Na pramisi foe Gado foe hen grontapoerigeri de troe

„Disi Jehovah ben taki: ’Efoe oenoe ben sa kan broko mi verbontoe foe na dé, nanga mi verbontoe foe na neti, ja, sodati dé nanga neti no ben sa kon tapoe den ten, dan ooktoe mi verbontoe nanga mi knegti David ben sa kan broko, sodati a no ben sa kisi wan manpikin, di sa tiri tapoe hen troon.’” — Jer. 33:20, 21.

1. Na sortoe fasi na kownoe kondre famiri foe David ben bow wan bericht di no hen speri?

NA GRONTAPOE disi no ondrofeni noiti ete so wan sani! San dan? Dati wan lin foe kownoe, ini wan famiri, ben tan baka makandra 470 jari en moro fara, baka wan onderbreking foe 2520 jari, ben teki agen baka na heri kownoe makti tapoe den. Na famiri di ben bow so wan bericht di no abi hen speri, ben de di foe kownoe David foe Jeruzalem, na barinen fositen papa foe Jezus Kristus, di ben gebore ini na égi gebortoe-presi foe David, Bethlehem.

2. Pe Jeremia ben de ini 608 bifo G.T. ini na ten foe na rigeri foe na laatste kownoe ini grontapoe famiri-lin foe David en soema wawan ben kan gebroiki foe meki na rigerimakti ini David famiri-lin ben kon na libi?

² David ben bigin foe tiri ini 1077 bifo wi gewoon teri tapoe hen pipel. Di na proféti Jeremia ben bigin hen wroko, di ben de leki wan bigi winti ini 647 bifo G.T., dan den laatste 40 rigerijari ben begin ini Jeruzalem gi David grontapoe lin foe kownoe. Jeremia ben de wan soema di ben hori fasti na a verbontoe-pramisi foe Gado nanga David foe wan tégo kownoekondre. Ma ini na jari 608 bifo G.T. Jeremia ben poti ini sroedati doengroe-oso ini na kownoe mamafoto. En den ben hori hen nota bene ini na Fesi-djari foe na Wakti, di ben de foe na paleisi foe kownoe Zededia, na di foe twent-na-wan kownoe, di, te joe teri komoto foe David, ben rigeri ini na famiri-lin foe David. Di den Babylonsoema ben trowe ini 607 bifo G.T. na rigeri foe Zedekia, dan ben kon na wan kaba den 470 jari, dati kownoe na ini na famiri-lin foe David ben rigeri ini Hebron en ini na grontapoe Jeruzalem sondro onderbreking. Na soso Jezus Kristus, di ben de na bakapikin foe David di bijbel ben taki foe hen na fesi, Gado ben kan gebroiki foe meki na kownoekondre foe David kon na libi, leki wan kon troe foe na verbontoe di Gado ben sroto nanga hen foe wan kownoekondre di no sa pori.

3. Nanga soema Jeremia ben abi kontakti, di a ben de ini doengroe-oso foe sroedati, en fa na kontakti disi ben doe kon foe na di foe toe tron?

³ Di na proféti Jeremia ben de ini na doengroe-oso foe sroedati, a no ben kan abi kontakti nanga den Babylonsoema di ben lontoe na a ten dati Jeruzalem, ma a ben abi wel kontakti nanga na Gado foe hen, soleki wi e lési: „Now na wortoe foe Jehovah ben kon foe na di foe toe tron na Jeremia, di a ben de ete ini doengroe-oso ini na Fesidjari foe na Wakti, taki: ’Disi Jehovah, na Mekiman foe grontapoe, ben taki, Jehovah, na Mekiman foe hen foe poti hen stéfi, Jehovah na hen nen: „Kari mi en mi sa piki joe en verteri joe bigi sani di no de foe verstan en di joe no ben sabi.”’” — Jer. 33:1-3.

