Opziener e teki fesi — A dienstopziener
1 A dienstopziener abi belangstelling srefisrefi gi ala sani di abi foe doe nanga a go di na evangelie wroko e go na fesi ini a gebied di a gemeente kisi. So boen a abi wan prenspari ròl foe jepi wi foe tjari wi frantiwortoe foe preiki a boen njoensoe. Leki wan fajafaja evangelie-preikiman, a e teki fesi foe orga ala afersi di abi foe doe nanga a velddienst. Leki wan bekwaam leriman, a e jepi aparti preikiman foe go na fesi foe doe a diniwroko foe den moro boen. — Ef. 4:11, 12.
2 Na owroeman disi e hori ai na tapoe a wroko foe den dinari na ini a diniwroko di e sorgoe foe boekoe, tijdschrift nanga a gebied. En abi a frantiwortoe foe sorgoe taki nofo boekoe, tijdschrift nanga dienstformulier de ibri moen foe wi kan gebroiki den. Wan tron wan jari a e loekoe a baki foe a gebied baka foe si ala den adres foe den oso pe sma taki dati wi no moesoe fisiti den, èn a e gi bekwaam brada a toewijzing foe go fisiti den adres disi.
3 A dienstopziener abi a frantiwortoe foe loekoe den difrenti kontren boen pe a preikiwroko e doe, so srefi a bisnis, strati nanga telefon kotoigiwroko. A de na ai foe seti sani di fiti foe kon makandra foe doe velddienst na ini a wiki, so srefi na tapoe fesadei. A e sori troetroe belangstelling gi a bijbelstudiewroko. A e soekoe pasi foe gi jepi na jejefasi na den wan di no e go ala ten noso di de inaktief ini a diniwroko. A e broko en ede srefisrefi nanga a wroko foe den pionier èn a e hori ai na tapoe a „pionier e jepi trawan”-programa.
4 Leki wan memre foe a dienstkomte foe a gemeente, a dienstopziener kan gi rai foe iniwan kenki di de fanowdoe ini den gemeente boekoestudie groepoe. Te a e fisiti a groepoe foe joe, sorgoe taki joe de drape èn taki joe teki prati nanga en na ini a velddienst.
5 Ala sma na ini a gemeente moesoe de klariklari foe wroko makandra nanga den tiri di a dienstopziener e gi. Disi sa jepi wi foe meki a wroko foe wi foe meki disipel kon moro boen èn foe abi moro bigi prisiri na ini wi diniwroko.