„Jehovah foe den fetiman” e kon jepi!
1. Te joe loekoe den feanti di de, dan san moe pasa fosi, bifo verlekti di e tan kan tjari kon gi na libisma famiri?
GRONTAPOE-RAMPOE de a wi fesi e kon sondro foe kan drai en poeroe! Ma baka dati, troetroe wan kon-boen-baka foe den bakapisi foe disi na eri grontapoe sa kon. Man nanga oema di gi densrefi abra na Gado èn di kisi na glori boskopoe foe wan fri di e tan gi na libisma-famiri, ben panja na boen njoensoe disi na a eri grontapoe. Den bodoi foe den de foe foertrow, bikasi den komoto foe Na Sma di e broko-ede moro foe na toestand foe libisma leki soema toe ini hemel nanga grontapoe. Kolokoe dati a man dorodoro foe tjari na fanowdoe fri kon gi libisma. A de so, dati a poti na en prakseri foe doe so. Ma na doe foe en sa wani taki ini disi wan feti nanga en feanti, soleki noiti a fesi ben feti!
2. Leki fa Jesaja 59:15b taki, dan soema de na victori fetiman dati?
2 Na proféti ondro a krakti foe santa jeje e tjari kon na krin soema de na victori fetiman te a de taki: „Èn Jehovah ben kon si en, èn a ben de ogri ini en ai, dati geregtigheid no ben de.” — Jes. 59:15b.
3. San na grontapoe disi de gi Jehovah leki Kownoe na agersi fasi, èn a de sori belangstelling ete nanga san e pasa djaso?
3 Sma ini disi ten no e ori ini prakseri ini algemeen dati na Mekiman foe hemel nanga grontapoe e loekoe krosibé den libisma afersi. Èn foe san-ede na Mekiman no ben sa doe disi? Pikinmoro na a kabapisi foe den profétis boekoe foe en, Jesaja ben skrifi na sani disi: „Disi Jehovah ben taki: ’Na hemel de mi troon èn na grontapoe mi foetoebangi’” (Jes 66:1). We now, na Kownoe disi di e sidon é na tapoe ala sani di a meki, no ben sa abi belangstelling gi en grontapoe foetoebangi nanga san e pasa drape? A ben sori dati a abi na belangstelling dati? Fa?
4. Fa Jehovah ben sori ini den dé foe Noach di ben frede Gado, belangstelling foe san e pasa tapoe en foetoebangi?
4 Dati wi no abi now wan bigi watra-tenti é ini loktoe, lontoe na grontapoe, sodati na leti foe a son, moenkenki nanga den stari ben tapoe, doe kon foedi Jehovah ini den dé foe Noach ben si san ben pasa dja tapoe en foetoebangi èn ben opo doe wan sani. A ben meki den watra di ben anga é ini loktoe fadon tapoe en foetoebangi, no foe wasi en foetoe, ma foe figi poeroe ala den ogri toestand na mindri na eri libisma-famiri. Na tori di ben skrifi ondro santa jeje krakti e taki: „Jehovah (ben si) dati na takroedoe foe na libisma-famiri ben de foeroe pasa marki tapoe na grontapoe èn dati ibri firi foe den prakseri foe en ati alaten ben de soso ogri. . . . Foe dat’ede meki Jehovah ben taki: ’Mi e go wai den sma, di mi ben meki, poeroe foe na grontapoe, . . .’ Ma Noach ben feni boen-ati ini na ai foe Jehovah.” (Gen. 6:5-8) Wi alamala moe taki na Noach disi di ben frede Gado grantangi, foedi en nanga en oso-famiri, ala nanga ala aiti libisma sili, ben bow wan ark tapoe na komando foe Jehovah èn den ben pasa libilibi èn boen na grontapoe froedoe ini disi, nanga na bakapisi dati wi ben kon gebore leki den bakatenpikin foe den.
5. (a) Sortoe belangstelling foe a sé foe Jehovah e kon na krin ini na pori foe Sodom nanga Gomorra? (b) Foe agersi san na pori dati nanga a froedoe ben kebroiki?
