Overzicht gi a Theokrasia Diniwroko-skoro
Overzicht nanga tapu buku, di abi en fondamenti tapu a materiaal fu a theokrasia diniwroko-skoro fu den wiki fu 4 september mei te nanga 18 december 2000. Gebroiki wan aparti pisi papira fu skrifi den piki fu someni aksi di yu man piki na ini a ten di den gi yu pasi fu du dati.
[Wan tu sani fu hori na prakseri: Soso Bijbel wan sma mag gebroiki fu gi piki tapu ibri aksi na ini a ten fu a schriftelijk overzicht. Den bodoi di tanapu baka den aksi de fu yu ondrosuku sani yusrefi. Den bodoi di e sori na sortu Waktitoren yu musu go, no e kari ala ten den bladzijde nanga den paragraaf.]
Gi piki tapu ibriwan fu den fruklari di e kon now efu den Bun noso Fowtu:
1. David ben tapu Abisai fu kiri Simei bika David ben abi fowtu fu den sani di Simei ben krutu en gi dati (2 Sam. 16:5-13). [Alawiki leisipisi fu Bijbel; luku w99 1/5 blz. 32 par. 3.]
2. Wan krin konsensi di kisi bun leri, no wawan e gi wi wan waran persoonlijk matifasi nanga Gado, ma a de prenspari gi wi fu kisi frulusu (Hebr. 10:22; 1 Petr. 1:15, 16). [w98 1/9 blz. 4 par. 4.]
3. A tori na ini 1 Kownu na soso wan bun historia tori gi wan Kresten, bika soso 2 fu den 14 kownu di ben tiri na ini Israèl nanga Yuda baka di Salomo dede, ben du san Yehovah feni bun. [si-O blz. 64 par. 1]
4. Wi kan teki a Dusun Yari Tiri fu Yesus gersi nanga den 40 yari di sma ben libi ini vrede èn ben abi furu gudu ondro a tiri fu Salomo (1 Kow. 4:24, 25, 29). [Alawiki leisipisi fu Bijbel; luku wO90 1/6 blz. 6 par. 5.]
5. Taki Abia kisi wan bun beri, e sori krinkrin taki a ben de wan getrow anbegiman fu Yehovah, a wan-enkri sma fu na oso fu Yerobeam di ben de getrow (1 Kow. 14:10, 13). [Alawiki leisipisi fu Bijbel; luku w95 1/4 blz. 11 par. 11.]
6. A teki di wan sma e teki dopu, e sori taki a sma dati tron wan lepi futuboi fu Gado. [w98 1/10 blz. 28 par. 2]
7. Yehovah ben meki Elia kon kisi wan sortu deki-ati di libisma no abi èn A ben gi en krakti so taki a no ben o frede gi noti (1 Kow. 18:17, 18, 21, 40, 46). [Alawiki leisipisi fu Bijbel; luku w98 1/1 blz. 31 par. 2.]
8. A tempel fu Salomo na wan tumusi moi bow-wroko di wi musu poti prakseri na en, no soso fu di a de so moi èn fu di den gebroiki moi sani fu bow en, ma fu di a tempel na wan prenki fu a moro moi yeye tempel fu Yehovah. [si-O blz. 69 par. 26]
9. A srudati legre fu Siria ben kon breni di Elisa ben taki dati. A de krin taki den ben kon breni na frustan sei, fu di den ben man si Elisa ma den no ben sabi suma na en (2 Kow. 6:18, 19). [Alawiki leisipisi fu Bijbel; luku si-O blz. 70-71 par. 10.]
10. Tu Kownu 11:12 e taki fu „a Kotoigi” di den ben poti na tapu wan sma ede. A ben de wan sani di ben du na agersi fasi èn a ben sori taki a kownu ben de a sma di ben musu meki a pipel kon frustan a Wet fu Gado èn den ben musu gi yesi na en. [Alawiki leisipisi fu Bijbel; luku wO91 1/2 blz. 31 par. 6.]
Piki den aksi di e kon now:
11. Te papa nanga mama di e dini Gado e yepi den pikin fu den fu teki wan yoisti grontapu wroko, dan akruderi 1 Yohanes 2:15-17 den musu gi den pikin tranga fu no du san? [w98 15/7 blz. 5 par. 2]
12. Tu Samuèl 18:8 e taki: „A busi ben kiri moro sma leki a feti-owru ben kiri.” San disi wani taki? [Alawiki leisipisi fu Bijbel; luku wO87 15/3 blz. 31 par. 2.]
13. Suma na ini a ten disi wi ben kan teki gersi nanga den kondreman fu Goliat, den Refaim, èn san den e pruberi fu du? (2 Sam. 21:15-22) [Alawiki leisipisi fu Bijbel; luku wO89 1/1 blz. 20 par. 8.]
14. Sortu Bijbel gronprakseri di e gi winimarki wi e leri fu 2 Samuèl 6:6, 7? [si-O blz. 63 par. 30]
15. Sortu prenspari gronprakseri wi kan leri fu a tori fu a man di ben musu dede fu di a no ben hori a sabadei? (Num. 15:35) [w98 1/9 blz. 20 par. 2]
16. Fa wi kan de neleki na umakownu fu Skeba di ben kon fu wan farawe presi fu yere „a koni fu Salomo”? (1 Kow. 10:1-9) [Alawiki leisipisi fu Bijbel; luku w99 1/7 blz. 31 par. 1-2.]
