Na pisi foe Gado organisaatsi di joe kan si
1, 2. (a) A de wan njoen sani ofoe wan sani foe no langa ete, dati Jehovah e kari wan Trowman? (b) Fa Jesaja 54:1-5, 13 e gi na piki?
GI SMA di abi boen sabi foe na bijbel a no de wan njoen sani ofoe wan sani foe no langa ete, dati Gado kan kari wan Trowman. Di Jezus srefi ben taki: „A tanapoe ini den proféti: ’Èn den alamala sa kisi leri foe Jehovah’” (Joh. 6:45), dan a ben teki wan pisi poeroe foe wan profétitori pe Gado ben kari wan Trowman. Na profétitori disi, Jesaja 54:1-5, 13 de (wan pisi foe en):
2 „Opo wan prisiri-babari, joe oema di no ben meki pikin! . . . Bika joe toemsi boen Mekiman de joe Trowman-éginari, Jehovah foe den legre foe fetiman de en nen; èn na Santa Israël de joe Ferloesoeman. . . . Èn ala joe manpikin sa de sma di kisi leri foe Jehovah èn na vréde foe joe manpikin sa de pasa marki”.
3. Na apostel Paulus ben sori na sortoe fasi toe tapoe letterlek oema na grontapoe di ini Galaten 4:27 a ben teki wan pisi foe na srefi profétitori foe Jesaja?
3 Na apostel Paulus ben teki wan pisi foe na srefi profétitori foe Jesaja kapitel 54 di a ben taki: „Prisiri, joe oema di no e meki pikin; broko kon na doro èn bari tranga, joe oema di no sabi pen foe meki, bikasi den pikin foe na oema di de en wawan de moro foeroe leki di foe en di abi na masra” (Gal. 4:27). Na apostel Paulus séker no ben taki drape foe letterlek oema na grontapoe, bikasi Jehovah Gado no ben de leki wan eksempre, èn no leki wan agersi fasi na Trowman foe wan aparti oema. Na sani di ini agersi fasi ben de Gado „oema”, ben de wan moro bigi sani.
4. San ben de na „toemsi bigi sani” foe datede?
4 San dati ben de dan? We now, Gado organisaatsi, di a ben meki gi ensrefi èn di noiti sa tjari kon so fara foe bribi dati Gado de wan gridifasi léman! Ne leki wan trowman, a sa meki na organisaatsi disi meki froktoe (pikin), sodati a sa neki wan „siri” ofoe baka-pikin di Gado sa gebroiki foe pori Satan nanga na organisaatsi di a ben bigin nanga Adam èn Eva.
5. Oten na moro prenspari sma foe na „siri” di kari ini Genesis 3:15 ben gi, èn fa so?
5 Na „Siri” foe Gado oema ofoe „trow-oema” ben bigin foe gi ini na persoon foe na wan enkri gebore Manpikin foe Gado ini hemel. Oten? Tapoe na momenti dati en libi, di te nanga na ten dati ben de ini na jejekondre, ini na hemel, ini na jari 2 bifo G.T. ben tjari abra go na a moeroe-bere foe a djoe wendje Maria, sodati a ben sa de nanga bere. Soboen, Maria no ben de na „oema” foe Genesis 3:15. Èn sosrefi toe Maria no ben bewijsi dati a de na mama foe den sma di ini Openbaring 12:17 e kari „den wan di ben libi abra foe en siri”. — Loekoe Galaten 4:26-31.
6. (a) Foe sortoe organisaatsi Jezus ben de, di a ben de leki wan volmaakti sma na grontapoe, wan pisi? (b) Oten Jezus discipel ben bigin de wan pisi foe Gado jeje organisaatsi?
6 Soleki na fosi libisma na grontapoe, Adam, ini en volmaakti fasi ini na djari foe Eden ben de „wan manpikin foe Gado” èn ben de wan pisi foe na universele organisaatsi foe Gado, na so Jezus leki wan volmaakti libisma na grontapoe ben de wan pisi foe Gado organisaatsi foe manpikin di ben de foe si (Luk. 3:21-38). Ini begi na Jehovah Jezus ben taki foe ensrefi èn en discipel: „Den no de wan pisi foe na grontapoe, soleki mi no de wan pisi foe grontapoe” (Joh. 17:14, 16). Bakaten Jezus ben taigi na Romein tiriman Pontius Pilatus: „Mi kownoekondre no de wan pisi foe na grontapoe” (Joh. 18:36). Disi ben doe kon, foedi Jezus ben de wan pisi foe Gado jeje organisaatsi, Gado „oema”, aladi a ben de na moro prenspari wan foe en „siri”. Foe sensi Pinksteren ini na jari 33 G.T., di na glori Jezus ini hemel ben (. . .) santa jeje tapoe en getrow discipel na grontapoe, dan den disi ben tron wan pisi foe na „siri” foe Gado „oema”. Den ben tron na pisi foe Gado jeje organisaatsi di joe ben kan si. Aladi den ben de ini na grontapoe, den no ben de wan pisi foe en. — Tori foe den Apostel 2:1-47.