4. San ben de den „bigi sani di no ben de foe verstan” en di sa tjari now kon na krin?

⁴ Sortoe sani? Dati na foto Jeruzalem di ben bow tapoe wan bergi ben sa broko saka te na gron en moro fara, baka sébi tenti jari langa di a ben de brokobroko, ben sa bow kon njoen baka. Moro leki dati, hen égi soema, di ben tjari gwe ini katibo so wan 1600 kilometer, ben sa go libi baka na ini! Wans no wan soema foe na kownoe famiri-lin foe David no ben sa sidon moro tapoe na grontapoe troon foe David, tog, na famiri disi ben sa tan 639 jari te leki ini 33 G.T. na ten ben sa kon dati na troe troe erfgenaam foe na troon ben sa go rigeri. Na Erfgenaam dati ben de Jezus Kristus. — Kol. 1:13.

5. Sortoe pramisi Jehovah ben gi foe na foto Jeruzalem di na a ten dati sroedati ben lontoe hen?

⁵ Soso na Mekiman foe Grontapoe, na Gado di abi den afersi foe hen ini hen makti, ben kan sorgoe en pramisi den sortoe sani disi. A ben doe disi ooktoe. Wans sortoe takroe prakseri di loekoeman foe na ten di e kon ben sa kan abi foe na kownoe oso foe David, soso na Gado disi Jehovah ben kan gi Jeremia hen jeje foe taki:

„Bikasi disi Jehovah, na Gado foe Israël ben taki foe den oso foe den kownoe foe Juda, di ben broko nanga jepi foe fetidan nanga feti-owroe; foe den di e kon foe feti nanga den Chaldea-soema (di lontoe na foto) en foe presi foeroe nanga dedeskin foe soema di mi ben kiri ini mi atibron en di foe den ede mi ben kibri mi fesi gi na foto disi: ’Loekoe, mi e meki kon gi hen kon-boen nanga gosontoe, en mi wani dresi den en tjari kon na krin gi den pasa marki vréde nanga waarheid. En mi wani tjari kon baka den strafoeman foe Juda en den strafoeman foe Israël, en mi wani bow den leki na a bigin. En mi wani krin den foe ala den ogridoe foe den, di den ben sondoe na mi, en mi wani gi pardon na ala den ogridoe foe den di den ben sondoe na mi en di den ben pasa den wet foe mi. En a (Jeruzalem) sa tron troe troe gi mi leki wan nen foe bigi prisiri, leki prijse nanga glori na ala naatsi foe grontapoe, di sa jere foe ala na boen di mi e bewijsi den (den strafoeman). En troe troe den sa de ini skreki en ini broeja foe ala na boen en foe ala na vréde di mi e gi Jeruzalem.’” — Jer. 33:4-9.

6. Sortoe krakti na kon boen foe Jeruzalem ben abi tapoe den naatsi, baka di na atibron foe Jehovah ben kon na hen tapoe en foe san ede?

⁶ Nanga jepi foe den Baby1onsoema ofoe Chaldeasoema, Jehovah ben trowe ala hen atibron tapoe den foto foe na kownoekondre Juda. En nanga reti, bikasi den djoe ben drifi komoto foe hen komando, en ben sondoe tegen na verbontoe di ben sroto nanga den fositenpapa foe den. Foe datede meki Jeruzalem ben moe pori en den soema foe hen di tan na libi ben sa moe tjari go na Babylon, nanga leki bakapisi dati na kondre ben sa tan na baka sondro libisoema nanga osometi. Soso na boen-ati foe Jehovah ben kan en ben sa meki kon na kon-boen nanga njoen gosontoe foe Jeruzalem leki wan foto di bow kon njoen baka. Na dresi di Jehovah ben sa gi hen, ben sa de so onverwakti en no ben sa de foe verstan gi den naatsi di no ben de djoe, dati den ben sa kon foeroe nanga skreki gi so wan Gado di e doe wondro. Na prakseri san disi ben sa kan abi leki bakapisi, ben sa tjari den naatsi disi kon ini broeja.

7. Sortoe marki foe na normale libi ben sa begin baka ini den gebied foe Juda nanga Benjamin nanga Jeruzalem di no ben abi libisoema moro?

