Na „kan” di ala naatsi moe dringi foe na anoe foe Gado
1. Te wi e loekoe na ogri foe na ten di e kon, dan sortoe aksi wi e aksi foe na dranki di libisoema moe dringi?
FA NA grontapoe-situatie ini wi geslacht e loekoe so ogri! Efoe joe loekoe san sabiman e taki fa sani sa waka tapoe grontapoe, dan a no de wan switi sani foe prakseri srefi srefi foe na so-kari „lot foe den naatsi”. A wani taki troe troe, dati den libisoema moe dringi wan bita dranki. Foedi den sondro howpoe moeiti foe libisoema, alaten e kon tapoe noti, wi e firi na fanowdoe foe aksi: Wan ofoe tra Moro Hé Verstan, ja, Gado, kande abi wan anoe ini no afersi disi?
2. Fa na skrifi tapoesé foe Psalm 75 en na di foe sébi nanga aiti versi foe disi Psalm e verteri wi wan prenspari sani foe na ten foe wi?
2 Djaso wi e memre wan toe prenspari wortoe ini wan owroe singi. Leki fa na tapoe sé foe na singi, dan a ben moe singi tapoe na melodie di abi na nen „no pori”. Na naatsi Israël, di na mekiman foe na singi ben de wan pisi foe hen, no ben pori foe alaten nanga den naatsi di ben lontoe hen, ma ben opo tanapoe baka. Disi ben doe kon foedi Gado ben kan loekoe na fesi. Na so fasi wi abi wan singi di de toemsi boen gi na ten foe wi, aladi spesroetoe na di foe sébi nanga aiti versi abi wi prakseri now, foedi ini disi e taki: „Bikasi Gado de na Kroetoebakra. Hen e lagi na soema disi en hen e hé na soema dati. Bikasi wàn kan de ini na anoe foe Jehovah, en na win e gi skoema, a de foeroe nanga sani di moksi makandra. En troe troe, no sakasaka (foe na win) sa kanti komoto foe drape; ala den ogrisoema foe grontapoe sa soigi en dringi dati.” — Ps. 75:7, 8 nanga san skrifi na tapoesé.
3. Fa Jehovah kroetoe foe den naatsi efoe joe loekoe na dranki di den moe dringi en fa wi kan doe foe no kon ini na dringi makandra nanga den?
3 Na „kan” di ala naatsi ini na ten di e kon sa dringi foe hen, abi na moro bita dringi di oiti den sa dringi. Disi wi e si ini den leri di wi kan leri foe owroeten nanga disiten historia. Dati ala naatsi, sondro mankeri moe dringi so wan tegoe dringi, e meki a de seker, dati Gado, na „Kownoe foe den naatsi” e kroetoe dati den de ’ogri’ (Ps. 75:8; Jer. 10:7). A sa dwengi den foe datede foe dringi foe hen anoe srefi na sakasaka foe na „kan” foe na win di e skoema en di moksi hebi nanga ala sortoe sani. Ma fa a de nanga wi, di e howpoe foe abi wan kolokoe ten di e kon? Fa wi kan doe wan sani foe no dringi makandra nanga den naatsi di o pori na dede dranki foe na „kan”? A de wan logisch sani, dati wi moe poti prakseri tapoe ala sani san na SOEMA di sa hori na „kan” tapoe hen reti ten gi den naatsi, leki rai sa abi foe taki gi wi en moro fara foe handri wantron wantron nanga na rai dati. Wi sa doe dati?
4. Sortoe gebied ben ondrofeni druk foe na ogri situatie ini na ten foe Jeremia?
4 Na grontapoe-situatie de now leki di moro leki twenti naatsi ben de na ini ini den laatste jari foe Jeremia. Na pisi foe na grontapoe di ini na ten dati ben firi na krakti foe na ogri situatie, ben de na pisi kondre mindri Afrika, Azia nanga Europa. Ini na ten disi wi e feni ini na pisi foe na grontapoe disi den naatsi foe na Midden-oosten di e gi oli. Ini na gebied disi a de te now ete „boen faja”, soleki a ben de ini na ten foe Jeremia.
