Na toemsi moi wroko di e waka baka na rij foe den asiman
1. San e sori dati den ten foe den heiden — pe na sani di na foto Jeruzalem e agersi ben e trapoe — ben kon na wan kaba?
NA „kownoe foe den kownoe èn Masra foe den masra”, Jezus Kristus de noja (Openb. 19:11, 16). Wi abi „na marki” dati disi de so. Sensi na kaba foe „den ten foe den heiden” na ini na jari 1914, 69 jari psa kaba, a de ini na kownoekondre di Gado gi en (Luk. 21:24, Statenvertaling). Wan kaba ben kon na a ten dati na a trapoe foe na kownoekondre foe Jehovah Gado soleki disi wan dé na ini Jeruzalem na kownoekondre foe Israël na ini na kownoe famiri-lin foe kownoe David ben teki presi foe na kownoekondre dati. Na foto Jeruzalem na ini na Mindri-Oostoe no abi wan kownoe foe na famirilin foe David, ma a de na mamafoto foe na republiek Israël, nanga wan djoe premier. Ma fa a de nanga na „hemel Jeruzalem”? (Hebr. 12:2) Drape, na ini na presi di hé woro leki libisma, di de dorosé foe na makti foe den heiden kownoekondre, „na „Manpikin foe David”, Jezus Kristus, e tiri sensi na kaba foe den ten foe den heiden na ini 1914, leki kownoe foe den kownoe èn Masra foe den masra”. Den heiden naatsi dja na grontapoe kan gens na kownoekondre èn den barwrokoman foe en, ma den no man doe en ogri. Den no kan basi en, soleki wan dé dati ben de so nanga den féfi grontapoe makti di psa gwe foe na grontapoe historia, namkoe Babylonia, Medo-Perzia, Grikikondre, Rome nanga na Anglo-Amerkankondre — Bigi Brittanië nanga den Verenigde Staten foe Amerkankondre. — Openb. 21:1, 2.
2. Fa Jezus wortoe leki wan piki tapoe na aksi san ben sa de na marki foe en de-noja èn foe na besroiti foe na seti foe sani e akroederi nanga na visioen foe Openbaring 6:1-8?
2 Na ini na visioen di ben gl na na apostel Johannes èn di skrifi na ini Openbaring 6:1-8, na profétifasi e sori sortoe sani ben sa marki na bigin foe na rij foe na „Kownoe foe den kownoe èn Masra foe den masra”, di e rij na tapoe na agersi weti asi go na a laatste kaba — tapoe na fetigron na Har-Magedon. San e sori na ini na visioen dati, e akroederi nanga san Jezus Kristus srefi ben taki gi en discipel leki piki tapoe na aksi foe den: „Oten den sani disi sa de, èn san sa de na marki foe joe denoja [Griki: parousia] èn foe na bosroiti foe na seti foe sani?” (Matt. 24:3) Foe den „heloe foe na benawtoe” di ben sa marki en denoja, ofoe parousia, èn foe na „bosroiti foe na seti foe sani”, Jezus ben taki: „Bika naatsi sa opo tegen naatsi [na ini feti] èn kownoekondre tegen kownoekondre, èn na a wan presi go miti a trawan grontapoe-seki sa de èn mankeri foe njanjan sa de. Nanga disi den heloe foe na benawtoe e bigin [di e marki na gebortoe foe wan njoen seti foe sani]” (Mark. 13:8). „Ne Jezus taki moro fara gi den: ’Naatsi sa opo tegen naatsi èn kownoekondre tegen kownoekondre; èn bigi gronseki sa de èn na ini na wán presi go miti na trawan pestsiki nanga mankeri foe njanjan; èn skreki sani sa de èn foe hemel bigi marki.’” — Luk. 21:10, 11; Matt. 24:7, 8.
Na faja-kloroe asi
3. San ben sa marki na bigin foe Kristus de-noja, èn sortoe visioen e tjari kon na krin gi wi foe dat’ede na a opo foe na ségel di e meki toe?
