Den libiwan di no sa dede noiti
1, 2. Pe na lostoe foe miljoenmiljoen sma, di lobi na Soeverein Masra Jehovah Gado, no e go na ini a tori foe na presi pe wan sma kan prisiri ensrefi na ini tégo libi, èn sortoe wortoe foe Jezus foe wan libi di no sa kon na wan kaba nanga dede, den e hori na prakseri?
NOW miljardmiljard sma e libi na grontapoe. Miljoenmiljoen foe den e kisi now sabi foe na toemsi moi okasi foe tan libi na grontapoe sondro foe abi foe dede oiti. Foeroe foe den sabi kande owroe kerki singi leki: „Soso den di e lobi Gado opregti e go na a ten foe dede na ini hemel.” Ma now miljoen miljoen sma e libi na grontapoe di abi wan opregti lobi gi na Soeverein Masra, Jehovah Gado, sma di kwetkweti no abi na lostoe foe go na hemel. Den abi na howpoe di Gado gi dati na paradijs sa kon baka na grontapoe èn te foe kaba sa doro na a heri grontapoe. Drape den wani libi foe alaten a ini libisma volmaaktifasi na ondro wan regtvaardiki hemel tiri (Luk. 23:45). Den abi den aparti wortoe foe Jezus na ini prakseri di a ben taki gi Martha di a ben de na tapoe na punt foe wiki en brada Lazarus komoto foe dede. Den wortoe de so prenspari dati ibriwan sma di e libi na grontapoe ben sa moe loekoe den srefsrefi. A ben taki:
2 „Èn ibriwan sma di e libi èn e sori bribi na ini mi, séker noiti sa dede.” — Johannes 11:26.
3. Sortoe lezing foe libisma libi di no sa kon na wan kaba ben hori tapoe 24 februari 1918, èn leki wan bakapisi foe sortoe sani di ben psa moro fara na ini na jari dati na lezing dati no ben kan hori moro langa?
3 Den ben poti na prakseri foe man nanga oema na ini na jarhondro disi di e meki 20 tapoe na spesroetoe howpoe disi na tapoe sonde 24 februari 1918 na ini Los Angeles, California, U.S.A. Na president foe na ten dati foe na Watch Tower Bible and Tract Society ben hori foe na fosi tron na publiki taki di ben nen „Na grontapoe kon na wan kaba. . . . miljoenmiljoen sma di e libi now no sa dede noiti”. Na ini na srefi ten dati na fosi Grontapoe feti, pe den Verenigde Staten foe Amerkankondre ben hari go na ini ben doro en hémarki. Wan kaba ben kon na a veldtocht pe na toemsi prenspari bijbel taki dati ben hori, spesroetoe di sjatoe na baka dati na tapoe 8 mei 1918 skowtoe ben kisi na president foe na Wachttoren Genootschap nanga sébi kompe foe en di ben e wroko na a Edekantoro na ini Brooklyn (New York). A fesi, na tapoe 12 februari 1918 na tiri foe Canada ben stop na laatste boekoe foe na Genootschap di ben nen The Finished Mystery èn sosrefi toe den tractaat foe na Genootschap di ben gi foe soso èn di ben nen Bible Students Monthly. Na tapoe 14 maart na tiri foe den Verenigde Staten ben waka na baka den eksempre disi èn ben stop The Finished Mystery nanga wan uitgave foe na Bible Students Monthly, den boekoe disi di na president foe na Genootschap ben gi tranga foe abi den. Dan tapoe 21 juni, baka someni wiki foe de na fesi kroetoe, na Federale Kroetoe foe den Verenigde Staten ben lési langa strafoe gi na president foe na Genootschap — na secretarsi penningmeester, den toe mede-skrifiman foe The Finished Mystery, dri tra memre foe na staf foe na ede-kantoro na Brooklyn èn na Italiaan vertaler foe na Genootschap foe go na ini na Federale straf’oso na ini Atlanta, Georgia, V.S.
4. Fa den memre foe na fika-pisi foe Jehovah pipel na grontapoe t joe taki en na jejefasi ben kon de na ini wan toestand pe den ben de leki dedesma, èn san ben psa nanga den hemel howpoe?