⁷ Aladi Jeruzalem ben sa didon brokobroko foe 70 jari langa, Jeremia, na proféti foe na Gado di e doe wondro, tog no ben taki foe wan sani di no ben kan, di a ben taki na fesi san ben sa pasa ini na ten dati di den ben lontoe hen:

„Disi Jehovah ben taki: ’Ini na presi disi, dati oenoe sa taki dati a de brokobroko, sondro libisoema en sondro osometi, ini den foto foe Juda en ini den strati foe Jeruzalem, di de légi, sondro libisoema en sondro osometi, drape joe sa jere ete na babari foe prisiri di pasa marki, na babari foe toemsi bigi prisiri, na sten foe na trowmasra en na sten foe den di e taki: „Prijse Jehovah foe den fetiman, bikasi Jehovah boen; bikasi te ten di no abi marki hen lobi boen-ati fasi sa tan!”’”

„’Den sa tjari wan tangi-ofrandi go na a oso foe Jehovah, bikasi mi sa tjari den strafoeman foe na kondre kon baka soleki a ben de na a bigin’ so Jehovah taki.” . . .

„’Ini den foto foe na bergikondre en ini den foto foe Zuidsé en ini na kondre foe Benjamin en ini den kontren foe Jeruzalem, en ini den foto foe Juda ipi meti sa pasa ondro no anoe foe na soema di e teri’, so Jehovah taki.” — Jer. 33:10-13.

GADO PRAMISI NA GRONTAPOERIGERIMAN DI E KON

8. Na kon-boen foe Jeruzalem ini 537 bifo G.T. ben meki na kon-boen foe na kownoekondre foe David kon, en san ben de ete ini na ten di ben sa kon?

⁸ Na kon-boen foe Jeruzalem ben bigin ini 537 bifo G.T., ma na foto no ben kisi na a ten dati wan kownoe ini na kownoe famiri-lin foe David. A ben kisi soso wan distrikt-granman ini na famiri-lin foe David. Na granman disi ben de ondro na kownoekondre foe den Meden nanga Persensoema, den winiman foe na Babylon grontapoemakti. Ma fa a ben de now nanga na verbontoe di Jehovah ben sroto nanga kownoe David foe wan tégo kownoekondre ini na famiri-lin foe David? Aladi na kownoe famiri-lin foe David ben ondrofeni wan sjen foe wan pisiten, tog na kownoekondre-verbontoe ben gi na djaranti, dati na moro glori pistiten gi na kownoe famiri-lin foe David ben de ete ini na ten di e kon.

9, 10. San Jehovah ben pramisi foe disi ben kon troe, foe meki kon foe na kownoe famiri foe David di ben kisi sjen?

⁹ Fa wi kan prisiri foe dati now! Fa so? We, na kownoe famiri-„bon” foe David ben koti trowe, ma na tompoe foe hen no ben dede. Na Almakti Gado ben kan sorgoe dati na tompoe disi ben kan meki wan „sproiti” baka di ben sa tron na TROE TROE erfgenaam foe na pramisi kownoe kondre. Meki wi arki na disi pikinso:

¹⁰ „’Loekoe! Dé e kon’, so Jehovah taki, ’Troe troe mi sa doe na boen wortoe di mi ben taki foe na oso foe Israël en na oso foe Juda (pe David ben de na ini toe). Ini den dé dati en ini na ten dati mi sa meki sproiti wan regtvaardiki sproiti en troe troe a sa doe geregtigheid nanga regtvaardiki fasi ini na kondre. Ini den dé dati Juda (na lo foe David) sa kisi jepi en Jeruzalem srefi (baka na kon-boen foe hen) sa libi ini sekerfasi. En so den sa kari hen: Jehovah de na regtvaardiki fasi foe wi.’” Disi de na srefi nen di na kownoe foe hen di e kon sa abi. — Jer. 33:14-16; loekoe Jeremia 23:4-6.

11. Ini sortoe soema na pramisi „sproiti” ben kon, en fa a ben kon na krin ini 1914 G.T. dati a ben de troe troe na „Sproiti” foe Jehovah?