3 Na bigin foe Kristus „de-noja” ofoe parousia, na a kaba foe den ten foe den heiden na ini 1914, soboen vréde na ini hemel ofoe na ini grontapoe no ben sa marki en. Na sani disi e kisi krakti nanga na visioen di ben gi na ini Openbaring kapiter 6 na Johannes. San na opo foe na di foe toe ségel ben sa tjari kon na krin foe dat’ede gi wi? Makandra nanga na apostel Johannes wi e loekoe: „Èn di a ben opo a ségel di ben meki toe mi jere a di foe toe mekisani taki ’Kon!’ Èn wan tra wan ben kon, wan faja kloroe asi, èn na sma di ben sidon na tapoe, ben kisi na makti foe poeroe na vréde foe grontapoe, sodati den ben kan srakti makandra èn en ben kisi wan bigi feti-owroe.” — Openb. 6:3, 4.
4. San na tafereel dati e sori èn foe san-ede?
4 San na tafereel dati ben e sori? Noti moro leki na bigin foe feti, èn dati na a heri grontapoe, foe di na tjariman tapoe na fajakloroe asi ’ben sa poeroe na vréde na grontapoe’!
5. Disi wani taki dati na asiman tapoe na weti asi ben de frantwortoe foe na bigin foe na grontapoe feti, èn leki fa Openbaring 12 taki dan san ben sa waka baka na bigin foe en tiri?
5 Dati na fajakloroe asi nanga en tjariman di lobi foe feti ben sa waka na baka na asiman tapoe na weti asi, wani taki, dati na fosi asiman baka di a ben kisi wan kroon na ini 1914 ben bigin na Fosi Grontapoe feti èn na so fasi ben bigin gebroiki en „bo”? Kwetkweti! Na ini Openbaring kapiter 12 e agersi san sa waka baka na gebortoe foe na kownoekondre foe na fosi asiman na ini 1914: wan feti di moro hé leki libisma èn di joe no kan si. „Feti ben kon na ini hemel: Michaël nanga en engel ben e feti nanga na Kaiman èn na Kaiman nanga en engel ben e feti, ma den no wini, èn so toe presi no ben feni moro gi den na ini hemel. Den ben smési foe dat’ede na bigi Kaiman, na fosi smeki, di nen Didibri nanga Satan, di e kori na heri grontapoe pe libisma e libi; den smési en go na a grontapoe, èn en engel ben smesi go nanga en. Èn mi jere wan tranga sten ini hemel taki: „Now ben kon na ferloesoe èn na krakti èn na kownoekondre foe wi Gado èn na makti foe en Kristus, bika na kragiman di e kragi den dé nanga neti na fesi foe wi Gado ben smési gwe! . . . Foe dat’ede prisiri, oen hemel èn oenoe di e libi drape. Foe dat’ede heloe foe na grontapoe èn na se bika Didibri saka kon na oenoe èn a abi bigi atibron, foe di a sabi dati a abi wan sjatoe pisi ten nomo.’” — Den vers 7 te nanga 12.
6. San den difrenti sani ini a tori foe na di foe toe asiman e agersi?
6 Na ini na tori dati Didibri nanga en ogri jeje e kisi wantron-wantron na fowtoe foe na Fosi Grontapoefeti, di foe sensi 28 juli 1914 ben meki moro leki aiti miljoen sma lasi den libi. Na asiman tapoe na di foe toe agersi asi ben de wan agersi fasi foe den sroedati legre foe na grontapoe, di Satan Didibri de na „gado” foe en; èn na fajakloroe asi ben akroederi nanga na faja broejafasi èn fasi foe na feti dati èn na bakapisi foe en na ini na vorm foe a di foe toe Grontapoe feti. Den ben gi na a sroedati-asiman disi na ’bigi feti-owroe’ foe wan cavalerist, sodati a kan naki lontoe en foe kiri sma. Na bigi foe na feti-sani disi ben sa kan sori toe na tapoe na bigi foe na sortoe foe feti di ben kon now na tapoe na heri grontapoe — wan totale feti, wan feti na a heri grontapoe. Sowan sani noiti a fesi ben feni presi! Disi e kon na krin na ini den fini pisi di den historia boekoe na ini den bibliotheek e gi wi foe na Fosi èn na di foe Toe Grontapoe feti. Na a kaba foe na ten foe den heiden na ini 1914, foe troe wan feti na a heri grontapoe ben bigin. — Luk. 21:24.