5 San ben pasa bakaten nanga Sodom nanga Gomorra, eri grontapoe sabi. Na pori foe den takroe, oeroedoe foto dati foe na Midden-Oosten ben de wan bewijsi foe Jehovah belangstelling gi den libisma afersi tapoe en foetoebangi (Gen. 18:20, 21). Na regtvaardiki Lot nanga en toe oemapikin ben kisi kibri foe na alen foe faja, di ben poti Sodom nanga Gomorra ini asisi. Foe san-ede? We, foedi Lot, aladi a ben libi nanga en osofamiri ini Sodom, „ben pina ebi, foedi den sma, di ben kakafoetoe gi na wet, ben gi densrefi abra na sjenwroko” èn leki wan bakapisi foe dati „ben pina en regtvaardiki sili” (2 Petr. 2:6-8). Na moi foe na tori foe disi de, dati na ogri kaba foe na disiten grontapoe seti foe sani ini bepaalde pisi e teki agersi nanga na pori foe Sodom nanga Gomorra nanga faja èn na pori foe na owroe grontapoe nanga na froedoe. — Luk. 17:26-37; Matt. 24:36-39.
6. Foe san-ede wi no moe soso na krakti foe Jehovah ai foe pasa go doro ini ibri presi èn si ala sani?
6 Den disiten Sodomsma, ja, ala tra libisma groepoe, e breni densrefi te den e soso na sani di den Santa Boekoe e taki: „Foe na sé foe Jehovah, en ai e waka lontoe eri grontapoe foe sori en tranga foe na boen foe den di ati de soso foe en.” Sosrefi toe: „Den ai foe Jehovah de na ala presi, aladi a de si den ogriwan nanga den boenwan” (2 Kron. 16:9; Spr. 15:3). Foedi a ben kan meki wan difrenti mindri boen nanga ogri, a ben kan taki gi Israël: „Efoe Jehovah foe den fetiman no ben libi siri gi wi, dan wi ben sa de ne leki Sodom èn kon tron leki Gomorra.” — Rom. 9:29; Jes. 1:9.
7. Na krakti di sortoe libisma toe no abi e meki froewondroe kon ini disi ten, èn foe san-ede meki Jehovah Kotoigi no e gi densrefi foe na afersi disi?
7 Sortoe ogri sani Jehovah ben si na a kownoekondre Juda, nanga en mamafoto Jeruzalem, di a ben loekoe na en ini na ten foe Jesaja? Ala den sani disi: „Na waarheid no ben de, èn ala sma di ben wai komoto gi na ogri, den ben foefoeroe nanga tranga. Èn Jehovah ben kisi en foe si, èn a ben de ogri ini en ai, dati geregtigheid no ben de. Èn di a ben si dati wan man no ben de, a ben froewondroe dati nowan no ben de di ben kon na mindri” (Jes. 59:15, 16a). Eroe, na a ten dati, „no wan man” ben de di ben man nanga den omstandigheden, nowan sma di ben kan kon na mindri èn ben kan tjari wan kaba kon na a lé, na oneerlijkheid, na kroektoedoe, srefi tapoe na „publiki plen”, pe kroetoe afersi ben tjari kon foe kisi loesoe (Jes. 59:14). Sosrefi toe ini disi ten na afrontoe foe wet foe Gado èn na pasa foe den wet disi e tjari froewondroe, spesroetoe te joe loekoe dati na kristenheid de now moro leki 1650 jari. Jehovah Kotoigi no ben kisi na komando foe tjari na afersi kon na krin. Den no ben sa kon na den mindri foe doe disi, winsi den ben sa wani doe disi. Ma san e go pasa?
8. Soboen, soema de verplekti foe feti nanga den ogriman na grontapoe, èn sortoe nen di fiti en a ben kisi sensi na di foe twarfoe ondro jari bifo Kristus?