7. Sortoe „bruid” ini na ten di e kon Jezus leki trowman abi, èn san a de taki ini Openbaring 22:17?
7 Nanga disi na prakseri meki dati srefi Jezus Kristus e kari wan Bruidegom, di abi wan „bruid” ini na ten di e kon. A no de foe taki dati a no de wan letterlek oema. Efoe a no de dati, dan san a de dan? A de wan samengestelde „bruid”, wan „bruid” di abi foeroe sma na ini, èn a de foe datede wan organisaatsi di e doe na wani foe na Bruidegom ini na ten di e kon èn di e waka na en baka. Joe kan kari na bruid disi wan ecclesia, wan konmakandra, wan gemeente, efoe joe wani (Deut. 4:10; 9:10; 18:16, Griki Septuaginta; Tori foe den Apostel 7:38). Na laatste boekoe foe na bijbel e sori na a hemel trowpatna foe na glori Jezus Kristus te ini Openbaring 22:17 tanapoe: „Na jeje èn na bruid e tan taki: ’Kon!’”
8. (a) Nanga san na apostel Paulus e gersi na kristen gemeente ini en ten ini 2 Korinte 11:2? (b) Soema de, foedi Paulus e teki wan pisi foe Psalm 45 tjari kon tapoe Jezus, na oema di e tjari kon na a Mesias kownoe leki en Masra?
8 Na apostel Paulus ben skrifi gi na ecclesia, ofoe gemeente ini Korinte, Grikikondre: „Mi persoonlek ben pramisi foe gi joe na wàn man foe trow foe pristeri joe leki wan krin wenke na a Kristus” (2 Kor. 11:2). Ini Hebreeën 1:8, 9 na apostel Paulus e tjari Psalm 45 kon tapoe Jezus Kristus leki na Manpikin foe Gado. Na profétis Psalm disi e teki na Manpikin foe Gado gersi nanga wan Bruidegom, bikasi Psalm 45:13-15 e taki moro fara: „Na kownoe-oemapikin de soso glori nomo na inisé drapoe ini na oso; en krosi wroko nanga gowtoe. Ini krosi di bré den sa tjari en go na a kownoe. Den wenke na en baka leki en mati, e tjari toe kon na joe. Den sa tjari kon nanga prisiri èn bréti fasi; den sa go na ini na oso foe na kownoe.”
9. Nanga san Johannes na Dopoeman e gersi Jezus Kristus nanga na groepoe foe en discipel?
9 Srefi Johannes na Dopoeman, ben gersi Jezus Kristus nanga wan Bruidegom èn en discipel ini na ten di bo kon nanga wan bruid. Foedi Johannes ben abi na grani foe pristeri den fosi discipel na na dopoe, salfoe Jezus, a ben taki: „Mi ben taki: Mi no de na Kristus, ma mi ben seni go na en fesi. A sma di abi na Bruid, de na bruidegom. Ma na mati foe na bruidegom, di tanapoe èn e jere en, abi bigi prisiri foe na sten foe na bruidegom. Foe datede meki na prisiri disi foe mi kon de boen dorodoro” (Joh. 3:28, 29). Johannes na Dopoeman no ben abi na froewakti foe ben go de oiti wan pisi foe na jeje „bruid” foe Kristus. A tan de soso wan „mati foe na bruidegom”. Ma ete a ben de, sondro foe prakseri ensrefi, nanga prisiri, ne leki den wenke di ben de bruidsmeisjes ini Psalm 45:13-15.
10. (a) Foe sanede wan sma kan taki nanga reti dati na „bruid”-klasse de na pisi foe Gado jeje organisaatsi di de foe si? (b) Fa na situwasi disi e bewijsi nanga san Paulus skrifi ini en brifi gi den Romeinsma nanga den Korintesma foe na Ede Kristus?