4 Bifo na tranga winter ben kon, na Genootschap ben firi na fanowdoe foe gwe komoto foe Brooklyn, New York èn foe drai go baka na Pittsburg (Pennsylvania), soleki ben meki bekenti na ini na Froisi mededeling na ini na uitgave foe 1 oktober 1918 foe na Watchtower bladzijde 290. Na heri grontapoe den ben sroto jongoe memre foe na gemeente foe den internationaal bijbelondrosoekoeman na ini sroedatikampoe ofoe srefi na ini doengroe’oso. Foe taki en na jejefasi dan den memre foe Jehovah pipel di gi densrefi abra èn dopoe ben kon ini wan toestand pe den ben de leki den dede, spesroetoe te joe loekoe na dek’ati préki foe na evangelium foe na boen njoensoe. Den ben abi na firi leki na kaba foe den grontapoe waka ben doro èn den hemel glori ben kan kon troe ibri momenti. Ma disi no ben de so bika na ini na moen November den naatsi di ben teki prati na a grontapoe feti, ben skrifi den nen na ondro na wapenstilstand èn wan pisi ten foe vréde ben bigin, èn loekoe dape now! tapoe na grontapoe di e siki ben libi ete soso wan fika pisi foe Jehovah anbegiman.
5. Nanga na jeje toestand foe soema na ini a ten foe na ten foe wan langa katibo joe kan teki foe gersi nanga na jeje inactiviteit foe den, ma san a Wortoe foe Gado ben taki a fesi foe den?
5 San now? We, na ini Jehovah proféti wortoe ben taki a fesi dati den kotoigi di ben gersi leki den dede ben sa kon baka na ini wan faja activiteit foe kisi njoen libi na ini en kownoekondre dienst na grontapoe. Na ini na ten foe na Fosi Grontapoe Feti den ben kon na ini wan srefi jeje toestand leki den Israëlsma baka di den sroedatimakti foe Babylon ben wai den nationaal mamafoto, Jeruzalem, poeroe na ini 607 bifo G.T. èn ben tjari den go na a farawe Babylon foe ben tan drape 70 jari langa inactief na jejefasi.
6. Fa den ben gebroiki na proféti Ezechiël foe gi na profétis prenki foe na kon na libi baka foe na djoe naatsi èn foe na kon boen baka foe na troe anbegi na ini en tatakondre?
6 Jehovah proféti Ezechiël di ben de ensrefi wan katiboman na ini Babylon e sori na a toestand dati pe na Israël foe owroeten ben de na ini na ini den jari 607-537 bifo G.T. Na ini wan foe en visioen a ben si wan lagipresi na mindri bergi di ben foeroe nanga dré bonjo. A ben kisi foe jere dati den bonjo disi di ben didon broejabroeja sondro foe orga ben de wan agersi prenki foe na heri oso foe Israël na ini katibo. Di Ezechiël di ben gi jesi na a komando foe Gado foe taki proféti tori foe den bonjo dati di ben didon broejabroeja, dan den kon miti na makandra kon tron wan skelet di tapoe nanga meti. Te foe kaba bro ben go na ini den èn den skin dati ben go tanapoe tapoe den foetoe (Ez. 37). Na ini na kontroe foe na profétitori disi, dan disi de agersi fa den Israëlsma ben sa kon fri foe Babylon baka te na kownoekondre disi ben fadon èn fa den leki naatsi ben sa kon na libi èn ben sa dini den sari-ati Gado baka na wan tempel di ben bow baka na ini na nationaal mamafoto di ben opo baka, Jeruzalem.
7. San ben taki na fesi na ini Openb. 11:3-13 leki wan sani di ben gersi na nationale kon na libi baka?
7 Hondrohondro jari baka na nationaal opobaka disi dan ben taki na fesi na ini Openbaring 11:3-13 na agersifasi foe wan srefi sani:
„’Èn mi sa meki mi toe kotoigi taki profétitori na ini sakakrosi a ini a ten foe wan doesoen toe hondro siksi tenti dé,’. . . Èn te den klari na gi kotoigi foe den, dan na wilder meti di opo komoto na a peti di no abi gron, sa feti nanga den èn wini den èn kiri den. Èn den dedeskin sa didon na tapoe na bradi strati foe na bigi foto . . . èn baka na dri nanga afoe dé libi jeje foe Gado ben go na ini den, èn den ben go tanapoe tapoe den foetoe, èn bigi frede ben fadon na tapoe den sma di ben loekoe den. Èn den ben jere wan tranga sten komoto foe hemel taki nanga den: ’Opo kon dja.’ Èn na ini na workoe den opo go na hemel, èn den féjanti foe den ben loekoe den. Èn na ini na joeroe dati wan bigi gronseki ben feni presi.”