8 Disi: „Jehovah foe den fetiman” sa go feti. A moesoe feti foe na reti ede! A no de foertrow tapoe na Internationaal Kroetoe, wan libisma kroetoe foe seti internationaal afersi, di en no ben opo. Ini na „feti foe na bigi dé foe Gado na Almaktiwan” na Har-mágeddon a no sa de na fosi tron dati a de feti nanga en feanti na grontapoe. Sensi ini na di foe twarfoe ondro jari bifo Kristus sma ben aanbegi en leki „Jehovah foe den fetiman” (1 Sam. 1:3, 11). Di na proféti Jesaja ben si en ini wan visioen ini en santa tempel, dan „Jehovah foe den fetiman” ben sidon tapoe wan é troon, di a tapoesé foe en serafim nanga siksi fré ben zweef èn taki ala tron: „Santa, santa, santa Jehovah foe den fetiman de” (Jes. 6:3, 5). Ma a no ben sori ensrefi drape ini feti-krosi, soleki di foe wan Opperbevelhebber, di den legre foe en e waka na en baka. — Teki gersi Openbaring 4:1-4.
9. Foe san èn nanga san Jehovah e sreka ensrefi gi leki Jesaja 59:16b-19 taki, te joe loekoe san a ben si pasa ini disi eeuw?
9 Te joe loekoe fa sani waka na grontapoe sensi na kon foe na Fosi Grontapoefeti ini 1914, dan na Kroetoeman foe na eri grontapoe moe meki den sabi en leki „Jehovah foe den fetiman”. Ini na leti foe san a ben si pasa ini na pisiten foe a twintigste eeuw G.T., dan a de sreka ensrefi gi na feti. Jesaja e agersi en leki a de doe so ini den wortoe disi: „Èn en anoe tjari loesoe gi en ini na ten dati, èn en regtvaardikifasi gi en tranga. Dan a weri regtvaardiki fasi leki wan isri djakti, èn na helm foe ferloesoe tapoe en ede. Boiti dati, a ben weri den krosi foe refrensi èn a ben domroe ensrefi nanga na faja foe doe sani leki wan skowroe-djakti. Akroederi den doe, nanga dati a sa pai, atibron gi a stréman, ferdini behandeling gi en feanti. Den eilanti a sa pai nanga wan ferdini behandeling. Èn foe pe son e dongo, den sa frede na nen foe Jehovah èn foe pe son e opo na glori foe en, bikasi a sa kon leki wan benawtoe liba, di Jehovah jeje e troesoe.” — Jes. 59:16b-19.
10. Foe sortoe feti di e feti dja na grontapoe, Jehovah feti di e kon sa de na émarki foe en, èn san na den fetisani foe den grontapoe-fetiman disi?
10 Na feti foe Jehovah foe den fetiman di e kon, sa de na émarki foe na alaten feti di Jehovah Kotoigi ben moe feti èn di den ben moe weri fetisani leki fa den ben kisi komando. Na fetisani foe den de na jeje fasi èn abi na ini en na lerbanti foe waarheid, „na borstwapoe foe regtvaardiki fasi”, na soesoe foe a „boen njoensoe foe vréde”, „na bigi skild foe bribi”, „na helm foe ferloesoe,” èn „na feti-owroe foe na jeje, dati de Gado wortoe”. — Ef. 6:11-17.
11, 12. (a) San a wani taki dati Jehovah e weri na „helm foe ferloesoe”? (b) Tapoe san a de sori dati a de weri na „isri djakti foe regtvaardikifasi” èn sortoe pramisi de ini disi?