5. Fa wi e kisi na datum foe na profétitori foe Jeremia, kapitel 25?
5 Ini na ten dati wan man ben kon tapoe na grontapoe-toneel, di na grontapoe kande ben sa kari „voorbeschikt” (Ala sani foe hen ben bepaal kaba na fesi). Na langa nen foe hen Nebukadnezar, ben wani taki „Nebo ben de na soema di e kibri joe foe ongolokoe (ofoe foe na grens)”. Na toemsi hé prenspari man disi, na manpikin foe Nabopolassar, ben tron tiriman foe Babylon ini 625 bifo G.T. Ini na srefi jari dati wan profetitori di ben wani taki foeroe, ben taki foe hen en disi no ben komoto foe wan astroloog ini na owroe papakondre foe loekoeman foe stari, ma foe na Mekiman foe den stari Jehovah, na Gado foe na proféti Jeremia. Ini Jeremia 25:1, 2 wi e jere na datum foe na profétitori: „Na wortoe di ben kon na Jeremia tapoe na sé foe na heri pipel foe Juda, ini na di foe fo jari foe Jojakim, na manpikin foe Josia, na kownoe foe Juda, dati de na fosi jari foe Nebukadnezar, na kownoe foe Babylon; di na proféti Jeremia ben taki foe na heri pipel foe Juda en foe ala den soema di e libi ini Jeruzalem.” Na di foe fo jari foe na tiri foe Jojakim ben de ini 625 bifo G.T.
6. Sortoe achtergrond na profétitori foe Jeremia 25:8-14 e gi foe na visioen foe den manki nanga figa?
6 Na profétitori disi ben gi aiti jari bifo na visioen foe Jeremia foe den figa ini na tempel na Jeruzalem (Jer. 24:1-3). Sortoe achtergrond na profétitori disi, di ben gi na fesi e gi na a visioen dati en san ben taki na ini?
„Foe datede, disi Jehovah foe den fetiman ben taki: ’Foedi oenoe no ben gi jesi na dem wortoe foe mi, loekoe, mi e seni en mi wani teki ala famiri foe nordsé’, so Jehovah taki, ’srefi seni go na Nebukadnezar, na kownoe foe Babylon, mi knegti, en mi wani tjari den kon tegen na kondre disi en tegen den soema di e libi na ini en tegen ala den naatsi na lontoe, en mi wani gi den abra na pori en meki den wan sani foe skreki en wan sani foe froiti en leki presi di pori foe ten di no ben marki. En mi wani komoto na ini, na babari foe bigi prisiri en na babari foe brétifasi, na sten foe na bruidegom en na sten foe na bruid, na babari foe na anoe-miri en na leti foe na lampoe. En na heri kondre disi moe pori en de leki wan sani foe béfi, en den naatsi disi sa moe dini na kownoe foe Babylon sébi tenti jari.’”
„’En a moe pasa, dati te sébi tenti jari pasa, mi sa aksi frantwortoe na a kownoe foe Babylon en na a naatsi dati’, so Jehovah taki, ’foe na sondoe foe den, ja na a kondre foe den chaldéa soema, en foe tégo mi wani meki a de wan pori presi pe soema no e libi. En mi wani tjari kon tapoe na kondre dati ala den wortoe foe mi, di mi ben taki tegen hen, ja, ala san ben skrifi ini na boekoe disi, di Jeremia ben taki tegen ala den naatsi. Bikasi, densrefi, foeroe naatsi nanga bigi kownoe, mi wani pai den na den doe en na wroko foe den anoe.’” — Jer. 25:8-14.
„NEBUKADNEZAR, NA KOWNOE FOE BABYLON, MI KNEGTI”
7. Na nen foe sortoe soema verdini foe soema frede now leki na nen foe Nebukadnezar en oten den naatsi sa frede na nen disi?
7 Den naatsi e frede na nen foe wán man now leki den ben frede fositen ini ala kondre na nen Nebukadnezar, sensi na di foe twenti-na-dri jari di Jeremia ben taki profétitori? (Jer. 25:3). Nono! No wan enkri man sa go ini na historia foe disiten leki wan soema soleki kownoe Nebukadnezar foe owroeten ben de. Na apostel Paulus e taki foe troe ini Romeini 13:1, 6, dati kristen soema di lobi orde moe pai den belasting na den „hé makti”, foedi den disi de „den publiki dinari foe Gado (Griki, leitourgoi), di e dini alaten joisti na prakseri disi”. Ma Jehovah Gado no ben kari no wan politiek man ini disi ten „mi knegti” (Jer. 25:9; 27:6). Na wan enkri soema di joe kan kari „knegti” ini na kon troe foe na profétitori disi nanga mofo foe Jeremia, de na Moro bigi knegti foe Jehovah ini na heri universum. Na wan disi de now na manpikin foe hen di poti hé, Jezus Kristus, di a gi wan nen di hé moro leki ibri mekisani ini hemel nanga grontapoe (Jes. 42:1; Fil. 2:5-11). Aladi den grontapoe rigeriman no e frede hen leki Nebukadnezar ini na ten dati, tog den sa doe dati ini na „feti foe na bigi dé foe Gado na Almakti Wan” ini Har-mageddon. — Openb. 16:13-16.