8, 9. (a) Oten na ini disiten wan srefi kari foe opo doe wan sani ben go na Gado dede pipel na jejefasi? (b) Na ini sortoe agersi tongo na proféti kari ben kon na den na ini Jesaja 26:19?
8 Na ini kroederi nanga disi dan wan kari foe doe wan sani ben sa go na a fikapisi foe Jehovah pipel di dede a jeje sé di ben gi densrefi abra na en, foe doe dienst leki en kotoigi di den sma foe na heri grontapoe ben sa loekoe. Na ini na fosi jari baka na feti, 1919, sowan kari ben kon na den, baka di den ben kon ferstan dati Jehovah Gado ben meki den tan na libi na ini skin na grontapoe foe wan toemsi prenspari marki. Den ben ferstan krinkrin dati den no kan doe noti na ini na a ten disi di den e tan na mindri foe wan féjanti grontapoe sondro Gado jepi (Jes. 26:18). Na a joisti ten den ben kisi na korostoe djaranti nanga na komando foe na Almakti Gado, di na ini proféti wortoe èn wortoe di ben kibri foe a boen foe den na ini Jesaja 26:19 ben taki na fesi:
9 „Den dedewan foe joe sa libi. Wan dedesma foe mi — den sa opo baka. Wiki èn opo wan prisiri babari, oenoe di de na ini stof! Bika joe dow de leki na dow foe ibri sortoe wiwiri, èn na grontapoe srefi sa meki den sma di de sondro makti na dede srefi kon na doro leki na wan gebortoe.”
10. Gi sortoe okasi na tongo di Jehovah e gebroiki de boen, ma foe san-ede na tongo ben fiti?
10 Nanga den wortoe dati Jehovah e gebroiki wan tongo di boen gi na ten foe na letterlek opobaka foe den dedesma foe na libisma-lo di ben bai fri na ondro na hemel kownoekondre na ini anoe foe na kownoe, Jezus Kristus di ben poti na tapoe na troon, na Ferloesoeman. Neleki den Israëlsma na ini owroeten, di ben poeroe komoto foe na kondre foe den leki naatsi go na wan trawan èn na jejefasi ben de leki den beri den 70 jari na ini Babylon, na so na fikapisi foe den disiten jeje Israëlsma ben de na ini na gefaar na ini 1914-1918 foe ben wai poeroe. Na a kaba foe a Fosi Grontapoe feti ini 1918 te joe taki en na jejefasi dan den ben de gi Jehovah leki wan ’dedeskin’ pe a ben abi na reti a tapoe den leki en goedoe.
11. (a) Soema wawan ben kan meki wan kon na libi baka na jeje fasi ben feni presi, èn leki na frisheid di foe sortoe wiwiri? (b) Gi sortoe kari di ben kon na a pipel foe Gado a ten foe en ben doro?