¹¹ Na pramisi disi foe wan grontapoe-rigeri ben de wan troe troe wan? Ja! aladi moro leki 640 jari ben moe pasa, tog na tompoe foe David famiri di ben lasi troon nanga rigeri-tiki ben meki precies tapoe na fasti ten di Jehovah ben poti wan sproiti en dati ben de ini na persoon foe Jezus Kristus. Na Jezus disi ben gebore ini na foto pe David ben gebore Bethlehem en Johannes na Dopoeman di ben waka na hen fesi ben dopoe hen, en wantron wantron baka dati Gado geest ben salfoe hen foe tron na troetroe Erfgenaam foe na kownoekondre-verbontoe di ben sroto nanga David. (2 Sam. 7:4-16; Ezech. 21:21-27). A ben tron troetroe na „sproiti” foe na Soevereine Masra Jehovah, bikasi baka di den „sébi ten tapoe na grontapoe” (2520 jari) foe heiden soevereiniteit tapoe grontapoe ben kon na wan kaba ini 1914 G.T., dan Gado ben gebroiki na glori Jezus Kristus foe meki na soevereiniteit foe Jehovah kon na libi baka tapoe grontapoe leki wan kon troe foe na kownoekondre-verbontoe. — Dan. 4:13-26; Zach. 6:12, 13.

12. (a) San e sori dati Jezus Kristus leki sproiti ben de regtvaardiki? (b) Na „Masra” foe soema a ben tron en fa jepi ben doe kon gi „Juda” nanga „Jeruzalem”?

¹² Dati na „sproiti” disi ben de „regtvaardiki”, Jehovah Gado ben sori di a ben opo Jezus Kristus tapoe na di foe 3 dé komoto foe wan pina-dede en poti hen kon hé na hen égi reti-anoe ini hemel. Na so fasi Jezus ben tron, aladi a ben de wan tron na grontapoe ’manpikin foe David’, na „Masra” foe David. (Ps. 110:1-4; Matt. 22:41-45). Di a ben opo go na a reti-anoe foe hen hemel Tata, a ben abi na waarde foe hen volmaakti libisoema slagti-ofrandi na hen. Na so fasi a ben kan tjari jepi gi „Juda”, di Jeruzalem ben de na mamafoto foe hen. Soboen, Jezus ben sorgoe troe troe, dati na kownoe oso foe David ben sproiti baka! — Openb. 22:16.

13. (a) Sortoe Jeruzalem e tan now ini sekerfasi? (b) Na regtvaardiksifasi foe soema na nen „Jehovah de wi regtvaardikifasi” e sori en foe san ede na nen disi nanga reti abi foe doe nanga na soema di bijbel e kari „Sproiti”?

¹³ Bijbel e kari Jezus Kristus „na lew foe Juda, na roetoe foe David” (Openb. 5:5). Bikasi na grontapoe Jeruzalem ben trowe na „lew disi foe na lo foe Juda” en ben meki den kiri hen, dan na foto disi no ben libi ini „sekerfasi”, ma a ben kisi pori ini 70 G.T. (Matt. 23:37, 38; Luk. 21:34). Na moro hé Jeruzalem, na „hemel Jeruzalem”, e njan boen foe na sekerfasi disi, bikasi den jeje pikin foe hen, den 144.000 salfoe foetoeboi foe Jezus Kristus e libi ini sekerfasi ondro na sorgoe foe Jehovah (Hebr. 12:22; Gal. 4:26-28). Na „Jeruzalem foe tapoe” de troe troe na organisatie di Jehovah e kari „Jehovah de wi regtvaardikifasi”. Foedi a de go foe „wi regtvaardikifasi” en no foe „mi regtvaardikifasi”, dan disi e sori tapoe den 144.000 jeje pikin foe na hemel Jeruzalem, foedi Jehovah Gado meki den soema disi kon regtvaardiki nanga na slagti-ofrandi foe Kristus. Na nen foe Jezus Kristus leki na „Sproiti” de ooktoe „Jehovah de wi regtvaardikifasi”, foedi a de teki presi gi hen 144.000 salfoe foetoeboi. — Jer. 23:5, 6; loekoe 1 Korinte 1:30, 31; Romeini 3:21, 22.

14. Sortoe rigeri na grontapoe-rigeri foe Gado sa de, efoe joe loekoe na nen di Kristus nanga na organisatie di tai na hen e tjari?