10 Ala disi e bewijsi, foedi na hemel Bruidegom de wan pisi foe Gado jeje organisaatsi, dati na „bruid”-klasse foe a ten di e kon, di kon gebore njoen nanga santa jeje aladi di a de ete na grontapoe, de na pisi foe Gado jeje organisaatsi di de foe si. Na waarheid foe na situwasi disi bewijsi nanga na troe tori dati na „bruid” disi, di abi wan trowman leki ede, na a srefi ten de na jeje skin foe Kristus. Paulus ben skrifi gi na ecclesia ofoe gemeente ini Rome: „So wi de, aladi wi de foeroe, wàn skin ini wanfasi nanga Kristus, ma memre di ibriwan foe den aparti de wàn nanga makandra” (Rom. 12:5). Paulus skrifi gi na gemeente ini Korinte: „Bikasi foe troe, nanga wàn jeje wi alamala e kisi dopoe foe wàn skin, . . . Oenoe de now Kristus skin èn ibriwan aparti memre” (1 Kor. 12:13, 27). We now, foedi na Ede foe na jeje skin dati, na glori Jezus Kristus, de wan pisi foe Gado jeje organisaatsi, dan den memre foe en „skin” de sosrefi toe wan pisi foe Gado organisaatsi, ma na a momenti disi soso foe na pisi di de foe si. A no de wan sani di no de joisti foe taki dati den de Gado organisaatsi na grontapoe di de foe si. „Gado ben seti na skin” (1 Kor. 12:24, The Jerusalem Bible). „Ma Gado ben orga na skin.” — The Riverside New Testament foe William G. Ballantine.
NA GEORGANISEERDE PIPEL FOE GADO DI GI DENSREFI ABRA ÈN DI DE NOW NA GRONTAPOE
11. Foe sanede a ben de fanowdoe baka na Fosi Grontapoefeti, dati den grontapoe naatsi, èn sosrefi toe „den wan di ben tan abra foe na siri foe na oema” ben orga densrefi njoen baka?
11 Na a kaba foe na Fosi Grontapoefeti ini 1918, dan a ben de fanowdoe gi den naatsi di feti ben broeja foe orga njoen baka Satan seti foe sani di de foe si. Wan njoen préman ben sori ensrefi tapoe na toneel foe internationaal afersi ini na vorm foe den bolsjeviki ofoe communist, di ben bigin ini Rusland wan kefalek revolutie èn di ben teki na politiek tiri abra foe na kondre foe Rusland di ben bradi ensrefi moro nanga moro ini Europa nanga Azië. Na fesi wan grontapoe den „wan di ben tan abra foe na siri foe na oema” ben kon tanapoe? A ben de fanowdoe dati den ben orga densrefi njoen baka. Den ben moe loekoe na ten di e kon foe wan njoen èn revolutionair ai ini na leti foe bijbelprofétitori, di leki noiti na fesi den ben bigin foe froestan den moro krin. Tapoe na gron foe na teri foe bijbel nanga bijbel profétitori èn tapoe na gron foe den sani di ben pasa na grontapoe, dan bewijsi ben de krin, dati den „ten foe den heiden” ben kon na wan kaba ini oktober 1914 (Luk. 21:24). Sensi a ten dati, na owroe grontapoe ben kon de ini en „ten foe na kaba” ofoe ini en „laatste dé” (Dan. 12:4; 2 Tim. 3:1). Foedi disi ben de so, dan a ben de na joisti ten di doro dati wan njoen groepoe sma, no den communist, ma sma di frede Gado, ben sori densrefi tapoe na grontapoe toneel foe actie. Foe sabi soema na den ben kon de, te foe wan pisi ten moro krin.
12. (a) Oten èn pe, bifo na kaba foe na Fosi Grontapoefeti na grontapoe howpoe gi den sma disi di frede Gado èn di ben sori densrefi na a ten dati tapoe na grontapoetoneel, ben meki bekenti foe na fosi tron? (b) Nanga soema Johannes 10:16 ini na boekoe di nen „Na harpoe foe Gado”, di ben kon ini Ingrisitongo ini 1921, ben tjari kon akroederi foe datede?
