Aksi Boksu

◼ A de so taki wan karta fu a heri kontren pe a gemeente e preiki musu de fu si na ini a Kownukondre Zaal?

Iya, wan karta fu a heri kontren pe a gemeente e preiki musu poti na ini wan lijst èn den brada musu anga en na a skotu na ini a Kownukondre zaal so taki sma kan si en. Den no musu poti en na tapu a mededelingenbord. A karta musu sori soifri ala den grens fu a heri kontren pe a gemeente e preiki èn so srefi den grens fu ibri gebiedkarta nanga a nomru fu a gebied. A karta musu sori den grens fu a kontren pe ala den gemeente di e gebroiki a srefi Kownukondre zaal, e preiki. Dati sa yepi preikiman èn so srefi nyun sma di e kon na den konmakandra fu kon sabi na ini a kontren fu sortu gemeente den e libi. Te den presi pe den Gemeente Bukustudie e hori e sori na tapu a karta, dan dati sa de wan yepi tu gi ala sma fu kon sabi na sortu Gemeente Bukustudie den musu go. Kenki di e kon na ini den kontren musu sori tu na tapu a karta.

Te a karta disi de fu si na ini a Kownukondre zaal, dan dati e memre ala preikiman taki, efu dati kan, a ben o de wan bun sani fu abi wan gebied gi densrefi pe den kan preiki. A karta na wan yepi gi den sma di wani preiki na ini wan kontren krosibei fu pe den e libi. Son leisi a kan yepi fu no lasi ten na preikiwroko konmakandra, èn dati e meki taki a sma di e hori a preikiwroko konmakandra kan seni ibri grupu nanga preikiman esi-esi go na a kontren pe den musu preiki.

A karta e sori tu taki a gemeente orga fu preiki a Kownukondre boskopu dorodoro na ini a kontren pe a musu preiki.—Luk. 9:6.