8. Foe sainde Jehovah kari Nebukadnezar „mi knegti”, en sortoe sani di abi foe doe nanga hen de wan agersifasi di abi te make nanga wi ini disi ten?
8 Foe sainde Jehovah ben kari kownoe Nebukadnezar „Mi knegti”? Foedi Jehovah ben gebroiki hen foe strafoe na pipel foe Juda foe di den wégri foe jere hen proféti. Na strafoe disi di ben gi nanga anoe foe na kownoe foe Babylon, ben go ooktoe na den naatsi di ben de na lontoe en di ben doe ogri nanga Jehovah pipel foedi den veragti Jehovah. Ma disi no wani taki, dati Nebukadnezar de wan agersi fasi foe Jezus Kristus, di e dini Jehovah wawan leki Gado. A ben go moro foeroe foe na wroko foe gi strafoe di Nebukadnezar ben moe doe gi Jehovah tapoe den naatsi di ben meki fowtoe. Na wroko disi de wan agersifasi. A de agersi na wini di Jezus Kristus sa wini na grontapoe, te a sa masi ondro hen foetoe ala féjanti naatsi leki na moro hé knegti nanga na moro prenspari Kroetoeman foe Jehovah ini na „bigi benawtoe” di e kon krosibé. Na so fasi, dan den naatsi disi (makandra nanga di foe na kristenheid) de na disiten model foe den naatsi dati foe owroeten, di ben fadon gi na grontapoe-makti Babylon. Foe datede na kwestie de toemsi ernstig gi wi ini disi ten.
9. Sortoe tra pisi ten ben bigin nanga na bigin foe den „sébi-tenti jari” foe na pori foe Juda en fa na pisi ten dati noiti ben kon na wan kaba moro?
9 Na Babylon sroedati stoomwals ben meki dati na kondre foe Juda ben kon de sébi-tenti jari langa leki wan légi, broko presi (Jer. 25:11, 12; 29:10; Dan. 9:1, 2; 2 Kron. 36:17-21). Na pisiten dati foe sébi tron tin jari, di na kondre Juda nanga Jeruzalem ben pori krin krin, ben bigin ini na herfstmoen Tisjri foe na jari 607 bifo G.T. Na takroe sani disi di ben pasa ben abi foe doe nanga wan moro takroe sani di ben pasa ini na jari 1914 foe G.T. Fa so? Foedi ini na herfst foe na jari dati den „sébi ten” foe den heiden naatsi foe 2520 jari, di ben bigin nanga na pori foe Juda ini 607 bifo G.T., ben kon na wan kaba (Luk. 21:24; Dan. 4:16, 23, 25, 32). „Den fasti ten dati foe den (heiden) naatsi”, ofoe „den ten foe den heiden”, ben teki na pisi ten, di na Universele Soeverein Jehovah ben gi den heiden naatsi pasi foe abi grontapoe-rigerimakti tapoe grontapoe sondro foe na Messias Kownoekondre foe hen go moksi hensrefi ini dati. Baka di Nebukadnezar ben pori Jeruzalem ini 607 bifo G.T., dan na agersi kownoekondre foe Gado noiti moro ben kon baka ini na grontapoe Jeruzalem ini anoe foe wan vertegenwoordiger foe David famiri. Na so fasi, sondro foe wan sani tapoe den, den heiden grontapoe-makti ben kan abi makti tapoe na heri grontapoe.
10. Fa Juda nanga den tra naatsi ben dini na kownoe foe Babylon sébi tenti jari, aladi Cyrus de Grote ben poti na hen ondro na dynastie (kownoe-oso) foe Nebukadnezar ini 539 bifo G.T.?
10 Na winiman foe Babylon, na Pers, Cyrus de Grote, no ben meki na kownoekondre foe na famiri foe David kon baka ini Jeruzalem. A de troe, dati ini 539 bifo G.T. ofoe so wan toe jari bifo na „70 jari” foe na pori foe na kondre Juda ben kon na wan kaba, a ben wini na heiden Babylon. A ben bari wroko, dati hen ben de na „kownoe foe Babylon”, aladi a no ben kenki na a bigin na fasi wroko foe na Babylon kownoe-oso foe kownoe Nebukadnezar. Na so fasi den naatsi, di Nebukadnezar ben poti na hen ondro, ben dini na „kownoe foe Babylon” sébi-tenti jari langa. Pas ini na di foe sébi-tenti jari, foe na pori foe Juda Cyrus de Grote ben verloesoe den djoe ini katibo poeroe foe na srafoewroko na a kownoe foe Babylon en a ben meki den drai go baka na oso foe den ben kan bow baka na broko kondre en na nationaal mamafoto Jeruzalem foe den nanga na tempel foe hen (Ezra 1:1 te nanga 3:2). Na tapoe na fasi disi Jehovah ben aksi den Babylon soema frantwortoe foe na „sondoe” di den ben sondoe na a Gado foe Israël. — Jer. 25:12.