12 Den disi ben de ini lin foe pasa libilibi na pori foe na owroe seti foe sani ini Armageddon, èn ben sa go ini na njoen seti foe sani ondro Kristus hemel kownoekondre. Nanga disi den ben sa kisi na okasi foe no dede noiti èn foe tan libi tego tapoe na doti foe grontapoe, di na Kownoekondre ben sa kenki tron wan paradijs. Na howpoe disi, di na no wan fasi no ben meki oiti na fesi bekenti, ben meki bekenti ini februari 1918 na publiki ini Los Angeles (Californië, Amerkankondre), bifosi na Fosi Grontapoefeti ben kon na wan kaba moro leki aiti moen na baka. Den sma di ben teki a howpoe disi noiti ben sa abi na froewakti dati den sa go na hemel foe go tron wan pisi foe Gado hemel organisaatsi. Baka na feti, dan Jezus profétis wortoe ini Johannes 10:16 ben ondrosoekoe njoen baka. Ini 1921 na Wachttorengenootschap ben tjari foe datede kon na doro na boekoe di ben nen The Harp of God (Na harpoe foe Gado). Ini den paragraaf 577 nanga 578 foe na boekoe disi. di ben kon ini 1932 ini Bakaratongo disi ben taki (den bladzijde 343 nanga 344):
„No wawan den di e go na hemel, ma trawan toe moe kisi loesoe, soleki e kon na krin ini Jezus wortoe: ’Mi abi tra skapoe ete, di no de foe disi pen; den disi mi moe tjari toe; èn den sa jere mi sten.’ (Johannes 10:16). ’Na pen disi’ (ofoe koi) de na gemeente. Baka te na klasse disi ben teki poeroe mindri sma, dan na ala sma na okasi sa gi foe kon ini na pen foe Kristus. (Statenvertaling foe Johannes 10:16.) Foedi a bai ala sma nanga en diri broedoe, meki disi moe pasa.
Gado ben meki na Proféti David skrifi: „Ala den heiden, Masra, di joe ben meki, sa kon èn sa boigi na joe fesi, èn gi grani na joe nen.” (Psalm 86:9). Wan bewijsi moro dati ibri sma moe kisi na okasi.”
13. Fa Jezus agersitori foe den skapoe nanga bokoboko ini na moro prenspari lezing tapoe na congres ini Los Angeles ben tjari kon akroederi nanga Johannes 10:16?
13 Ini na jari 1923, dan ini Los Angeles (Cailifornië, Amerkankondre) wan négi dé congres ben hori, nanga leki hémarki wan publiki taki di ben hori tapoe sonde 26 augustus ini na Coliseum. Den ben taki foe Jezus agersitori foe den skapoe nanga bokoboko ini Matteus 25:31-46, èn den ben skoifi komoto foe na fasi fa na kristenheid gwenti foe tjari na agersitori disi kon na krin. Den „skapoe” ben tjari kon de akroederi nanga den „tra skapoe” di Jezus ben taki foe den na fesi ini Johannes 10:16. Ini na lezing di ben poti ini na Watch Tower-nomroe foe 15 oktober 1923, ben tanapoe (tapoe bladzijde 310, paragraaf 33):
„Wi e bribi dati ini na nen-kerki miljoen miljoen sma de di e horidoro foe respeki ede gi Masra; èn den e teki dati na nen-kerki, Masra e gebroiki ini séker fasi. Bigi groepoe foe den no e taki dati den ben gi densrefi abra na Masra èn den no abi froewakti foe go na hemel. Wi e méne dati wi feni dja na klasse di wi Masra e kari den skapoe (Joh. 10:16). Na bosroiti foe wi de foe datede dati èn den skapoe èn den bokoboko foe na agersitori e taki dati den de kristen, èn de na kristenheid, èn dati ala toe klasse e taki den e doe wroko ini na nen foe Masra. — Matt. 7:21-23.
14. San ben taki ini na nomroe foe 15 januari 1924 foe The Watch Tower foe na ten pe den „tra skapoe” ben sa tjari konmakandra?
14 A tra jari foe en, commentaar ben gi moro fara ini na nomroe foe 15 januari 1924 foe The Watch Tower (tapoe bladzijde 26, paragraaf 2 èn 3):
„’Èn den volkoe sa tjari konmakandra na en.’ — Genesis 49:10. (Authorized Version)
Disi na wan profétis verklaring foe na wroko foe na Kristus. Na ten foe na kontroe foe en de krosibé. Disi wani taki dati sma foe ibri naatsi, ibri famiri-lo èn ibri tongo, di lobi regtvaardiki fasi èn e angri foe dati, sa tjari kon na Masra. Jezus ben taki: ’Èn mi abi tra skapoe, di no de foe disi koi: den disi mi moe tjari toe, èn den sa jere mi sten èn wan koi èn wan Herder sa de’ (Joh. 10:16 AV). Wan skapoe na wan meti di e waka baka wan masra, di lobi vréde èn di joe kan handri; a de gebroiki foe datede foe agersi sma di lobi vréde èn di e lostoe moro betre sani.”