11 Foe na universeel feti di e kon, Jehovah e weri „na helm foe ferloesoe”, ma na presi foe „wan borstwapoe foe regtvaardiki fasi” a de weri „wan isri djakti” foe regtvaardiki fasi. So wan sani foe kibri en a no abi fanowdoe, dati no de foe taki, foedi a de almakti èn a no de foe kiri. A no de pori. Djaso soso na agersi fasi den wani sori wan sani. Dati a de weri na „helm foe ferloesoe, e sori dati a abi na ferloesoe foe en afersi, spesroetoe den afersi foe en Messias Kownoekondre ini prakseri. Noti san na feanti ben sa kan doe foe ros na afersi foe en, sa poeroe en na pasi tapoe a tori foe en prakseri foe ferloesoe, sodati a lasi en froestan èn en prakseri e lasi gwe. Dati a abi na „isri djakti” foe regtvaardiki fasi, e agersi dati en lobi gi regtvaardiki fasi no kan broko. Nowan enkri ros tapoe en theocratis afersi kan meki en dipi lobi gi san de joisti kon flaw.
12 Sosrefi toe a ben skrifi: „Na stonbergi, volmaakti ini en wroko, bikasi ala en pasi de geregtigheid. Wan Gado foe getrowfasi, di kroektoedoe no de na en; regtvaardiki nanga opregti a de” (Deut. 32:4). „Akroederi en pramisi” a sa feti te leki „njoen hemel nanga wan njoen grontapoe” sa opo, pe „regtvaardiki fasi sa libi”. — 2 Petr. 3:13.
13. (a) San a wani taki dati „Jehovah e weri den krosi foe refrensi”? (b) Tapoe san a de sori dati a „domroe ensrefi nanga faja foe doe sani leki wan skowroe-djakti”?
13 Jehovah sa feti leki na Sma di e teki refrensi. Dati meki na bijbel e agersi en leki a de „weri den krosi foe refrensi”. En kotoigi na grontapoe e kisi na komando foe „meki bekenti na dé foe refrensi foe na sé foe wi Gado” (Jes. 61:1, 2). Èn dati a de „domroe ensrefi nanga faja foe doe sani leki wan skowroe-djakti” e sori dati en faja sa troesoe en, ma no leki wan lawman, ma nanga wartifasi, soleki ini owroeten wan „skowroe-djakti” ben gi warti fasi na a soema di ben weri en. En stréman nanga feanti a sa gi behandeling di e akroederi nanga san den ben doe den sma di ben ori baka gi en theocratis afersi sondro foe degedege. Srefi pikin organisatie, di e kari „eilanti”, sa kisi na paiman di den ferdini.
14. (a) Sortoe krakti na glori wini sa abi tapoe den grontapoe sma? (b) Foe san-ede meki noti sa tapoe na wini-waka foe Jehovah ini Har-mágeddon?
14 Foe na glori feti ede di a de feti, den grontapoe sma sa moe frede en foe ostoesé te go na westsé, foe pe son e opo te foe pe son e dongo. Noti sa kan wini en ini en wini-waka. „Bikasi a sa kon leki wan benawtoe liba, di Jehovah jeje e troesoe” (Jes. 59:19). A sa de leki ini den dé foe kroetoeman Barak nanga Debora, di Jehovah ben sorgoe dati „na liba-bedi foe na Kison” wantenwanten ben kenki kon tron wan ogri liba di ben wasi den fetiman poeroe foe Jabin, di ben de ondro na feti-edeman Sisera (Kroetoeman 4:7, 13; 5:21). Ini na „feti foe na bigi dé foe Gado na Almaktiwan” na Harmágeddon a sa kebroiki en Manpikin Jezus Kristus di e tiri leki en feti-edeman, soleki Openbaring 19:11-21 e sori. Ini na ten foe na feti dati, Jehovah jeje di e troesoe sani sa de moro krakti leki ala kernbom di ben barster dan ofoe di poti na maksin na grontapoe.