GI NA „KAN” NA ALA NAATSI
11. Di sortoe sani pasa ini hemel meki sani no tan a srefi moro tapoe grontapoe sensi 1914 G.T.?
11 Now di den „ten foe den heiden” kon na wan kaba ini 1914, dan wi sabi, dati na dé di Jehovah sa kari den heiden foe gi frantwortoe foe den „sondoe”, moe de boen krosibé. Sensi 1914 na grontapoe no de na srefi moro. Den grontapoe-historia-skrifiman no kan gi joe wan verklari foe disi. Ma disi kon eenvoudig foedi 4 ofoe 5 oktober 1914 ofoe 2520 jari baka na pori foe Juda nanga Jeruzalem leki wan bakapisi foe na wini foe Babylon, den „ten foe den heiden” foe grontapoe tiri ben kon na wan kaba. Jehovah Gado no ben meki hen agersi grontapoe kownoekondre kisi njoen libi foedi a ben poti ini na grontapoe Jeruzalem tapoe „Jehovah troon” wan grontapoe erfgenaam foe kownoe David (1 Kron. 29:23). Na presi foe dati, Jehovah meki hen kownoekondre kon gebore foe ben hemel organisatie, foedi na „kownoekondre foe na grontapoe” ben tron now na kownoekondre foe wi Masra Gado en a ben poti hen Manpikin, Jezus Kristus, na Erfgenaam foe David, na hen reti-anoe tapoe na troon ini hemel (Openb. 11:15; 12:1-5). Sensi na ten dati, na kownoe bakapikin foe kownoe David ben moksi hensrefi nanga Gado ini na grontapoe-rigeri-makti na mindri foe hen féjanti, bifo a ben masi hen kiri ondro hen foetoe.
12. Fa na Jeremiaklasse ben gi na „beker” na den naatsi?
12 Leki wan bakapisi foe dati den heiden naatsi sa moe dringi ete wan „kan” foe na anoe foe Gado. Spesroetoe sensi 1919 na Jeremia-klasse ben poti prakseri foe den naatsi tapoe na „kan” disi. Foedi na Jeremiaklasse verteri den naatsi tapoe so wan fasi na fesi san e wakti den, tapoe wan agersi fasi na Jeremiaklasse ben gi Jehovah „Beker” na den naatsi abra. Disi na wan proféti fasi ben kon na wan agersi fasi ini kapitel 25. Na proféti ben taki drape:
„Bikasi disi Jehovah, na Gado foe Israël, ben taki gi mi: ’Teki na beker disi nanga na win foe atibron foe mi anoe, en joe moe meki ala den naatsi pe mi sa seni joe go dringi dati. En den moe dringi en slinger go slinger kon en tjari den srefi leki wan lawman foe na fet’owroe di mi e seni na den mindri.’
Dan mi ben teki na beker foe na anoe foe Jehovah en mi meki ala den naatsi pe Jehovah ben seni mi go, dringi: foe taki Jeruzalem en den foto foe Juda en hen kownoe, hen granman, en foe meki den (den foto) wan broko presi, leki wan sani foe skreki, leki wan sani foe froiti en wan vloekoe, leki fa a de na dé disi.” — Jer. 25:15-18.
13. San ben de na fet’owroe di Jehovah ben sa seni go mindri ala naatsi?
13 San ben de na fet’owroe di Jehovah ben sa seni go mindri ala den naatsi di ben kari ini Jeremia 25:18-26? A ben de na feti foe wini di a ben meki hen knegti Nebukadnezar ben feti nanga ala den naatsi dati.
14. San na fet’owroe e kisi fosi, en sortoe kownoe ben firi den slag disi en fa?
14 Na agersi „fet’owroe” ben kisi na agersi kownoekondre foe Jehovah fosi in na kondre Juda (Jer. 25:29). Den „kownoe” foe Jeruzalem di ben firi den naki foe na „fet’owroe”, ben de (1) Jojakim, na manpikin foe Josia, (2) Jojachin (Jechonja), na man-pikin foe Jojakim nanga (3) Zedekia, na manpikin foe Josia en omoe foe Jojachin. Na fosi slag, di kownoe Jojakim ben kisi ini 620 bifo G.T., fo jari baka na profétitori foe Jeremia foe na „fet’owroe” nanga na „beker”, ben meki a de wan kownoe di ben tanapoe nanga wan sweri ondro kownoe Nebukadnezar. Na tweede slag foe na fet’owroe ben kon ini 617 bifo G.T. en disi ben poeroe na jongoe Jojachin foe hen kownoewroko tapoe Jeruzalem en disi tjari hen go ini katibo ini Babylon. Na derde en laatste slag ben pori Jeruzalem nanga hen tempel ini 607 bifo G.T. en a ben sorgoe dati Zedekia, di ben broko na sweri ben tjari go na Babylon foe dede drape leki wan breni strafoeman sondro wan pikin. Na a mindri foe na moen-moen Tisjri foe na jari 607 bifo G.T. Jeruzalem nanga den foto foe Juda ben de presi sondro soema.