15. Fa a bewijsi ben gi ini na nomroe foe oktober 1934 foe na Wachttoren dati Gado boenati abi moro na ini leki na ferloesoe foe na „pikin ipi” foe kisi hemel libi?
15 Tin jari na baka ben tanapoe ini na Wachttoren-nomroe foe oktober 1934, ini den bigin paragraaf (Bladzijde 153):
„Jehovah lobi boen-ati-fasi e go na ala den sma, di e soekoe fajafaja foe sabi èn doe En Wani. A de sori en boen-ati gi sma di ini Masra Jezus Kristus. (Joh. 3:16) Jezus Kristus de na pasi di Jehovah opo foe kisi libi, ma a no ala sma di sa kisi na libi, sa tron jeje mekisani. Tra skapoe de di no de foe na „pikin ipi”. (Joh. 10:16) A de gi den laatste ofoe tra skapoe, dati Jezus, baka en kon baka na a tempel foe kroetoe e taki den wortoe disi: ’Kon oen di mi Tata ben blesi, go ini na Kownoekondre di ben sreka gi oenoe foe sensi na fundamenti foe na grontapoe.’ (Matt. 25:34)”
16. Na „bigi ipi” ben de foe sortoe klasse foe „skapoe” soleki ben tjari kon na krin tapoe na congres foe 1935 ini Washington D.C. (Amerkankondre) èn fa hondro hondro foe den sma di ben kisi wan spesroetoe kari ben teki den leri di ben gi na na tamara foe en?
16 Na tra jari, 1935, ben de wan toemsi spesroetoe wan. Ini Washington, D.C (Amerkankondre), wan toemsi prenspari congres ben hori, pe den sma di wani sote foe de wan pisi foe den „tra skapoe” foe na Toemsi Boen Herder, ben kisi wan speroetoe kari. Nanga disi ben sori dati definitief stap ben doe now foe tjari den „tra skapoe” konmakandra. Tapoe fréda 31 mei lezing ben hori, pe den „tra skapoe” (ofoe Jonadabs) ben tjari kon na krin leki den sma di de na „bigi ipi” foe libi na grontapoe soleki Openbaring 7:9-17 ben taki a fesi. Dati foeroe foe den sma di ben de tapoe na congres na tranga lostoe ben de a den foe de wan pisi foe na „bigi ipi” dati, ben kon a krin ini disi, dati na tamara 840 ben pristeri densrefi foe dopoe ini watra leki wan marki foe a gi di den gi densrefi abra na Jehovah Gado sondro foe hori wan sani na baka nanga jepi foe na Toemsi Boen Herder Jezus Kristus.
WAN NJOEN „NEN” GI NA GRONTAPOE PISI
17. Tapoe sortoe spesroetoe sani di ben psa, na gebortoe foe na manpikin ini Openbaring 12 ben tjari kon na tapoe akroederi na sani di ben tjari kon na krin ini na nomroe foe 1 maart 1925 foe na tijdschrift The Watch Tower?
17 Ma wi e drai baka go na a jari 1925 di ben wani taki so foeroe. Na visoen foe Openbaring 12:1-17 di ben froestan fowtoe wan langa ten ben kon na krin. Ini na nomroe foe 1 maart 1925 foe na tijdschrift The Watch Tower wan kaba ben tjari kon na a prakseri dati na gebortoe foe a manpikin foe a „oema” ini hemel ben agersi na gebortoe foe na pausdom di ben kon foe na fadon komoto foe bribi foe na kerki seti ini na di foe fo eeuw. Na gebortoe foe na manpikin moro foeroe ben de wan agersi fasi foe na gebortoe foe Gado Messias kownoekondre foe en „oema”, en hemel organisaatsi di gersi wan trow-oema. Disi ben pasa ini hemel èn wel ini na bigi dréten (herfst) foe 1914 G.T., na a kaba foe den ten foe den heiden, „den fasti ten foe den naatsi”. Na grontapoe pisi foe Jehovah jeje organisaatsi ben prisiri foe na kon na krin foe disi!
