari
Singi 6
10 min: Wan toe sani foe a gemeente. Wan toe sani di teki poeroe foe Wi Kownoekondre Dienst. Taki wan sani foe a velddienst bericht foe a kondre nanga di foe a gemeente foe a moen september.
20 min: Ten doro foe meki wan njoen medische richtlijn/ontheffing (Broedoekarta) baka. Wan bekwaam owroeman e taki foe a prensparifasi foe meki a karta boen èn foe tjari en alaten nanga wi. A karta disi e taki gi joe te joe no man taki gi joesrefi na ini nowtoe. (Teki gersi Odo 22:3.) Wan njoen karta moesoe meki ibri jari foe gi wan njoen froeklari foe a weigri di wi e weigri broedoe, foe di son datra èn tra sma taki dati prenspari papira di owroe moro leki wán jari no e sori kande na overtoigi di a sma abi nownow. Baka a konmakandra ala dopoe preikiman sa kisi a Vooraf opgestelde medische richtlijn/ontheffing (Broedoekarta), èn den wan nanga jongoe pikin di no dopoe ete sa kisi wan Identiteit-karta gi ibri pikin. Tjari kon na krin taki den karta disi no moesoe meki tideneti. Den moesoe meki den boen na oso ma den NO moesoe poti den nen na tapoe. A poti foe den nen, a de di wan sma de kotoigi te joe e poti joe nen, èn a poti foe datum tapoe ala karta sa pasa a boekoestudie foe a wiki di e kon, ondro a tiri foe a boekoestudie leider. En sa loekoe foe si efoe ala sma di de foe en boekoestudie ben kisi wan karta èn abi jepi fanowdoe. Den wan di e poti den nen leki kotoigi, moesoe si troetroe taki a sma di abi a karta e poti en nen na ondro a papira. Iniwan sma di no de na tapoe a dei dati sa kisi jepi foe den boekoestudie leider/owroeman na a diniwroko-konmakandra di e kon, teleki ala dopoe preikiman meki den karta boen èn poti den nen na ondro. (Loekoe a brifi baka foe 15 oktober 1991.) Preikiman di no dopoe ete kan, efoe den wani dati, kenki a fasi fa sani skrifi na tapoe a karta disi akroederi den eigi situwâsi èn overtoigi èn skrifi den eigi bodoi foe gebroiki en gi densrefi èn gi den pikin foe den. A sori di wi e sori inzicht foe sorgoe gi den toemoesi prenspari finifini bodoi disi, sa meki wi kisi boen foe Jehovah.—Odo 16:20.
15 min: „De bekwaam èn srekasreka foe gi trawan leri” (paragraaf 1-6). Taki sjatoe foe paragraaf 1 nanga 2, foe di joe e poti krakti na tapoe taki a de fanowdoe gi wi foe abi a froetrow taki nanga a jepi foe Jehovah wi kan gi trawan leri nanga boen bakapisi. Meki fo preikiman (toe leki preikiman èn toe leki ososma) demo den pristeri na ini paragraaf 3-6, pe ibriwan foe den preikiman e sori fa foe go a fosi leisi èn fa foe tjari wan gobaka.
Singi 14 nanga lasti begi.
Wiki di e bigin 13 januari
Singi 16
15 min: Wan toe sani foe a gemeente. Raport foe moni afersi. Tjari wan toe moi penti kon na fesi na ini den njoen tijdschrift di wi kan gebroiki foe taki nanga sma. Gi rai fa foe taki soema wi de, foe man gi okasi-preiki na sma di wi e go foe taki nanga den. Aksi den arkiman foe froeteri sortoe biginwortoe den gebroiki di den taki nanga trawan na ini wenkri, na strati, na presi pe sma e koiri, na ini bus èn go so moro fara. Taki sjatoe foe spesroetoe sani di seti gi velddienst spesroetoe na tapoe 20 januari.
15 min: „De bekwaam èn srekasreka foe gi trawan leri” (paragraaf 7-9). Froeteri ondrofenitori foe gobaka di de foe feni na ini a Jaarboek 1995, bladzijde 45, èn poti krakti na tapoe a prensparifasi foe go baka na iniwan sma di ben abi belangstelling. Meki wan bekwaam preikiman demo den pristeri na ini paragraaf 7 nanga 8. Ala di wi ben pristeri tra poeblikâsi na a bigin, tokoe wi moesoe meki moeiti foe poti prakseri na tapoe a hori foe wan studie na ini a Sabi-boekoe te foe kaba. Gi ala sma deki-ati foe poti pikinso ten na sei foe meki gobaka gi a wiki di e kon.
15 min: Sani di a gemeente abi fanowdoe. Wan owroeman sa hori disi. Noso „Werp altijd uw last op Jehovah”. Wan lezing di e gi deki-ati èn di abi en gron tapoe De Wachttoren foe 1 april 1996, bladzijde 27-29.
Singi 15 nanga lasti begi.
Wiki di e bigin 20 januari
Singi 21
10 min: Wan toe sani foe a gemeente.
15 min: „Ala sortoe sma sa kisi kibri.” Aksi-nanga-piki takimakandra. Aksi den arkiman foe froeteri sjatoe wan toe ondrofenitori di e sori fa den ben kisi boen bakapisi foe sma di komoto foe difrenti sortoe sociaal nanga ekonomia background.
20 min: Gi kotoigi nanga jepi foe a boen fasi foe tjari joesrefi. Wan owroeman abi wan fajafaja takimakandra nanga toe noso dri jongoewan. A takimakandra gron na tapoe De Wachttoren foe 15 augustus 1987, bladzijde 10-20. Taki toe foe iniwan ondrofenitori foe sma na ini a gemeente di e sori fa sma di e si wi, ati ben naki foe na soifri fasi fa kresten jongoewan e tjari densrefi.
Singi 23 nanga lasti begi.
Wiki di e bigin 27 januari
Singi 20
5 min: Wan toe sani foe a gemeente.
10 min: A sekretarsi sa taki foe na Aksi boksoe.
15 min: „Wi ’e preiki a Wortoe’.” Aksi-nanga-piki takimakandra. Taki toe foe wan toe sani di e sori foe san ede wi e warderi a waarde foe Gado Wortoe srefisrefi.—Loekoe na Ontwaakt! foe 22 juli 1984, bladzijde 9-11.
15 min: Loekoe san wi e pristeri na ini februari. Sori sani foe a boekoe di e hari sma belangstelling soleki: (1) Den nen foe den kapitel di e wiki belangstelling, (2) den prenki di kloroe, (3) den leri boksoe nanga tabel èn (4) aksi di skrifi di e wiki a belangstelling foe sma. Akroederi a pisi foe a konmakandra di hori na fesi, gi deki-ati foe gebroiki wan tekst di e fiti na ini a pristeri. Demo wán noso toe sjatoe pristeri. Memre ala sma foe teki den boekoe foe gebroiki den a wiki disi.
Singi 26 nanga lasti begi.