15. Sortoe soema ben moe dringi ooktoe na „beker” foe na anoe foe Jehovah en soema leki na laatste wan foe den alamala?
15 Jeruzalem no ben sa de na wan enkri di ben sa dringi wan bita dranki foe Gado. Ini Jeremia 25:19-26 na proféti e kari moro leki twenti kownoe ofo kownoekondre, di a gi Jehovah „beker nanga na win foe atibron”. A e bigin nanga Farao foe Egypte nanga hen dinari en so a de go pasa na heri lijst foe nationaal rigeriman, en dan a de kon na wan kaba nanga foe taki: „En na kownoe foe Sesach srefi sa dringi baka den”. Ondrosoekoeman foe na bijbel e prakseri dati „Sesach” de wan cryptogram ofoe wan nen di de ini wan kibri-skrifi foe Babel (Babylon). Na kownoe di ben kisi kroetoe foe na kownoekondre disi ben de na laatste wan foe na kownoe-oso foe Nebukadnezar, foe taki Nabonidus, makandra nanga hen manpikin di ben tiri makandra nanga hen, Belsazar. Na Belsazar disi ben kisi ini 539 bifo G.T. Jehovah „beker” foe dringi, di den ben kiri hen, baka di Cyrus na Pers ben meki Babylon fadon. Foedi Jeremia ben gebroiki na cryptogram Sesach, a ben sorgoe foe no kari rechtstreeks na Babylon foe na ten dati.
16. Fa son wan ben kan wégri foe dringi na „beker”, ma san Jeremia ben moe taki?
16 Son wan foe den kownoe di nen ben kari ben kaka foetoe kande tegen na agressieve Nebukadnezar foe sorgoe dati na komando foe Jehovah no moe doe. Leki wan leri gi den na proféti Jeremia ben moe taki: „Disi Jehovah foe den fetiman ben taki: ’Sondro mankeri oenoe sa moe dringi. Bikasi loekoe! Tapoe na foto (Jeruzalem) di mi kari nanga mi nen, mi e bigin foe tjari rampoe kon, en oenoe tapoe wan ofoe tra fasi no sa kisi strafoe?’” Jehovah e piki hen égi aksi nanga foe taki: „’Oenoe no sa tan sondro foe kisi strafoe, bikasi wan fet’owroe (foe na wini foe Babylon sroedati) mi e kari kon tegen ala den soema di e libi tapoe grontapoe’, so Jehovah foe den fetiman e taki.” — Jer. 25:28, 29.
17. Fa den naatsi ben sori dati den e wégri foe dringi na „beker”, ma o doeltreffend disi ben de?
17 Sensi na jari 1919 den naatsi ben wégri foe dringi na agersi „beker” foe na boskopoe foe Jehovah atibron, di na Jeremia-klasse e gi den. Foe datede den opo doe wan sani nanga Jehovah Kotoigi, èn na Jeremiaklasse leki wan „bigi ipi” foe mati di e wroko makandra nanga den, aladi den e tapoe na wroko foe den nanga na prati foe den bijbel boskopoe ini boekoe srefi. Ma disi no ben kan jepi den. Nanga dekati foe Jehovah geest den kotoigi di e gi jesi ben go doro nanga den konmakandra en Kownoekondrepréki na kibri fasi. Na so fasi den e gi jesi moro na Gado leki na libisoema di e kaka foetoe gi Gado (Tori foe den Apostel 4:19; 5:29). Ini na ten di no de so fara moro den politiek féjanti sa si dati den kan foe dwengi Jehovah Kotoigi foe wroko moro fara na kibri fasi, ma dati disi noiti sa meki dati den grontapoe-rigeriman no sa dringi foe na égi anoe foe Gado na „beker” ini na „feti foe na bigi dé foe Gado na Almakti wan” tapoe na agersi presi di bijbel e kari Har-mageddon. — Openb. 16:13-16.