17. Soleki fa 1 Kownu 17:3, 4, 7-9, 17-24 e sori, dan san na den dri fasi fa Elia ben sori bribi na ini Yehovah? [Alawiki leisipisi fu Bijbel; luku wO92 1/4 blz. 19 par. 5.]
18. Fu san ede a wani di Nabot no ben wani seri en droifidyari gi Akab, no ben de nomo taki a ben tranga-ede? (1 Kownu 21:2, 3) [Alawiki leisipisi fu Bijbel; luku w97 1/8 blz. 13 par. 18.]
19. Fa den wortu na 2 Kownu 6:16 ben gi deki-ati na den futuboi fu Yehovah na ini a ten disi? [Alawiki leisipisi fu Bijbel; luku w98 15/6 blz. 18 par. 5.]
20. Na sortu fasi tru Kresten na ini a ten disi musu luku bun gi simoni? [w98 15/11 blz. 28 par. 5]
Poti a (den) wortu noso a pisi fu a prakserilin di de fanowdu fu klari ibriwan fu den fruklari di e kon now:
21. Wan tru Kresten no musu ․․․․․․․ èn teki prati na gwenti di no e plisi ․․․․․․․ (Odo 29:25; Mat. 10:28). [w98 15/7 blz. 20 par. 5]
22. Di Paulus ben e gi kotoigi na fesi Kownu Agripa, dan a ben gebroiki ․․․․․․․ A ben poti krakti tapu penti di en nanga Agripa ․․․․․․․ nanga den (Tori. 26:2, 3, 26, 27). [w98 1/9 blz. 31 par. 3]
23. Fu di wi ․․․․․․․ Gado, meki son sma e firi taki En a no wan trutru Sma, ma efu wan sma e ․․․․․․․ doronomo èn e du dati fayafaya, dan a sa man ’si a Wan di wi no kan si’ (Hebr. 11:27). [w98 15/9 blz. 21 par. 3-4]
24. Soleki fa a de fu si na ini a tori fu ․․․․․․․, a generaal fu Siria, dan sontron sma e kisi bigi winimarki te den abi srefi pikinso ․․․․․․․. [Alawiki leisipisi fu Bijbel; luku w99 1/2 blz. 3 par. 6–blz. 4 par. 1.]
25. Neleki fa na ati fu Yonadab ben de nanga Kownu Yehu, dan a ․․․․․․․ na ini a ten disi e erken nanga den heri ati èn e wroko makandra nanga a Moro Bigi Yehu, ․․․․․․․ , di den ․․․․․․․ e teki presi gi en na grontapu (2 Kow. 10:15, 16) [Alawiki leisipisi fu Bijbel; luku w98 1/1 blz. 13 par. 5-6.]
Teki a yoisti piki na ini ibriwan fu den fruklari di e kon now:
26. A ben de (Satan; Yehovah; Yoab) di ben meki David sondu fu di a ben meki en ’teri Israèl’ (2 Sam. 24:1). [Alawiki leisipisi fu Bijbel; luku wO92 15/7 blz. 5 par. 2.]
27. Akruderi 1 Kownu 8:1 nanga Preikiman 1:1, dan Salomo ben meki sma kon makandra fu (bow a tempel; lon baka den feanti fu Israèl; anbegi Yehovah). [Alawiki leisipisi fu Bijbel; luku si-O blz. 112 par. 3.]
28. A pisi ten fu 20 yari di Salomo ben bow a tempel nanga en oso na ini Yerusalem, e agersi a ten di kenki ben kon na ini den leri nanga a fasi fa na organisâsi orga di ben bigin na ini (1919; 1923; 1931) èn ben kaba na ini (1938; 1942; 1950). (1 Kow. 9:10) [Alawiki leisipisi fu Bijbel; luku wO92 1/3 blz. 20 boksu.]
29. A wortu „hemel” di gebroiki na 2 Kownu 2:11, e sori go na a (yeye tanpresi fu Gado; a trutru universum; loktu di de na lontu grontapu, pe fowru e frei èn pe winti e wai). [Alawiki leisipisi fu Bijbel; luku w97 15/9 blz. 15 boksu.]
30. (Herodes a Bigiwan; Caesar Augustus; Tiberius Caesar) ben de a wan di ben gi a komando fu teri den sma na ini Israèl, èn dati ben meki taki Yesus ben gebore na ini Betlehem na presi fu Nasaret. [w98 15/12 blz. 7 boksu]
Luku sortu fu den tekst di e kon now abi fu du nanga den sani di skrifi na ondrosei:
Ps. 15:4; 2 Sam. 12:28; 2 Sam. 15:18-22; 2 Kow. 3:11; Kol. 3:13
31. Wi musu lespeki a posisi fu wan edeman na ini Yehovah en theokrasia organisâsi. [si-O blz. 63 par. 30]
32. Wi musu tan loyaal na Yehovah en organisâsi èn na den sma di e teki presi gi dati. [si-O blz. 63 par. 30]
33. Warderi gi a sari-ati fu Yehovah kan buweigi wan sma fu dwengi ensrefi èn fu tapu fowtu. [w98 1/11 blz. 6 par. 3]
34. A de wan grani fu ontfanga sma bun èn fu dini den getrow futuboi fu Yehovah di e du spesrutu diniwroko, na wan saka fasi. [Alawiki leisipisi fu Bijbel; luku w97 1/11 blz. 30 par. 8.]
35. Wan sma di abi frede gi Gado e du muiti srefisrefi fu pai en paiman leki fa a pramisi, srefi efu sani di a no ben fruwakti e meki en moro muilek gi en fu hori ensrefi na en pramisi. [w98 15/11 blz. 27 par. 1]