7. San ben bigin foe kon troetroe na ini 1914 ini akroederi nanga Openbaring 6:1-8? San e akroederi nanga san Jezus ben taki foe na marki foe en de-noja?
7 A sma di ben gi den marki foe Openbaring kapiter 6 na en apostel Johannes ben de nasrefi wan dati di ini 33 G.T. ben gi na en apostel, pe joe ben abi Johannes na ini, den bodoi leki piki tapoe den aksi: „San sa de na marki foe joe denoja èn foe na bosroiti foe na seti foe sani?” Foe di na volgorde foe den sani di ben o psa di a ben kari na a ten dati sjatoe bifo en dede, ben e akroederi nanga na volgorde foe den sani di bo psa di a e agersi na ini Openbaring kapiter 6, dan den sani di den visioen e sori foe na di foe siksi kapiter dati e meki wi ferstan dati na kaba foe den ten foe den heiden ini 1914 sosrefi toe na bigin foe wan Grontapoe Feti, e marki na bigin foe en „denoja” na ini en hemel kownoekondre èn na bigin foe „na bosroiti foe na seti foe sani”. Soleki Jezus ben taki na fesi na ini Matteüs 24:7, 8 èn Lukas 21:11 dan naatsi ben opo troetroe tegen naatsi èn kownoekondre tegen kownoekondre, sodati disi troetroe ben marki na bigin foe en „denoja” di joe no kan si ofoe foe na troe tori dati a ben e poti prakseri na den afersi foe na grontapoe, now di den ben tron na kontren foe en kownoekondre di ben opo njoen. Ma fa a ben de nanga na „mankeri foe njanjan” èn na „ini na wan presi go miti a trawan pestsiki”? Den disi sosrefi toe ben agersi na fesi na ini na rij foe den fo asiman foe Openbaring 6 vers 1-8.
Na blaka asi
8. San de den marki foe na visioen di e kon na a opo foe na ségel di e meki dri?
8 San na visioen e meki wi si baka na rij foe na asiman tapoe na fajakloroe asi? „Èn di a ben opo na ségelmarki di ben meki di foe dri mi ben jere na libi meki-sani taki: ’Kon!’ Èn mi si èn loekoe! wan blaka asi! èn a sma di sidon tapoe en ben abi wan wegi na ini en anoe. Èn mi jere wan sten di ben komoto na mindri foe den fo libimekisani di taki: ’Wan liter tarwe foe wan dinarius èn dri liter gerst foe wan dinarius; èn no doe ogri na a olijfoli èn na win.’” — Openb. 6:5, 6.
9. San den marki foe na visioen dati e sori krin, èn foe san-ede na asi nanga reti ben de blaka foe kloroe?
9 Disi e sori krin na tapoe mankeri foe njanjan, mankeri foe sani foe njan. Èn den sani disi no ben kon baka na fosi Grontapoe feti „ini na wan presi go miti na trawan”? A no ben de wan sani foe ferwakti dati di den ben poeroe den gronman foe den gron foe go de wan pisi foe den sroedati foe den legre foe miljoenmiljoen sma, dati na ini bigi gebied angri ben sa de, nanga pikinso ofoe no wan sani foe tapoe na angri? A no de foe taki! A no de wan wondroe dati miljoenmiljoen sma ben dede foe angri. Den prijs foe njanjan ben kon hé foe dat’ede dati, leki wan bakapisi foe sowan kon diri foe sani, den ben kon de moro hé leki a moni foe hondrohondro sma di ben abi angri! Prakseri disi pikinso: wan dé moni, „wan dinarius” foe soso wán liter tarwe! Wan dé moni foe soso dri liter foe a pikinso moro mendri warti njanjan, gerst, a prenspari njanjan foe den sma di no abi nofo moni! Den sma di ben kon goedoe leki wan bakapisi foe den fetihandeling èn na meki foe fetisani, ben man foe pai na oli èn na win di ben de ete na wowojo. Foe dat’ede meki gi den dati, ogri no ben doe na a „olijfoli èn na win”. Den sma di ben de moro boen ben kan pai hé prijs! Ala den sani disi e sori wan doengroe prenki na ini na feti foe wan grontapoe feti, di leki wan bakapisi foe dati meki dati someni man di e meki froktoe kon soleki na pranigron, ben teki poeroe foe go doe wroko foe pori sani. A no moe de wan ferwondroe sani dati na asi pe a asiman sidon a tapoe nanga ini en anoe na symbool foe san njanjan ben e marki tegen hé prijs psa marki èn di e ransoeneer njan, ben de wan blaka asi! Fa na tjariman foe na mankeri foe njanjan di e tjari dede kon e pristeri wan prenki di doengroe èn di de sondro trowstoe!
