Aksi di opo kon

◼ O ten a fiti fu opo wan grupu gi sma di e taki wan tra tongo?

Te wan gemeente de na ini wan kontren pe furu sma e taki wan tra tongo, dan den owruman musu meki muiti fu seti sani so taki a preikiwroko kan du na ini a tongo dati tu (km 7/02 blz. 1; km 2/98 blz. 3, 4). A kan taki den sma di e taki wan tra tongo, panya na ini a heri kontren fu tu noso moro gemeente na ini a birti. Te disi de so, dan den kringopziener sa gi rai fu yepi den difrenti gemeente dati fu wroko makandra na ini a preikiwroko. Ten na ten, den kan seti sani fu hori wan publikitaki noso wan Waktitoren-studie fu luku omeni sma sa kon na so wan konmakandra.

Den owruman kan bigin nanga wan grupu fu sma di e taki wan tra tongo te den abi: (1) Preikiman noso sma di wani sabi moro fu Bijbel, di e frustan a bun nyunsu moro bun na ini a tra tongo. (2) Wan owruman noso dinari ini a diniwroko, di man teki fesi èn di kan hori den alawiki konmakandra; awinsi na wán konmakandra nomo. (3) Wan skin fu owruman, di wani horibaka gi a grupu disi. Te den doro den markitiki disi, dan den owruman musu taigi a bijkantoro so taki den kan poti tapu papira taki wan nyun grupu de èn a bijkantoro kan sori den san den musu du moro fara.

Furu fu den grupu disi e bigin fu hori a Gemeente Bukustudie ala wiki. Bakaten, den owruman kan feni en wan bun sani fu hori tra konmakandra tu, soleki a Publikitaki nanga a Waktitoren-studie. Lezing Nr. 2, 3, èn 4 na a Theokrasia Diniwroko-skoro kan hori leki a di fu tu skoro, te wan owruman noso dinari ini a diniwroko de, di kan gi rai. Na owruman noso dinari disi, musu de wan sma di man taki a tra tongo bun. Gi na instruktielezing, den edepenti fu a leisipisi fu Bijbel, èn a Diniwroko Konmakandra, a grupu musu kon makandra nanga a gemeente di e horibaka gi den. Den kan seti wan preikiwroko konmakandra spesrutu gi a grupu disi tu.

Ala sma na ini a grupu musu wroko makandra ondro a tiri fu a skin fu owruman. Den owruman musu gi tiri na wan yoisti fasi èn den abi a frantwortu fu luku san a grupu abi fanowdu. Te a kringopziener go na a gemeente di e horibaka gi a grupu, dan a musu seti sani tu fu wroko nanga den sma fu a grupu na ini a preikiwroko. Na so a kan gi den sma deki-ati na yeye fasi. Bakaten, nanga a blesi fu Yehovah, a grupu fu sma di e taki wan tra tongo kan kon tron wan gemeente.