18. (a) Foe na opo doe san foe na sé foe Gado na ten ben doro na a ten dati soleki ben tjari kon na krin ini 1925? (b) San den gemeente ben doe foe den sma di ben de ini na „koi disi” foe na Toemsi Boen Herder ini 1931?
18 Ma moro ben pasa ini 1925 ete! Na spesroetoe sani ben kon na fesi, dati na ten ben doro gi Gado foe meki wan nen gi ensrefi. Na troe tori dati ben meki bekenti tapoe na regionale congres di ben hori ini Indianapolis, (Amerkankondre) (2 Sam. 7:23; Jes. 64:1, 2). Akroederi nanga na prakseri foe teki foe den naatsi „wan pipel foe en nen”, na grontapoe ben kon sabi wantronwantron ini juli 1931 nanga na nen „Jehovah Kotoigi”. Disi pasa di doesoen doesoen foe den sma di de wan pisi foe a ’koi disi’ foe a Toemsi Boen Herder, ben teki formeel èn nanga jepi foe wan resolutie na bijbel nen disi gi Gado dopoe pipel di gi densrefi abra na en (Jes. 43:10). Na eksempre disi, di bun poti tapoe na congres ini Columbus (Ohio, Amerkankondre), den gemeente foe den sma di ben de ini na „koi disi” ben teki abra.
19. Akroederi den herziene vertaling ini Ingrisitongo, dan ala skapoe di na Toemsi Boen Herder abi de ini na „koi disi”?
19 Jezus Kristus ben meki wan difrenti na mindri en foetoeboi di ben gersi skapoe, di ben de ini na „koi disi” èn den „tra skapoe”. Akroederi na Ingrisi Revised Version foe 1884 a taki: „Èn mi abi tra skapoe, di no de foe disi koi: den moe tjari toe, èn den sa jere mi sten; èn den sa tron wàn ipi, wàn herder.” — The Emphatic Diaglott foe 1864; Rotherham, foe 1903.
20. Sortoe „skapoe” na Toemsi Boen Herder, spesroetoe sensi 1935, ben orga ini wanfasi na grontapoe?
20 Den sma di de ini na „koi disi”, de wan pisi foe Gado jeje organisaatsi; den de „den wan di tan abra” foe na jeje „siri” foe Gado oema, di Openbaring 12:17 e taki foe en. Foedi den „tra skapoe” no de wan pisi foe na „koi disi”, dan den no de wan pisi foe Gado jeje organisaatsi. Den no de wan pisi foe na „pikin ipi” di na hemel Tata e gi na „kownoekondre” (Luk. 12:32). Ma ini na bakajari foe 1935 a ben de krin dati na Toemsi Boen Herder Jezus Kristus ben bigin tjari den „tra skapoe” disi di ben sa libi tapoe grontapoe kon ini wan erkende demakandra nanga na fika-pisi foe na ipi di ben de ini na „koi disi”. Den ben tron na a ten dati „den skapoe” di ini Jezus agersitori foe den skapoe nanga bokoboko, ini Matteus 25:31-46, ben taki na fesi. Na so fasi na Toemsi Boen Herder e tjari konmakandra den „skapoe” di de ini na „koi disi” leki den „tra skapoe” foe tron soso „wan ipi” ondro en leki na „wan herder”. Na so fasi na „ipi” e tron wan organisaatsi.
21. Te nanga oten na fika-pisi foe sma di gersi skapoe di de ini na „koi disi” sa wroko makandra nanga den „tra skapoe” leki wan georganiseerde „ipi” èn sortoe fiti foe densrefi de fanowdoe?
21 Disi e poti na fundamenti gi ala den sma di gersi skapoe, wansi sortoe presi den sa kisi libi, foe wroko now makandra leki wan organisaatsi na grontapoe makandra. Dati den toe klasse disi te foe kaba sa prati foe makandra, sa kon foedi den „skapoe” di de ini „disi koi”, sa doro na kaba foe den grontapoe waka nanga libi èn sa teki prati ini „na fosi opobaka”, foe teki go ini na hemel organisaatsi di no de foe si (Openb. 20:4, 6). Te den memre foe na „pikin ipi” sa gwe alamala, dan den „tra skapoe” di tan abra, sa abi fanowdoe foe fiti densrefi, sodati den alamala sa wroko makandra ini wanfasi leki sma na ondro na Moro Bigi David, na Messias Kownoe, Jezus Kristus. — Openb. 22:16.