Na bléki geri asi
10. Fa na visioen foe Johannes ben gi wan kotoigi di e meki dri, di ben moe gi na bewijsi dati na asi man foe na weti asi ben bigin nanga en rij?
10 Na asiman foe na fajakloroe asi èn na blaka asi ben de toe kotoigi foe na troe tori dati na kownoe Jezus Kristus ben kisi wan troon èn ben bigin nanga en victori rij di ben sa tjari en go psa „na bosroiti foe na seti foe sani” te na a kaba foe en na ini Har-magedon. Ma wan di foe dri kotoigi de, di foe na boen foe wi den e kari foe gi kotoigi foe a sani disi. Sowan siksitenti jari bifo Johannes ben kisi na visioen, dan na asiman di ben kisi na kroon tapoe na weti asi ben taki: „Na ini na mofo foe toe ofoe dri kotoigi ibri afersi moe poti reti” (Matt. 16:18). San mi kan taki dan foe den dri kotoigi disi? Nono, a no de wan asiman di e agersi wan sani di e psa na ini na grontapoe, soleki gronseki; a e go foe wan sani di e hari go na fesi nanga wan krakti di e sori tapoe ogri abra na fesi foe na grontapoe èn na ini na pisi ten foe 1918-1919, na a kaba foe na Fosi Grontapoe feti, den aksi na dede foe toe tenti miljoen sma. Meki kotoigi no. 3 foe dat’ede kon na fesi: „Èn di a ben opo na di foe fo ségel, mi ben jere na sten foe na di foe fo libi mekisani taki: ’Kon!’ Èn mi si èn loekoe! wan bleki geri asi, èn na sma di ben sidon na tapoe en tjari na nen dede, èn hades waka baka en. Èn den ben kisi makti na tapoe di foe fo pisi foe na grontapoe, foe kiri nanga wan langa feti-owroe nanga mankeri foe njanjan èn nanga dede plaag èn nanga wilder meti foe grontapoe.” — Openb. 6:7, 8.
11. Foe san-ede na kloroe foe na asi di e meki fo nanga reti ben de bleki-geri, èn sortoe dede na asiman foe en e agersi, èn di de druk bezig foe srakti sma gi Hades?
11 Wan bleki geri asi ben sa loekoe leki wan siki meti èn na nen dede ben sa fiti en tjariman boen. Na dede di den e kari dja ben sa de wan esesi dede, no na dede di e kisi sma tapoe wan hé libimarki. A de wan dede di e meki wan sma kon biten na ini hades, na grebi. Fa so? Foe di a de wan dede di na tapoe wan fasi di no switi di wan sma e kisi foe doe nanga en leki wan bakapisi foe na langa feti-owroe foe wan bigi feti, leki wan bakapisi foe wan mankeri foe njanjan di e tjari angriten kon ofoe leki na baka pisi foe „pestsiki” — besmettelek siki di e panja ensrefi abra wan bigi gebied pe sma e libi èn di e wani taki gi den foeroe sma di a de kiri wan esesi dede. Èn na Spanjoro agraboe, di ben kisi na grontapoe na a kaba foe na fosi grontapoe feti, no e fiti na sowan fasi fa sani taki? Ija, foe troe! Èn hades ben opo en angri mofo foe swari leki fa den ben schat 20 miljoen dedesma. Na pestsiki disi a no Gado ben seni en, ma Gado ben gi pasi foe en sondro foe taki sani psa marki dan wi ben sa kan taki foe na dede èn hades dati den ben „kisi makti na tapoe na di foe fo pisi foe grontapoe”. Gado no ben kon na mindri ma a ben gi pasi dati den sani di bo tjari dede kon ben kan doe sani na tapoe na grontapoe di ben abi feti, awinsi sowan foe den getrow-wan ben lasi den ede foe den sani disi. A tori no e taki o fara dede ben graboe lontoe ensrefi leki wan bakapisi foe „wilder meti” di ben foeroe tapoe sma di no ben abi jepi:
