Aksi boksoe
◼ Foe san ede wi moesoe poti spesroetoe prakseri tapoe wi krosi èn tapoe a fasi fa wi e sorgoe wisrefi te wi e fisiti den presi foe a Genootschap na Sranan, na New York, èn den bijkantoro na heri grontapoe?
Den e froewakti foe kresten taki den e hori densrefi na wan joisti fasi foe tjari densrefi èn taki den abi boen maniri. Ala ten wi krosi nanga a fasi fa wi e sorgoe wisrefi moesoe sori den boen maniri èn a wartifasi di e fiti wan dinari foe Jehovah Gado. Disi de spesroetoe so te wi e fisiti den presi foe a Genootschap na Sranan, na New York, èn den bijkantoro na heri grontapoe.
Na ini 1998, wi sa hori distriktkongres nanga internationaal kongres. Doesoendoesoen foe wi brada foe foeroe kondre sa fisiti na edekantoro foe a Genootschap na ini New York, èn so srefi den bijkantoro na ini tra kondre. No wawan te wi e fisiti den presi disi, ma na ibri tra ten toe, wi moesoe ’rikomanderi wisrefi na Gado leki bedinari foe en na ala fasi’, èn disi abi na ini toe den krosi foe wi èn a fasi fa wi e sorgoe wisrefi na wan fasi di fiti. — 2 Kor. 6:3, 4.
Georganiseerd om onze bediening te volbrengen e taki foe a prensparifasi foe joisti krosi èn a fasi fa wi e sorgoe wisrefi, èn a e sori a fanowdoe di a de fanowdoe foe de krin na skinfasi, foe weri bescheiden krosi, èn foe sorgoe wisrefi boen te wi e teki prati na ini a preikiwroko noso te wi e fisiti kresten konmakandra. Dan, tapoe bladzijde 132, paragraaf 2, a e taki: „A srefi ben o de fanowdoe te wi e fisiti a Bethel-oso na Brooklyn noso iniwan foe den bijkantoro foe a Genootschap. Memre taki a nen Bethel wani taki ’Oso foe Gado’, so boen wi krosi, a fasi fa wi e sorgoe wisrefi èn a fasi fa wi e tjari wisrefi, moesoe de a srefi leki san sma e froewakti foe wi te wi e go na den konmakandra foe anbegi na a Kownoekondre zaal.” A srefi hei markitiki disi moesoe de foe si na Kownoekondre preikiman foe a kontren èn so srefi na den wan foe moro farawe presi di e kon foe fisiti èn foe abi demakandra nanga den memre foe a Bethelfamiri èn di e kon fisiti den bijkantoro presi.
Den krosi di wi e weri moesoe abi wan positief krakti tapoe trawan ini a fasi fa den e si a troe anbegi foe Jehovah. Ma wi si taki son brada nanga sisa abi a gwenti foe weri kefarlek aparti sortoe friten krosi di no e fiti, te den e fisiti den bijkantoro foe a Genootschap. Den sortoe krosi disi no e fiti te wi e fisiti iniwan foe den Bethel-oso. Na ini na afersi disi, èn so srefi na ini ala tra fasi foe wi kresten libi, wi wani hori den srefi hei markitiki di e meki Gado pipel e difrenti foe grontapoe, foe di wi e doe ala sani foe meki Gado kisi glori (Rom. 12:2; 1 Kor. 10:31). A boen toe foe taki nanga wi bijbelstudenti èn trawan di kande o fisiti Bethel foe a fosi leisi èn memre den o prenspari a de taki den e poti prakseri tapoe den krosi foe den èn tapoe a fasi fa den e sorgoe densrefi.
So boen, te joe e fisiti den seti foe a Genootschap, aksi joesrefi: ’Mi krosi nanga a fasi fa mi e sorgoe misrefi de bescheiden?’ (Teki gersi Mika 6:8.) ’A e trowe wan boen leti tapoe a Gado di mi e anbegi? Mi ben sa poeroe a prakseri foe trawan noso afrontoe den nanga a fasi fa mi e sorgoe misrefi? Mi e poti a joisti eksempre gi trawan di kande o fisiti foe a fosi leisi?’ Meki wi ala ten „moi a leri foe wi Froeloesoeman, Gado, ini ala sani”, nanga wi krosi èn nanga a fasi fa wi e sorgoe wisrefi. — Tit. 2:10.