Gado kan yepi yu fu sreka yusrefi gi a bigi dei fu en

„A bigi dei fu Yehovah de krosibei”, na so a profeiti fu Gado ben taki (Sefanya 1:14). A dei dati e kon krosibei esi-esi, sobun wi musu libi nanga a dei dati na prakseri. Yu sabi taki den buku di sma e kari den Pikin Profeiti kan fruteri yu prenspari sani fu a bigi dei dati? Kapitel 1 te go miti 3 fu a buku disi o yepi yu fu kon sabi den 12 profeiti di skrifi den buku dati, èn yu o kon sabi den prenspari boskopu tu di de fu feni na ini den buku fu den. Na so yu o man kisi wini fu den sani di den skrifi, èn yu o leri sani di o yepi yu na ini yu libi.