12. San e bewijsi nanga na kiririj foe den dri laatste asiman, efoe joe loekoe na ten pe den e rij a rij foe den?
12 Na rij foe a pori foe sani foe den dri kotoigi dati, namkoe na asiman tapoe na fajakloroe asi, na asiman tapoe na blaka asi, èn na asiman tapoe a bleki geri asi, nanga hades na en baka, wi no kan loekoe psa en ofoe figi en poeroe foe na disiten historia. Foe di den asiman ben kon na fesi na a kaba foe den ten foe den heiden na ini 1914, dan den ben agersi wan sani di ben de prenspari gi a heri grontapoe. San? Dati a kownoekondre, di Jezus ben leri en discipel na ini na Wi Tata begi foe begi na Gado dati a moe kon, ben opo na ini den hemel, foe di den ten foe den heiden, ofoe „den faste ten foe den naatsi”, pe Gado Kownoekondre na ini anoe foe en Messias (Kristus) ben trapoe, ben kon na wan kaba (Luk. 21:10, 11, 24). Now na kownoekondre opo foe dat’ede. Na kownoe foe en de leki na tiriman na tapoe na troon foe Gado, di kisi salfoe èn wan kroon, en de noja na ini na kownoekondre ben bigin. „Na bosroiti foe na seti foe sani” ben bigin. Jehovah ben seni en kownoe-tiki foe en tranga komoto foe a hemel Sion taki: „Go na mindri joe féjanti poti den na joe ondro” (Ps. 110:1, 2). Gi na Tiriman na ten ben kon foe dat’ede foe bigin nanga na rij foe en weti kownoe feti-asi èn foe hari go na fesi foe na kriboi èn dorodoro wini na tapoe en féjanti na ini grontapoe èn ini hemel.
Wan bigi grani
13. Fa den discipel foe na asiman foe na weti asi e doe nanga den bodoi disi, èn sortoe dienst di ben taki na fesi den moe wani foe teki tapoe den leki wan bigi grani?
13 San den discipel foe na asi-man na tapoe na weti asi, di de na ini na ten foe na „bosroiti foe na seti foe sani” disi dja na grontapoe, moe doe te den e si den fo asiman dati di Openbaring 6:1-8 e agersi? Den moe doe dienst na ini wánfasi leki takiman foe na kownoe asiman foe di den e meki wan foe den aparti pisi foe na „marki” foe en de-noja na ini na Kownoekondre kontroe, namkoe: „Èn na boen njoensoe disi foe na Kownoekondre sa préki na a heri grontapoe pe libisma e libi leki wan kotoigi gi ala naatsi” (Matt. 24:14). Na kotoigi disi na a heri grontapoe den ’prékiman’ foe en moe gi èn moe kon klari bifo na troetroe „kaba foe na seti foe sani” disi di e go na pori doro. Foe di now 69 jari psa kaba sensi na asiman di ben kisi wan kroon na tapoe na weti asi ben bigin nanga en rij go na a troetroe wini tapoe den gensman foe en kownoekondre èn foe si den grontapoe toestand na ini na pisiten dati kon ogri dan a fasi foe now, dan na troetroe „kaba” moe de krosbé srefsrefi. Na „sjatoe ten” di Satan Didibri kisi dja na grontapoe, a moe de krin dati pikin moro a kaba (Openbaring 12:12). Foe dat’ede soema sa kisi na bigi grani foe teki prati na a laatste pisi foe na kotoigi foe na heri grontapoe di abi foe doe nanga na kownoekondre foe Gado na ini anoe foe Kristus, di ben opo? Den Kotoigi foe Jehovah di bondroe kon na wan na ini na heri grontapoe e piki: „Wi sa doe disi!” Meki Jehovah jepi den nanga disi, sodati disi kan de wan poti reti foe ensrefi leki na universele Soeverein!