¹⁴ Foedi na salfoe Kownoe nanga na organisatie di tai hen srefi na hen e tjari so wan nen di Gado ben gi den, dan sortoe rigeri na grontapoe-rigeri foe Gado di e kon sa de troe troe gi na heri libisoema famiri? We, soso wan regtvaardiki rigeri. Fa wi kan de grantangi foe dati!

NA TROEFASI FOE NA PRAMISI FOE GADO

15, 16 (a) Leki fa Jeremia 33:17, 18, taki dan a no sa mankeri Jehovah foe sorgoe hé-wrokoman? (b) Soema sa doe den wroko dati en pe den sa dini Jehovah?

¹⁵ Jehovah Gado sa meki na kownoekondre di a pramisi go makandra nanga na joisti sortoe foe priesterwroko. A de gi wi na djaranti foe dati, di a de taki baka ala den sani di ben taki na fesi: „Bikasi disi Jehovah taki: ’Foe na sé foe David no wan man di sidon tapoe na troon foe na oso foe Israël sa koti poeroe. En foe na sé foe den priester, den leviet, no wan man sa koti poeroe na mi fesi, si e tjari wan troe troe bron-ofrandi go ini smoko en e tjari wan slagti-ofrandi, foe alaten.’” — Jer. 33:17, 18.

¹⁶ A de meki foe datede wan difrenti, dati sensi na pori foe Jeruzalem ini 70 G.T. no wan tempel foe Jehovah no ben de moro na grontapoe en dati ooktoe no wan memre foe na lo foe Levi en foe na oso foe na brada foe Mozes Aäron no de foe sabi foe kan doe wroko ini so wan tempel? Kwetkweti! Jehovah abi now leki Hépriester nanga ondro-priester soema di den fositen priester foe Levi ini Israël de wan agersi foe den, de foe taki Jezus Kristus nanga hen foetoeboi di a ben verkisi, di ben salfoe nanga na jeje foe Gado foe de wan jeje priesterfamiri. Na hemel pe Gado de, de na Moro santa presi foe na jeje tempel, pe na priesterfamiri disi e doe wroko. — Hebr. 9:24; 1 Petr. 2:9, 10.

17. Wi no kan tapoe Jehovah foe doe sani tapoe na tori foe na kownoewroko nanga na priesterwroko, soleki wi no meki dé nanga neti tan foe kon?

¹⁷ Soboen, den pramisi foe Gado de alaten troe, en ooktoe ini na ten di e kon den sa de troe gi wi. Arki: „Disi Jehovah ben taki: ’Efoe oenoe ben sa kan broko mi verbontoe foe na dé en mi verbontoe foe na neti, ja, sodati dé nanga neti no ben sa kon tapoe na ten foe den, dan ooktoe mi verbontoe nanga mi knegti David ben sa kan broko, sodati a no ben sa kisi wan manpikin di e rigeri tapoe hen troon; so ooktoe nanga den leviet, den priester nanga den dinari. Soleki na ipi foe hemel no kan teri, en na santi foe se no de foe marki, na so mi sa meki kon moro foeroe a siri foe mi knegti David nanga den leviet di e dini mi.’” — Jer. 33:20-22.

18. O langa baka na ten foe Jeremia Jehovah ben hori hen verbontoe tapoe a tori foe na priesterwroko en te leki soema kon?

¹⁸ Moro esi na son ben sa tapoe foe skijn tapoe wi grontapoe en na grontapoe disi moro esi ben sa tapoe foe drai lontoe na as foe hen, dan dati Jehovah ben sa broko hen verbontoe foe David en hen verbontoe foe den leviet. Foe troe, na Almakti Gado ben meki na „Siri” foe David kon moro foeroe ini den siksi hondro jari di ben kon baka te leki hen troe troe Erfgenaam, Jezus Kristus ben kon. Na hépriester Aäron ben de wan agersifasi foe hen. aladi tapoe hen hemel troon a kon tron ooktoe leki wan priester na a fasi foe Melchizedek (Zach. 6:13; Hebr. 6:20–7:3; Ps. 110:1-4; Gen. 14:18-20). Na so fasi Jehovah ben de wan wegi tegen den rampoe di ben kisi Jeruzalem nanga na tempel foe hen en a ben meki hen verbontoe kisi krakti.