11 Leki na bigi Man di e gi libi, Jehovah ben sa loekoe na tapoe dati den „dedewan dati” ben sa libi baka leki en salfoe kotoigi. A ben sa wiki den baka. Now di den okasi foe na pisten baka na feti ben doro, dan a no de gi den a ten moro langa foe sari èn foe de leki dede-sma, leki ’den sma di de na ini stof’. Jehovah ten di no ben kan poti na wan tra ten ben doro foe wiki den kon na jeje libi sodati den ben sa prisiri nanga bigi prisiri foe di den ben kon na libi baka èn ben poti na ini den actieve dienst (Psalm 126). Na presi dati den ben dré leki dedeskin — leki den sma di de na ini na dré stof — dan libi watra ben sa de baka na ini den, neleki den ben foktoe den nanga jepi foe na dow di psa marki, di e tapoe den sakafasi wiwiri (wan sortoe moi wiwiri di e kroipi na doti). Nanga na moro bigi Cyrus, Jezus Kristus, den de tiri now na ini hemel, èn gi Jehovah a ben de na faste ten di doro dati den ben sa kon fri foe wan katibo di ben e tjari dede kon net so leki di na ini na kondre Babylonië. Na toestand foe den, na ini katibo, di ben akroederi nanga na kondre Babylonië, pe den Israëlsma foe owroeten ben de na ini katibo, no ben sa hori den moro langa na ini wan dede di joe kan gersi nanga wan toestand sondro makti. A ten ben doro foe fri den foe den kon a libi a jeje fasi èn disi ben sa gi den na dek’ati nanga na makti foe gwe libi Babylon na Bigiwan, na grontapoe makti foe falsi religie. Na kari di Gado ben meki sma jere na tapoe en faste ten, ben de: „Komoto gwe foe en mi pipel” (Openb. 18:4). Foe di den gi jesi wantronwantron, dan den ben lon komoto na a pasi foe Gado ben kroetoe den foe di den ben e poti densrefi ete na ondro Babylon na Bigiwan nanga en grontapoe patna.
12. (a) Fa na pipel toe Jehovah ben sa kibri densrefi foe na publiki kroetoe di ben sa komoto foe Gado èn foe o langa? (b) San foe na Babylon na Bigiwan sa poeroe kon na doro dan èn fa na rekening sa pai?
12 Jesaja 26:20, 21 e go moro fara nanga den wortoe: „Go mi pipel go na inisé joe kamra èn sroto joe doro na joe baka. Kibri joesrefi foe soso wan momenti, te leki na publiki kroetoe psa. Bika loekoe! Jehovah e kon foe en presi foe aksi den sma foe na kondre frantwortoe foe den soktoe, èn a kondre séker sa tjari na trowe foe broedoe kon na krin èn no sa hori en dedewan kibri moro langa.” A no ben sa teki langa moro neleki a ben de „soso wan momenti”, bifo Jehovah ben sa tjari en publiki kroetoe kon na tapoe Babylon na Bigiwan foe di a ben sa sorgoe dati en grontapoe patna ben wai en poeroe bifo densrefi ben wai poeroe na ini „na feti foe na bigi dé foe Gado na Almaktiwan” tapoe na fetigron foe Armágeddon (Openb. 16:14, 16). Dan a trowe broedoe di Babylon ben gi ensrefi abra ben sa tjari kon na doro èn den ben sa kisi strafoe. Den libisma mekisani di direct ofoe indirect a ben de frantwortoe foe den, no sa tan didon kibri moro langa èn no ben sa loekoe na wan ai. Na paiman na ini a tori foe den sa pai foe di na sma di ben trowe broedoe, e kisi strafoe. Babylon a Bigiwan abi tapoe en konsensi na dede foe foeroe kotoigi foe Jehovah!
Libilibi kompe foe den sma di sa kisi kibri foe na kroetoe foe Gado
13. (a) Sortoe blesi foe na boen san kon boen baka na jari 1919 baka na feti ben kisi wan kroon? (b) Via sortoe route den ben drai, leki fa Jesaja kapiter 35 taki, go na wan toestand foe prisiri di no e kaba?