18. Gi soema na dé dati sa ’bigi’ en san na Jeremia-klasse e wégri foe datede foe doe?
18 Na dé dati sa bigi gi Jehovah. A sa de wan prisiri afersi gi hen, foedi a sa stré gi na afersi foe hen universele soevereiniteit. Leki na Moro Hé Komanderiman a sa seni hen égi Manpikin Jezus Kristus go ini na stré foe kan wini wan wini di pasa ibri wini di na fositen kownoe Nebukadnezar foe Babylon wini (Openb. 19:11-21). Disi sa gi Jehovah reden foe prisiri moro leki den soema di nanga prisiri e masi na win-persbaki te den e meki na win klari di e prisiri na ati foe Gado soleki libisoema (Openb. 19:11-15; Recht. 9:12, 13). Na Jeremiaklasse de seker foe na wini foe Jehovah na Har-Mágeddon. Foe datede meki den e wégri foe tapoe den mofo foe na kon poti reti foe Jehovah soevereiniteit ini na ten di e kon, aladi a tiriman foe den grontapoe naatsi no e agri dorodoro foe moe dringi wan bita dringi.
19. Omeni foe san Jehovah e taki na Jeremiaklasse foe taki, a de meki bekenti nanga dekati?
19 Nanga dekati na Jeremiaklasse e gi jesi na a komando, di ben gi ini na ten dati ini na fosi jari foe na rigeri foe kownoe Nebukadnezar na a proféti tapoe na tori foe Babylon: „En foe joe sé (Jeremia), joe moe taki ala den wortoe disi gi den en joe moe taki gi den: ’Komoto foe tapoe, Jehovah srefi sa bari leki wan lew, en foe na santa oso foe hen a sa meki den jere hen sten. Sondro mankeri a sa bari (leki wan lew) tapoe hen tanpresi. Wan prisiri-babari leki di foe den di e masi na win-persbaki, a sa bari leki wan singi gi ala den soema foe grontapoe.’” — Jer. 25:30.
NA DRANKI DI E MEKI DEN NAATSI TJARI DENSREFI LEKI LAWMAN
20. Wi moe kari na Jeremiaklasse „soso onheilsproféti” foe san na wini foe Jehovah san wani taki gi den naatsi?
20 Na wini-babari foe Jehovah sa de foe jere alape ini hemel nanga tapoe na heri grontapoe. Den memre foe na Jeremiaklasse nanga den mati foe den e tan poti na prakseri tapoe na sani disi di moe kon, winsi na wini foe Jehovah wani taki rampoe gi den naatsi. Den soema foe datede moe kari den memre foe na Jeremiaklasse „soso onheilsproféti”? Nono! Noso den moe kari Jehovah di e gi den na boskopoe disi ooktoe wan onheilsproféti. Leki wan sari-ati warskow a de taki: „Disi Jehovah foe den fetiman ben taki: ’Loekoe! Wan rampoe e go foe na wan naatsi go na a tra naatsi en wan hebi tranga winti sa opo kon srefi foe na moro farawe presi foe grontapoe. En den di Jehovah sa kiri sa didon troe troe tapoe na dé dati foe na wan oekoe foe grontapoe go te na tra oekoe foe grontapoe. Soema no sa sari gi den en den no sa tjari den kon makandra ofoe beri den. Leki mest den sa de tapoe na grontapoe.’” — Jer. 25:32, 33.
21. Foe sainde nanga reti Jehovah ben kan teki na frantwortoe na hen tapoe foe na dede foe den soema di ben kiri, foedi Nebukadnezar ben meki hen kondre kon moro bigi?
21 Nanga den wortoe disi, Jehovah ben taki na fesi na victori-waka foe Nebukadnezar, pe naatsi baka naatsi ben sa wini en poti go ini na kownoekondre foe Babylon. Foe datede a ben meki Nebukadnezar go foe na wan naatsi go na a tra naatsi en a ben naki trowe ala soema di ben kaka foetoe nanga na owroe di Jehovah ben gi hen ini hen anoe. Foe na reden disi joe ben kan taki dati Jehovah ben teki na frantwortoe na hen tapoe foe na dede foe den soema di den Babylon kiriman ben naki trowe. Hensrefi ben kari den soema disi foe na agressie foe Babylon den „soema di Jehovah ben kiri”. Hen ben de na soema, di ben meki den naatsi dringi na dranki foe na „beker” di meki den tjari densrefi leki wan lawman. Ofoe libisoema gi Jehovah na grani ofoe den no gi hen na grani, na grontapoe historia e sori krin nofo, dati kownoe Nebukadnezar ben meki na kownoekondre foe Babylon panja go tapoe wan moro bigi gebied leki di foe den grontapoe-makti na fesi. Jehovah ben moesoe abi wan sani foe doe nanga dati, bikasi ini na fosi jari foe na rigeri foe Nebukadnezar a ben taki na fesi foe so wan kon moro bigi foe na Babylon kownoekondre. — Jer. 25:1, 2; 32:1, 2; 52:29; 2 Kon. 25:8; Jer. 52:12; Dan. 2:37, 38; 4:20-25.
