Na seti foe a gemeenteboekoestudie
Pisi 5: Na fisiti foe na dienstopziener
1 Na dienstopziener moesoe de wan evangelie preikiman èn wan gi leri man. A e prei wan prenspari ròl ini a jepi foe na gemeente foe doe en frantiwortoe foe preiki èn gi leri foe a boen njoensoe na ini a gebied di a kisi (Mark. 13:10). Efoe a e teki en frantiwortoe serjoesoe èn ibriwan sma e wroko makandra nanga en, dan na bekwaamfasi foe den preikiman ini a pristeri foe a boen njoensoe sa gro kon moro bigi èn a gebied sa wroko moro boen.
2 Na dienstopziener e meki spesroetoe moeiti foe gi deki-ati foe wroko moro tranga ini a velddienst. Moro foeroe a e doro a marki disi nanga jepi foe a gemeenteboekoestudie. So leki fa a gwenti de na dienstopziener abi na toewijzing foe lei wan boekoestudie, ma wan tron ini wan moen a sma di e asisteri en kan teki disi abra foe en te a e fisiti wan tra groepoe. — km 11/81 blz. 1, 7. [Bakratongo]
3 Sreka a fesi foe a fisiti: Bifosi a wiki foe en fisiti, na dienstopziener sa loekoe den berichtkarta foe den di de na ini a groepoe dati. A moesoe seti sani toe foe kon makandra nanga a studieleider foe kan loekoe a wroko foe den preikiman di ben kisi na toewijzing foe go na a groepoe dati. Na studieleider kan taki nanga a dienstopziener foe problema di de kande, di abi foe doe nanga a dienst noso fanowdoe di kande no de foe si na den preikimankarta. Den kan memre na studieleider taki a studie no moesoe hori moro langa leki 45 miniti foe kan hori ten abra gi wan 15 miniti dienstlezing foe a dienstopziener.
4 A lezing disi abi leki marki foe gi deki-ati foe kisi moro bigi warderi gi na diniwroko. Efoe son wan foe den preikiman abi jepi fanowdoe ini wan toe kontren foe na diniwroko, na dienstopziener sa gi praktis rai foe kan meki sani go moro betre. Den sani di a e taki moesoe de positief èn gi deki-ati, so taki no wan sma sa firi sjen noso broko saka foe den kommentaar foe en ede. Dati ben sa meki den lasi a marki foe en fisiti srefisrefi. En lezing moesoe gi deki-ati na ala sma foe den go a fesi.
5 A dienstopziener e proeberi, someni leki en schema e gi pasi foe dati, foe ensrefi poti prakseri na so meni brada nanga sisa leki a kan. A kan meki mofo foe wroko nanga difrenti preikiman ini a dienst. Ala di a e wroko oso-foe-oso nanga den a kan gi den wan toe boen rai foe fasi fa den kan meki den pristeri kon moro betre. Disi no moesoe doe foe di a e kroetoe den, ma nanga a opregti wani foe gi jepi. A kan pristeri so toe foe go nanga preikiman na gobaka nanga bijbelstudie. Efoe wan toe de ini a groepoe di sori taki den abi persoonlijk jepi fanowdoe, dan na wiki dati a ben sa kan tjari wan herder fisiti na den foe jepi den. Baka dati a kan froeteri na studieleider foe den rai di a ben gi den. So wan waran persoonlijk belangstelling de wan jepi gi sonwan di ben go doe en moro safri ini a velddienst.
6 Velddienstkonmakandra: A dienstopziener sa lei den velddienstkonmakandra ini a wiki dati. Den moesoe bigin biten, awansi wan toe sma nomo de. Na konmankandra no sa hori moro langa leki 10 te 15 miniti. A taki foe na deitekst no de froeplekti. Bifo a groepoe gowe, alasma moesoe sabi pe èn nanga soema den kan wroko (1 Kor. 14:33, 40). Na dienstopziener sa gi ibriwan deki-ati foe hari go wantron ini a velddienst.
7 Den doronomo fisiti foe a dienstopziener na den boekoestudiegroepoe, kan de wan troe blesi gi na gemeente. Efoe na a ten foe a fisiti wi alamala e wroko makandra nanga en, wi diniwroko sa de na wan ordroe fasi èn sa abi boen winimarki. Na tapoe foe dati a sa abi prisiri nanga en wroko (Hebr. 13:17). Sma di de leki skapoe sa tjari kon na wan, èn wi sa abi na prisiri taki wi ben doe na komando di den gi wi foe preiki gi ala sma di wani arki. — Jes. 61:1, 2; Esek. 9:11; Joh. 17:26.