14. Foe san-ede na asiman tapoe na weti asi moe tan rij ete?
14 Na rij foe na asiman di kisi wan kroon na tnpoe na weti asi no doro ete na victorie dati a „tjari en wini kon na wan kaba” èn a sa meki en ati tan tiri te a doro a marki dati. Dati meki a moe rij kon moro fara. Toe grontapoe feti tron historia kaba, ma na vréde foe na libisma lo e tjari kon na degedege alaten baka nanga jepi foe sreka di e meki foe feti na wan toemsi bigi fasi.
15. Na rij foe na blaka asi nanga na bleki-geri asi kon na wan kaba? Foe san-ede meki san psa sensi 1914 de wan span èn glori sani?
15 Miljoen-miljoen sma di no abi njanjan moe tai den bere foe kwinsi pen foe angri, aladi foe soso den e wakti tapoe na momenti dati mankeri foe njanjan no sa de moro èn den prijs di go na loktoe sa kon baka a wan redelek pijl, sodati den póti-sma sa kan sorgoe na ini den fundamenti fanowdoe foe tan na libi. Na sabi foe den datra alaten baka e kon tanapoe na fesi njoen sortoe foe siki èn den ogri siki di e kiri moro sma, èn disi e sori dati na asiman foe dede no ben stop en bleki-geri asi, sodati na hades, ofoe na algemeene grebi foe libisma, ben sa waka na en baka. Ma san ala den sani disi, soleki a ben psa sensi a kaba foe den ten foe den heiden ini 1914 ben wani taki, ben de wan span tori, ija, wan glori sani! Tapoe na lati pisi ten disi wi e doro na kaba foe na „bosroiti foe na seti foe sani” di sensi na froedoe ini Noach dé ini 2370 bifo G.T., ofoe 4352 psa kaba, ben bigin. Dati de séker boen njoensoe.
Wan heri moi wroko e waka na en baka
16. Disi wani taki na kaba foe wi grontapoe pe libisma e libi a tapoe ofoe no?
16 Na kaba foe na „seti foe sani disi” no wani taki na kaba foe na grontapoe oso foe na libismafamiri! A wani taki dati gi na srefi owroe grontapoe disi, di na fadon libisma-lo e proberi foe meki a kon tron wan légi sabana di ala sma gwe libi, wan njoen seti foe sani sa doro. Na Mekiman di sidon na tapoe na troon e taki: „Loekoe! Mi e meki ala sani kon njoen.” — Openb. 21:5.
17. Sortoe bigi grani dienst de now wan pisi foe wi, èn fa na grani disi sa go doro te na ini na njoen seti foe sani?
17 Fa disi de wan toemsi moi wroko di poti drape gi den sma di sa psa libilibi na „bosroiti foe na seti foe sani disi” èn di sa go na ini na seti foe sani disi, pe na fajakloroe asi, na blaka asi, èn na bleki-geri asi di hades e waka na en baka no sa lon moro na tapoe na grontapoe pe libisma e libi — spesroetoe te wi e teki na prakseri dati na opo-baka foe na heri libisma-lo di bai kon fri de e kon! Ma srefi now, bifo na rij foe den fo asi pasa, Jehovah Kotoigi e doe wan toemsi moi wroko foe barwroko foe a moro boen njoensoe di de. A de na njoensoe foe Jehovah kownoe-tiri ini anoe foe Kristus di sa meki a njoen seti foe sani kon moi nanga wan paradijs di sa de na a heri grontapoe èn di te foe kaba na libisma-lo di sa bai kon fri sa libi na ini ala presi, na libisma lo di sa hori vréde èn di sa kisi blesi nanga tégo libi na ini libisma volmaaktifasi leki wan spikri foe na prenki foe Gado foe gersi en (Gen. 1:26-28). Wi abi now na bigi grani di Gado ben gi wi foe teki prati na a toemsi moi wroko disi.
Sortoe pisi di abi foe doe nanga makandra foe wan samengesteld „marki” den e skrifi foe den na ini
□ Sortoe grani Jehovah Kotoigi abi now, nanga sortoe wroko na den fesi?