Na Ferloesoeman nanga en froebontoe
15. Gi soema Jehovah foe den fetiman sa de wan Ferloesoeman, soleki a taki alaten nanga mofo foe Jesaja?
15 Foeroe tron „Jehovah foe den fetiman” e kari en srefi na Ferloesoeman, ofoe Goël, foe en pipel di a ben verkisi, èn di Jesaja ben de wan pisi foe en toe. Gado ben kebroiki Jesaja foe ben taki gi na pipel disi leki model: „’No frede, joe woron Jakob, joe man foe Israël. Misrefi wani jepi joe’, so Jehovah taki, ja, joe Ferloesoeman, na Santa Israël.” Èn ete wantron: „Now, disi Jehovah, joe Mekiman ben taki, o Jakob, èn joe Setiman, o Israël: ’No frede, bikasi mi ben ferloesoe joe. . . . Joe de mi kotoigi’, so Jehovah taki, ’ja mi knegti di mi ben verkisi . . .’ Disi Jehovah ben taki, joe Ferloesoeman, na Santa Israël: ’Foe joe ede mi wani seni wan sma go na Babylon èn meki den greni foe na strafoe-oso kon na ondrosé.’” — Jes. 41:14; 43:1, 10-14; 44:6, 24; 48:17; 49:26; 54:5, 8; 60:16; 63:16.
16. Pe na apostel Paulus e kebroiki pisi foe Jesaja 59:20, 21 èn foe doro na marki foe san a de tjari na kon tron foe na profétitori kon akroederi?
16 So wan 23 jari baka na dede, opobaka, nanga go na hemel foe Jezus Kristus, na apostel Paulus ben teki pisi foe Jesaja 59:20, 21 leki wan profetitori di ben kon troe ini kristen ten. A ben taki: „Soleki skrifi: ’Na ferloesoeman sa kon foe Sion èn meki den ogridoe foe Jakob gwe. Èn disi de na froebontoe foe mi sé nanga den, te mi e poeroe den manpikin foe den’” (Rom. 11:26, 27, akroederi nanga na Griki Septuagintavertaling). Na apostel Paulus e poti na eri kon troe foe na proféti-tori ini na ten di e kon, te na kownoekondre-klasse ondro Jezus Kristus kon doro na nomro foe 144.000 memre. Den de agersi Israëlsma, jeje Israëlsma, di de ini wan njoen froebontoe nanga Jehovah Gado. Den de leki wan faste nomroe foe taki foe wan agersi olijfbon (Rom. 11:17-26). Wi e libi ini na ten di Jehovah ben poti èn di na kon troe foe na profétitori disi e doro en marki!
17. Oten na fikapisi foe jeje Israël ben seri densrefi ini katibo, èn na sortoe presi na Ferloesoeman ben kon foe fri den?
17 Ne leki den Israëlsma ini Jesaja ten, na so den jeje Israëlsma ben seri densrefi foe ogridoe ede èn so den ben kon ini katibo foe na grontapoe kondre foe farsi religie, dati wani taki, foe Babylon na Bigiwan nanga en grontapoe fréri (2 Kon. 17:17; 1 Kon. 21:20, 25). Ini na pisiten foe na Fosi Grontapoefeti foe 1914-1918 disi ben pasa na wan spesroetoe fasi. Te den jeje Israëlsma di ben de ini katibo ben wani kisi den fri baka foe dini na troe Gado sondro sani na den pasi èn sondro frede, dan wan Ferloesoeman ben moe opo tanapoe foe na boen foe den. A ben opo tanapoe troetroe, ini na Sma foe Jehovah srefi. Nanga na biten opo doe wan sani ini na fasi disi, a ben ferloesoe den gi en dienst. Soleki ini Jesaja ten Sion ben de na moro prenspari bergi di Jeruzalem ben bow a tapoe leki mamafoto, na so Jehovah ben kon na a agersi Sion foe ferloesoe na Kownoekondre-klasse (Openb. 14:1; Jes. 24:23; 52:7). Den memre foe na ferloesoe fikapisi foe den jeje Israëlsma ben wai komoto na a ten dati foe den sondoe na Jehovah èn den ben ori densrefi fri foe ala banti nanga Babylon na Bigiwan. — Openb. 18:4.
18. Soema Jehovah e gebroiki ini disi leki na soema di a ben seni, èn ini sortoe feti na soema disi sa feti, akroederi san ben skrifi foe en?
