Schema gi a Diniwroko Konmakandra

Wiki di e bigin 11 yuli

Singi 49

10 min: Wan tu sani fu a gemeente. Wan tu sani di teki puru fu Wi Kownukondre diniwroko. Efu a fiti gi a kontren fu yu, dan yu kan gebroiki den rai na tapu bladzijde 4 fu hori demonstrâsi di e sori fa fu pristeri A Waktitoren fu 15 yuni nanga na Ontwaakt! fu 22 yuni. Yu kan gebroiki tra demonstrâsi tu di e sori fa sani e waka trutru na ini a preikiwroko. Sori na ini ibri demonstrâsi fa yu kan taki difrenti sani te wan sma e taki: „Mi abi foeroe foe doe”.​—Luku a pikin buku Fa foe bigin èn go doro nanga bijbel takimakandra, blz. 11.

15 min: Sani di a gemeente abi fanowdu.

20 min: „Prati a bun nyunsu nanga so furu sma leki yu man”.a Te yu e taki fu paragraaf 5, dan luku den eksempre baka na ini Wi Kownukondre diniwroko fu yuni 2005, blz. 6, efu dati fiti na a kontren fu yu.

Singi 88 nanga lasti begi.

Wiki di e bigin 18 yuli

Singi 173

10 min: Wan tu sani fu a gemeente. Luku syatu san skrifi na ini A Waktitoren fu 15 augustus 2000, bladzijde 32. Poti prakseri na den wini di wi sa kisi te wi e hori wisrefi na wan schema fu leisi Bijbel ala dei, srefi te fakansi de èn te wi e du tra sani di wi no gwenti fu du ibri dei.

15 min: „Hori bijbelstudie di e go na fesi​—Pisi 11.”b Sori na ini wan demonstrâsi fa a sma di e hori a bijbelstudie, e sreka makandra nanga a nyun preikiman fu tyari wan gobaka. Den e luku san den ben taki na a fosi leisi di den miti na ososma, èn baka dati den e suku wan tori di fiti so taki den kan taki fu dati te den go baka na a sma. Den e sreka densrefi tu fu taki wan sani syatu na a bigin fu a takimakandra èn den e luku sortu aksi den kan poti na a kaba fu a takimakandra. Den e tapu nanga a demonstrâsi te den o bigin oefen san den o taki, soleki fa den ben sreka densrefi.

20 min: Yepi trawan fu kon kisi warderi gi Bijbel. Wan aksi-nanga-piki takimakandra di teki puru fu na Anbegi Gado-buku, bladzijde 24, 25, paragraaf 3-6. Gebroiki den aksi di skrifi na ini a buku.

Singi 10 nanga lasti begi.

Wiki di e bigin 25 yuli

Singi 138

15 min: Wan tu sani fu a gemeente. Leisi a raportu fu moni afersi èn sosrefi den brifi di a bijkantoro seni fu sori taki den kisi den bijdrage. Efu a fiti gi a kontren fu yu, dan yu kan gebroiki den eksempre na tapu bladzijde 4 fu hori demonstrâsi di e sori fa wi kan pristeri A Waktitoren fu 1 yuli nanga na Ontwaakt! fu 8 yuli. Yu kan gebroiki tra demonstrâsi tu di e sori fa sani e waka trutru na ini a preikiwroko. Sori na ini wan fu den demonstrâsi fa fu pristeri den tijdschrift na wowoyo noso na wan tra publiki presi pe a fiti fu pristeri den tijdschrift.

10 min: Poti a waarheid go dipi na ini na ati fu yu pikin (Deut. 6:7). Wan lezing di wan owruman e hori di teki puru fu A Waktitoren fu 15 augustus 2002, bladzijde 30, 31. Poti prakseri na den gronprakseri fu Bijbel di e sori fa wan papa noso wan mama di abi wan patna di no de na bribi, kan gi leri na den pikin fu en.

20 min: „Wi abi wan paiman na trawan”.c Taki wan tu sani sosrefi fu A Waktitoren fu 1 yuli 2000, bladzijde 11, paragraaf 13.

Singi 82 nanga lasti begi.

Wiki di e bigin 1 augustus

Singi 187

15 min: Wan tu sani fu a gemeente. Memre den preikiman fu gi den preikiwroko raportu fu a mun yuli. Aksi den arkiman fu luku bladzijde 70 fu a Diniwroko-skoro-buku, èn hori wan takimakandra nanga den arkiman fu paragraaf 1, 2 nanga a faki di nen „Fa fu gi piki tapu den konmakandra”.

15 min: „Yepi yu pikin fu go na fesi na ini a preikiwroko”. Lezing èn takimakandra nanga den arkiman. Hori sosrefi wan demonstrâsi pe wan papa noso wan mama makandra nanga wan pikin, e gebroiki wan fu den syatu fasi fu pristeri tijdschrift. Meki a papa noso a mama tapu a takimakandra fu di a e fruteri syatu fa sma kan gi bijdrage fu horibaka gi a wroko.

15 min: Yu pruberi fu fiti a takimakandra fu yu na a situwâsi fu a sma? Lezing èn takimakandra nanga den arkiman di teki puru fu Wi Kownukondre diniwroko fu yanuari 2005, bladzijde 6. Luku den eksempre baka, èn sori fa wi kan fiti a takimakandra fu wi na den sani di wi e pristeri na ini augustus. Hori wan demonstrâsi fu wán noso tu fu den eksempre dati.

Singi 218 nanga lasti begi.

[Futuwortu]