Schema gi a Diniwroko Konmakandra
Wiki Di E Bigin 14 Augustus
Singi 49
12 min: Wan tu sani fu a gemeente. Wan tu sani di teki puru fu Wi Kownukondre Dienst. Taki fu na april preikiwroko raportu fu a kondre èn fu a gemeente. Soso tu satra nanga sonde tan abra na ini augustus, fu dati ede gi sma deki-ati fu teki prati na a preikiwroko bifo a mun tapu. Taki fu den sani di seti gi a preikiwroko na a kaba fu a wiki.
15 min: „Feti a Tumusi Bun Feti fu a Bribi”. Den sani di yu e taki na a bigin no musu teki moro leki wan miniti, èn go doro nanga wan aksi-nanga-piki takimakandra. Taki moro fara fu sani di teki puru fu a Bediening-buku, bladzijde 45, 46, di e sori fa den Gemeente Bukustudie fesiman e orga a preikiwroko gi a grupu fu den, èn e luku sortu sma abi yepi fanowdu fu teki prati doronomo na a preikiwroko èn fu gi wan raportu fu a wroko di den du.
18 min: Fa Yu Kan Kisi Wini fu di Yu E Go na Skoro. Wan papa e taki nanga den pikin fu en fu yepi den frustan fu san ede a bun fu teki skoro leri. (Luku a Jonge Mensen Vragen-buku, bladzijde 133-139.) Furu yonguwan e si en leki wan trutru tyalensi fu go na skoro na ini a bruya sistema fu disiten. So srefi den e fruferi densrefi, èn den e taki dati den no sa man gebroiki den sani di den e leri. Papa e taki fu Bijbel gronprakseri èn fu den bun reide fu san ede a de wan koni sani fu teki nofo skoro leri. A e gi den pikin fu en deki-ati fu studeri bun èn fu poti bun prakseri na den les te den de na skoro.
Singi 51 nanga lasti begi.
Wiki Di E Bigin 21 Augustus
Singi 60
12 min: Wan tu sani fu a gemeente. Raportu fu moni afersi. Sori nanga yepi fu wan demonstrâsi di sreka bun, fa fu gi wan piki na ini a preikiwroko tapu na aksi: „Fu san ede wan Gado fu lobi ben sa meki pina tan so wan langa pisi ten?” (Luku a Redeneren-buku, bladzijde 271, 272.) Gi ala sma deki-ati fu teki prati na a preikiwroko na a kaba fu a wiki disi.
8 min: „Nyun Spesrutu Dei-konmakandra Programa”. Wan lezing. Meki a datum bekènti fu a spesrutu dei-konmakandra di e kon, efu yu sabi dati kaba, èn gi sma deki-ati fu de drape a heri dei. Gi den preikiman deki-ati fu gi nyun sma di wani sabi moro èn so srefi den bijbelstudenti wan kari fu kon.
25 min: „Yu E Kisi Wini gi Yusrefi?” Aksi nanga piki.
Singi 65 nanga lasti begi.
Wiki Di E Bigin 28 Augustus
Singi 23
10 min: Wan tu sani fu a gemeente. Memre ala sma fu gi den preikiwroko raportu fu augustus. Den Gemeente Bukustudie fesiman musu luku efu ibri sma na ini a grupu fu den gi den preikiwroko raportu, so taki ala den raportu kan teri bifo 6 september.
15 min: Sani di a gemeente abi fanowdu.
20 min: „Konmakandra E Yepi Yonguwan”. Aksi-nanga-piki takimakandra di wan owruman sa hori. Te yu e taki fu paragraaf 8, dan luku wan tu fu den sani di e yepi wi fu arki moro bun te wi de na den konmakandra. (Luku na Ontwaakt! fu 22 september 1998, bladzijde 19, 20.) Gi papa nanga mama deki-ati fu sorgu taki den pikin fu den e kon na ala den konmakandra doronomo.—Luku na ondrofenitori na ini A Waktitoren fu 1 september 1997, bladzijde 25.
Singi 44 nanga lasti begi.
Wiki Di E Bigin 4 September
Singi 91
15 min: Wan tu sani fu a gemeente. Aksi Boksu. Meki den preikiman fruteri san den ondrofeni di den ben teki okasi fu gi kotoigi na pasi fu go na a distrikt kongres, na a distrikt kongres srefi, noso na a ten di den ben drai go baka na den oso.
10 min: A Ten fu Wi De Spesrutu Prenspari. Wan lezing di wan owruman sa hori, èn a teki puru fu De Wachttoren fu 15 november 1996, bladzijde 22, 23.
20 min: „Yu E Horidoro?” Wan lezing nanga wan takimakandra nanga a publiki. Gi ala sma deki-ati fu poti prakseri na a bun bakapisi di densrefi ben abi, fu di den ben sori taki den ben horidoro na ini a Kresten diniwroko. Te wi e si taki wi abi swakifasi, dan a de fanowdu fu tranga wisrefi na yeye fasi. Taki tu fu den sani di skrifi na ini A Waktitoren fu 1 oktober 1999, bladzijde 20, 21, paragraaf 17-21. Aksi tu noso dri preikiman di horidoro na wan getrow fasi furu yari kaba, fu fruteri san den e du fu man horidoro.
Singi 100 nanga lasti begi.