22. Foe sainde wi no ben sa wani de na mindri den soema di Jehovah sa kiri ini na „bigi benawtoe” di e kon?
22 Fa a de now nanga den soema di „Jehovah sa kiri” ini na „bigi benawtoe” di e kon en di sa abi hen hémarki ini na „feti foe na bigi dé foe Gado na Almakti wan”? Wi wani de na den mindri? Nono! Bikasi efoe na hen moe kiri wi, dan a ben sa wani taki dati a de kiri wi nanga na kroetoe vonisi foe hen.
23. Fa ini wan agersi fasi ben sori sortoe pisi foe na seti foe sani disi sa komoto fosi na pasi ini na „bigi benawtoe” en foe sainde na pisi dati fosi?
23 Te na „bigi benawtoe” bigin, dan ala naatsi di moe komoto na pasi sa opo tanapoe tegen na Gado foe na Jeremiaklasse. Ooktoe den naatsi foe na kristenheid sa de na den mindri, bikasi den disi de na mindri den naatsi di e gensi en vervolgoe Jehovah Kotoigi. Na Kristenheid de na fosi pisi foe na seti foe sani disi di sa komoto na pasi, foedi a de na disiten model foe na kownoekondre foe Juda nanga Jeruzalem di ben fadon komoto foe na troe bribi. Foe kan agersi disi, meki na kownoekondre foe Juda leki fosi wan ben moe dringi na „beker” nanga „na win foe atibron”. Jehovah ben taki dati „na foto di a kari nanga hen nen” ben sa de na fosiwan di na internationaal rampoe ben sa kisi (Jer. 25:29). Na onkristelijk kristenheid de na kerki seti foe sani di e tjari na a fesi foe Gado nanga Kristus na moro bigi frantwortoe en foe datede meki na grontapoe-rampoe sa bigin na hen en komoto foe hen a sa grapoe lontoe hen. Na rampoe disi sa de leki wan agersi winti di joe no kan kowroe, winsi wan soema ben sa gebroiki den moderne methode foe feti nanga cycloon (tranga draiwinti), foedi nanga opolani den e spoiti den wolkoe nanga solfroe-jodide.
24. Tapoe san a de sori dati na „winti” e komoto te foe na moro farawe presi foe grontapoe, en omeni soema de di dede?
24 Na agersi „winti” disi sa kon foe na „moro farawe oekoe foe na grontapoe”, bikasi a de kon dorosé foe den naatsi di sa komoto na pasi (Jer. 6:22). Ini na disiten kon troe, disi wani taki, dati a sa kon foe wan presi ini hemel di wi no e si, sodati a sa de troe troe wan „doe foe Gado”. Te a de go esesi en nanga bigi krakti tapoe na heri grontapoe, a sa poti tapoe makandra na ipi den soema di na „winti” kiri foe na wan oekoe foe grontapoe go miti na tra oekoe foe grontapoe en disi sondro mankeri. Fa den memre foe na Jeremiaklasse nanga den kompe foe den, na „bigi ipi”, di e pasa libi-libi na rampoe disi, ben sa kan beri ala den soema disi? Jehovah sa sorgoe foe den wrokosani foe poeroe den dedeskin disi. — Openb. 19:11-21.
25. Leki fa Jeremia 25:34-38 sori dan sortoe soema te foe kaba sa tan boen?
25 Tapoe „na dé dati foe wraak foe na sé foe wi Gado” te foe kaba a sa de moro boen efoe wan soema de na mindri den soema di den spotoeman e kari „onheilsproféti”, dan foe de mindri den soema di leki wan bakapisi foe na „bigi benawtoe” e ondrofeni rampoe (Jes. 61:2; Openb. 7:14, 15; Matt. 24:21-30). „Bari wan sarikré, oen herder, en bari tranga!” So Jehovah e taki nanga mofo foe Jeremia. „Drai lontoe, oen hé soema foe na ipi, bikasi den dé foe oenoe foe slagti en foe panja kon kaba en oen moe fadon leki wan diri patoe! En wan kibripresi no de gi den herder, wan mogelijkheid foe lon komoto, oen hé soema foe na ipi. Arki! Na babari foe den herder, en na sarikré foe den hé soema foe na ipi, bikasi Jehovah e foefoeroe na sabana foe den nanga tranga. En den vréde tanpresi de sondro libi foe na faja atibron foe Jehovah ede. Leki wan jongoe lew a libi hen kibri-presi, bikasi hen anoe kon tron wan sani foe skreki foe na feti-owroe en foe hen faja atibron ede.” — Jer. 25:34-38.