13 A jari 1919 ben kisi na kroon foe a boenati foe Gado. Tapoe 31 maart, bifo den internationale bijbel ondrosoekoeman ben kan kon klari nanga na wroko di ben abi foe doe nanga wan nationale-petitie (aksi na tapoe papira di joe e aksi wan sani na wan regering) dan na bosroiti ben teki dati den aiti sma di ben teki presi foe na Genootschap ben kan kon fri pe den ben kan pai wan moni èn na tapoe 25 maart den ben komoto na ini straf’oso na ini Atlanta foe no ben drai go baka drape noiti. Foe san-ede dati ben de so? Foe di bakaten den ben kon fri foe sjen èn den ben feni taki den no ben abi no wan fowtoe na no wan ogri tegen den Verenigde Staten foe Amerkankondre. Bakaten na ini na jari dati dan na Edekantoro foe na Genootschap ben froisi go baka na a fosi adres na ini Brooklyn, New york. Na so fasi den memre foe na fikapisi foe den jeje Israëlsma ben hari densrefi loesoe poeroe foe na katibo na Babylon na Bigiwan èn den ben drai kon baka na den joisti jeje toestand na ini den ai foe Jehovah di den ben anbegi. Soleki den ben taki na fesi na ini Jesaja 35:8-10, dan den ben waka na a drai baka di den ben drai baka go na jeje libi èn na activiteit na Jehovah dienst tapoe wan agersi bigi pasi: „Na pasi foe na santafasi den sa kari dati”. Moro fara e taki ini na profétitori: „Èn a de den sma di Jehovah ben bai fri di ben drai kon baka èn séker sa kon na Sion nanga prisiri babari, èn prisiri te ten di no abi marki sa de na tapoe den ede. Den sa kon na ini prisiri èn brétifasi psa marki èn sari nanga soktoe moe lowe gwe.”
14. (a) Sortoe congres ben hori na ini september 1919, èn sortoe boekoe di den ben abi na prakseri, den ben ferteri foe en? (b) Na sortoe fosi adres den uitgevers ben froisi go, èn sortoe ontwikkeling tapoe na kontren foe na druk foe boekoe ben bigin dan?
14 Foe 1 te nanga 8 september foe na srefi jari 1919 dati, baka na feti, dan wan congres ben hori na ini Cedar Point (Ohio) èn na a ten foe na congres dati dan wan njoen marki foe a wroko foe den baka na feti ben tjari kon na fesi, namkoe wan wroko di ben abi foe doe nanga na tjari kon na doro foe na afoe moen tijdschrift di e teri 32 bladzijde The Golden Age (Na gowtoe pisiten), di ben sa foeroe na tijdschrift Na Wachttoren. Tapoe 1 oktober 1919 na fosi uitgave foe na njoen tijdschrift dati (now Ontwaakt!) ben kon na doro èn a ben bigin foe dini na actueel marki foe no gi sabi wawan foe Gado foe na toemsi moi millenium di e kon na sma di e teki en boen ma foe poeroe a bere foe Babylon a Bigiwan kon na doro leki wan organisaatsi di ibri momenti kan wai poeroe a pasi. Bakaten, na ini na uitgave foe 15 december 1919 foe Na Watch Tower ben meki bekenti dati na adres foe den uitgevers ben de baka Columbia Heights, Brooklyn, New York. Foe taki foe na Golden Age, na ini na di foe 15 uitgave, di wi abi leki datum 14 april, 1920, dan ben meki bekenti dati na tijdschrift disi now ben e tjari kon na doro na ini Myrtle Avenue 35, na ini na fotowijk Brooklyn, New York, pe den fosi drukkerij foe na Genootschap ben de. Na a momenti disi na Genootschap nanga en bijkantoro na a heri grontapoe abi drukkerij.
15. Sortoe sani di den proféti foe Gado ben taki na fesi ben kon troe nanga ala na wroko dati foe bow sani kon boen baka, èn sortoe marki di Jezus taki a fesi a ben de wan pisi?
15 Ala na wroko disi foe bow sani kon njoen baka, biginbigin na wan pikinfasi, ben de na bigin foe baka na feti foe den „ten foe na kon boen baka foe ala sani, di Gado ben taki foe en nanga mofo foe en santa profét foe granwe” èn di ben e sori dati na ten foe na kon baka no de fne si nanga ai èn na de-noja foe a glori Jezus Kristus ben doro (Tori. 3:24). Na kon fri di den kon kon fri nanga na njoen tjari kon makandra foe Jehovah pipel komoto foe na agersi Babylon ben de wan pisi foe „na marki foe na bosroiti foe na seti foe sani” di ben taki a fesi ini Jezus profétitori di skrifl na ini Mattéus 24 nanga 25, Markus 13 nanga Lukas kapiter 21.
16. Soema ben waka go nanga den Israëlsma, di ben drai go na a kondre Juda baka na ini 537 bifo G.T., wan sani di ben abi foe doe nanga na disiten situwasi?