18 Foe doe disi, dan Jehovah ben gebroiki en Manpikin Jezus Kristus leki a soema di a ben seni ofoe leki „boskopoeman foe na froebontoe” (Mal. 3:1). Leki wan Moro Bigi Cyrus, Jezus Kristus ben ferloesoe fosi a fikapisi foe den jeje Israëlsma èn baka dati den kompe foe en foe Babylon na Bigiwan. (Jes. 44:28 te nanga 45:7). Openbaring 19:11-21 e agersi en leki na soema di ensrefi e feti „na feti foe na bigi dé foe Gado na Almaktiwan” na Har-mágeddon.
19. San de den kondisi foe na froebontoe di Jehovah e sroto nanga na Moro Bigi Jesaja foe na boen foe na ferloesoe fika-pisi foe jeje Israëlsma?
19 Leki wan moro bigi Jesaja, dan Jezus Kristus de na Proféti di Jehovah e sroto na froebontoe nanga en foe na boen foe na fika pisi foe jeje Israëlsma di kisi ferloesoe. Na froebontoe disi e akroederi nanga na pramisi foe Jesaja 59:21: „’Mi jeje di de a joe tapoe èn mi wortoe di mi ben poti ini joe mofo — den no sa teki poeroe foe joe mofo èn sosrefi toe no foe na mofo foe joe bakapikin’, so Jehovah taki, ’foe now srefi te ten di no abi marki.’” — Teki gersi Tori foe den Apostel 3:22, 23.
20. O fara Jehovah jeje de tapoe na Moro Bigi Jesaja, èn san e sori ini disi ten dati Jehovah wortoe no ben poeroe foe na mofo foe den „bakapikin” di Gado ben gi Jezus?
20 Na proféti Jesaja nanga en natuurlek „bakapikin” komoto langa ten kaba foe grontapoe. A Moro Bigi Jesaja, Jezus Kristus e libi leki wan mekisani di no kan dede na a reti-anoe foe Gado ini hemel. Jehovah jeje e rostoe na wan makti fasi tapoe en (Jes. 61:1-3; Luk. 4:16-21). A so srefi toe. Jehovah „wortoe” ben poti ini en mofo, sodati a sa meki den bekenti spesroetoe na a eri grontapoe. Nanga dati ini prakseri a ben poti den wortoe dati ini na mofo foe den jeje „bakapikin” di Jehovah ben gi en. Disi ben abi leki bakapisi dati na boen njoensoe foe Gado kownoekondre di ben opo, ben préki na a eri grontapoe. — Matt. 24:14.
21. (a) Sensi 1935, soema ben teki na disiten boskopoe ini den mofo? (b) Oten „Jehovah foe den fetiman” sa moe kon jepi, èn leki sortoe soema a sa regtvaardiki ensrefi nanga dati?
21 Sensi na jari 1935 wan „bigi ipi” ben go moksi densrefi nanga na fika-pisi foe den jeje Israëlsma. Den ben teki na kownoekondre-boskopoe èn nanga tranga sten den e meki na boskopoe disi bekenti, makandra nanga na warskow foe na refrensi foe Gado gi en feanti, foe (Openbaring 7:9-17). Te now ete den sortoe feanti disi e proeberi foe tjari na meki bekenti foe na Kownoekondre-boskopoe kon tantiri. Foedi den no sa man doe disi, meki den krasi èn faja-ati feanti sa bigin den laatste ros tapoe ala loyaal bakaman foe na kownoekondre foe Gado ini anoe foe Kristus. Dan „Jehovah foe den fetiman” leki neba a fesi moe kon jepi den foe troe. A sa doe disi nanga jepi foe en feti-edeman, Jezus Kristus, na „kownoe foe den kownoe”. Ja kon, o „Jehovah foe den fetiman”, èn meki den glori victori di joe e kisi nanga jepi foe Kristus, skrifi ini den tori foe na eri hemel nanga grontapoe, foe meki joe kisi reti foe tego leki na onbetwistbaar Soeverein foe na eri universum!