26. Soema de ini na profétitori dati den „herder” en „hé soema foe a ipi”?
26 Na profétitori dati e meki wi prakseri den kerki fesiman, di den e kari pastoor, domri ofoe sili-herder en kerki-gemeente foe den, di den e kari „ipi”? Kande, ma Jehovah no e taki dja nanga den kerki tiriman foe den naatsi. Ini den Hebrew skrifi den e kari den rigeri-tiriman herder, aladi den pipel foe den ofoe borgoe den e kari den „ipi” foe den. Den „hé soema foe na ipi” foe datede moe de den granman ofoe den kownoe wan di abi bigi grani foe den nationaal ipi. Disi moe de so ini Jeremia 25:34-38, bikasi pe ini na heri kapitel den e taki foe priester nanga leviet? Den soema di Jeremia moe gi den Jehovah „beker”, na bijbel e taki foe den leki „kownoe”, „granman” en „kownoekondre” (Jer. 25:18-26). Na grontapoe rampoe di e kon no sa kisi soso den kerki fesiman nanga tra kerki tiriman, ma te foe kaba ooktoe den politiek rigeriman foe na seti foe sani disi.
27. Sortoe kownoe moe dringi na „beker” leki laatste wan?
27 „Na kownoe foe Sesach” soboen sa moe dringi na „beker” baka den alamala. Na profétitori ini Jeremia 51:41 e taki foe disi leki a pasa kaba, nanga den wortoe: „O fa den teki Sesach abra en fa den e wini na Barinen foe na heri grontapoe! Fa Babylon tron noti moro leki wan sani foe skreki na mindri den naatsi!” — Jer. 25:26; 27:7.
28. Nanga soema den „herder” nanga den hé soema e broko den ede moro, en fa den e foefoeroe den sabana foe den?
28 Foe soso reden foe gridifasi meki den politiek herder nanga den „hé soema” sa „bari wan sarikré” en lolo tapoe na gron. Te na Soevereine Masra sa kari den ini na ten foe na „bigi benawtoe” foe gi frantwortoe, dan den sa moe si na doengroe sani ondro ai, dati gi den na dé doro foe slagti en panja den. Efoe wan pasi foe kibri ofoe wan presi foe kan lon gwe ben de, dan den no ben sa firi so foe bari wan „sarikré”. Den no e broko ede someni nanga san e pasa nanga den nationaal „ipi”, ma den e broko ede moro, dati densrefi sa kisi strafoe. Den boen pai wroko foe den nanga hé positie moe komoto na pasi! Na „sabana” foe den, na seti foe sani di den gebroiki foe foefoeroe den nationaal ipi foe den, Jehovah e foefoeroe en pori nanga tranga. San ben de fosi so wan vréde tanpresi gi den en pe den kan njan boen foe na libi nanga wini foe moni, kon de now sondro libi. Na tirifasi foe na dede saka kon now tapoe den presi foe den ipi foe den.
29. Fa Jehovah sa de leki wan jongoe lew en nanga sortoe bakapisi na feti-owroe sa swai?
29 Foe tjari so wan „sani foe skreki” kon, dan na ati-bron foe Jehovah moe bron hebi. A no ben sa de noiti toe leki wan lew di e libi ini wan olo foe na liba, di den vroedoe-watra foe na Jordaan e dwengi foe libi hen olo. Nono, dan „Jehovah foe den fetiman” na a tra sé de leki wan lew di no e frede en di e libi na „kibripresi” foe hen foe kon feti aladi den herder de tapoe den sabana. Nanga jepi foe hen Manpikin-knegti Jezus Kristus a de swai na „fet’owroe” foe na „feti foe na bigi dé foe Gado na Almakti wan” (Jer. 25:30, 38). Den grontapoe herder nanga hé soema noiti sa kon boen baka foe den dede naki foe hen „misrandi fet’owroe”!
30. San wi moe doe now nanga na jesi foe bribi ini Jehovah profétitori?
30 Arki! Joe kan jere nanga na jesi foe bribi ini Jehovah profétitori, dati na babari e kon moro tranga? Nanga wan tranga babari di kon foe na „ten disi foe na kaba” wi e jere ofoe na ten di e kon na babari foe na sarikré foe ala nationaal „herder”, makandra nanga den babari foe pen foe den hé soema foe na ipi foe soema di gersi skapoe. San wi den arkiman sa doe foe dat-ede? Disi: Meki wi handri gaw aladi na pasi foe lon komoto de opo ete en aladi wan kibripresi de ete pe wi kan lon go! Meki wi feni ini Jehovah kownoekondre ondro hen herder, Jezus Kristus, na haven foe sekerfasi nanga kibri. — Ezech. 34:23, 24; Jer. 23:5, 6.