19. Sortoe sani foe na grontapoe foe wi ben sa tapoe moro esi, dan dati Jehovah ben sa broko hen verbontoe nanga David foe wan tégo kownoekondre?

¹⁹ Di na Babylon sroedatimakti ondro kownoe Nebukadnezar ben lontoe Jeruzalem foe na di foe toe tron, leki wan eksempel na bericht disi ben skrifi: ’Joe no ben si san den soema foe na pipel disi ben taki: „Den toe famiri di Jehovah ben verkisi — a sa trowe den ooktoe”? En den e tan handri mi égi pipel nanga veragti, sodati a no sa de wan naatsi moro na den fesi. Disi Jehovah ben taki: „Efoe a no ben de foe na verbontoe foe mi foe na dé nanga na neti, en den wet foe hemel nanga grontapoe, dan misrefi ben sa trowe ooktoe na siri foe Jakob en foe mi knegti David, sodati mi no ben sa teki foe hen siri tiriman tapoe na siri foe Abraham, Isaak en Jakob. Bikasi mi sa tjari kon makandra den strafoeman foe den en mi sa sori sari-ati troe troe gi den.’” — Jer. 33:23-26.

20. San ben pasa ini na ten foe Jeremia, sodati a ben gersi leki Jehovah no ben sa abi wan kownoekondre tapoe grontapoe moro langa en ben sa meki den anbegi hen?

²⁰ Ini na jari baka na profétitori dati, den ben wini en pori Jeruzalem. Den djoe di ben tan na libi den ben teki leki strafoeman en na moro bigi pisi foe den ben tjari go na a fara Babylon. A ben gersi leki dati Jehovah ben trowe troe troe den „toe famiri” di a ben verkisi. Na situatie ben de leki howpoe no de gi na famiri foe David kownoe bakatenpikin en gi na famiri foe priester di komoto foe Aäron, na fosi hépriester foe Israël. Kontrari san na Mekiman foe hemel nanga grontapoe ben taki, a ben gersi leki Jehovah ben broko hen verbontoe nanga na kownoe-famiri en nanga na priester-famiri. A tori ben go foe na aksi efoe oiti wan kownoekondre foe Jehovah ben sa de tapoe grontapoe en ofoe wan kon na Libi baka foe hen troe aanbegi ini na kownoekondre disi ben sa kon.

21. Fa Jehovah sori dati a de hori hensrefi na hen verbontoe, en di ben tjari winimarki gi den Israëlsoema ini katibo?

²¹ Sensi na nationaal rampoe dati, dan dé nanga neti no ben tapoe en den wet foe hemel nanga grontapoe ben tan go doro. Foedi na Mekiman no ben broko hen verbontoe nanga den sani foe na universum, dan wi no ben kan verwakti nanga reti dati a ben sa broko den verbontoe di a ben meki nanga libisoema di abi verstan foe hen kownoekondre nanga hen soifri aanbegi. En disi a no ben doe toe. Foe troe a ben sori sari-ati gi den bakatenpikin foe Abraham, Isaak nanga Jakob. Baka 70 jari foe katibo, den ben tjari go baka ini na kondre di Gado ben gi den.

22. Fa Jehovah ben meki kon troe hen verbontoe foe wan regtvaardiki „Sproiti” foe na kon-boen pipel foe hen en san disi e bewijsi foe na pramisi foe Gado?

²² Na foe na kon-boen pipel disi na regtvaardiki „Sproiti” Jezus Kristus ben komoto, 1900 jari pasa kaba. Na pina dede ini 33 G.T. no ben broko na verbontoe foe Gado, bikasi Gado ben gi hen glori ini hemel. Drape a de „libi foe tégo” leki fa hensrefi ben taki (Openb. 1:18). En foe troe a ben tan libi te leki Jehovah ben poti hen leki kownoe ini hen grontapoe-rigeri. Na pramisi foe Gado tapoe disi ben de troe!