16 Ala den sani disi ben gi na entourage foe wan tra, toemsi prenspari sani di ben sa psa. San dan? We, wi moe hori na prakseri dati di den Israëlsma ben gwe libi Babylon na ini 537 bifo G.T. foe di wan bosroiti foe na winiman foe Babylon, Cyrus a Bigiwan ben gi, dan wan bigi nomroe foe no-Israëlsma ben go makandra nanga den na a kondre Juda. Na mindri den disi joe ben abi den Nethinim, den man nanga oema srafoe èn tra kondre singiman. — Ezra 2:43, 58, 64, 65, 70; 5:1; 6:21, 22; 1 Kronieken 9:1, 2.
17. Den kompe di no ben de Israëlsma e agersi soema na ini aten disi, èn nanga soema den e kroederi sosrefi toe?
17 Den sortoe no-Israël kompe disi e agersi na ini a ten disi den sma di jere na boskopoe foe Gado kownoekondre na ini anoe foe a moro bigi Cyrus, Jezus Kristus, èn di sensi na fika-pisi foe den jeje Israëlsma na ini den jari 1919 baka na feti ben komoto foe na disiten Babylon na Bigiwan nanga en grontapoe patna, den sroiti densrefi na den dienstknegti disi foe Gado. Den e kroederi ook toe nanga den no-Israëlsma — „wan bigi moksi groepoe” — di ben e waka makandra nanga Israëlsma di den ben gwe libi Egypte na ini 1513 bifo G.T, na ondro na tiri foe Mozes. — Exodus 12:37, 38; teki gersi Openbaring 7:9-17.
18. O ten den sma disi di joe ben kan teki gersi nanga skapoe ben kisi bodoi dati den ben abi na grani foe „wé densrefi”, èn baka sortoe tra marki foe kon sabi na klasse disi meki hondrohondro foe den ben symboliseer na „wé di den ben wé densrefi”?
18 Den e kroederi ook toe nanga den tra skapoe foe soema na toemsi boen Herder Jezus Kristus ben taki dati a ben moe tjari den kon ete sodati te foe kaba a ben sa bondroe den kon na wan na ini „wan ipi” nanga den jeje skapoe di de na ini „disi koi”, na „koi” pe den erfgenaam foe Gado hemel kownoekondre de na ini (Johannes 10:16). Na ini na Ingrisi uitgave foe 6 juni 1934 foe na gowtoe pisi ten, bladzijde 574, ondro na ede „Den Jonadab klasse”, dan den agersi „tra skapoe” dati ben kisi foe jere dai den e abi na grani foe „gi densrefi abra” nanga jepi foe Kristus na Jehovah Gado èn foe sori disi na publiki nanga jepi foe dopoe na ini watra. Tapoe 31 mei 1935 na president foe na Genootschap ben hori wan taki tapoe na congres na ini Washington èn a ben tjari den „tra skapoe kon de wan nanga den” di Openbaring 7:9-17 ben e taki a fesi foe den. Na a tamara foe a congres dati 840 sma ben dopoe na ini watra, foe soema na moro bigi ipi ben abi na howpoe foe libi na ondro Gado kownoekondre na grontapoe.
19. (a) San Jezus ben taki na ini Johannes 11:26 foe na mogelekheid foe no dede noiti moro? (b) Nanga sortoe libifasi di te foe kaba o tjari den naatsi kon ini wan toeka na ini Armageddon, ben meki den ben bondroe kon na wan?
19 Disi de na joisti momenti foe loekoe den wortoe foe Jezus Kristus ini Johannes 11:25, 26: „A sma di e sori bribi na ini mi, sa kon na libi, awasi a dede; èn ibriwan sma di e libi èn e sori bribi na ini mi, séker noiti sa dede.” Leki fa ala bewijsi e sori sensi na jari 1914 di oorlokoe ben seki, dan wi e libi na ini na „ten foe na kaba”, ija, na ini „na bosroiti foe na seti foe sani” (Dan. 12:1-4; Matt. 24:13). Ala di Jehovah Kotoigi ben préki na „boen njoensoe disi foe na kownoekondre” sensi 1919 na a heri grontapoe tokoe den naatsti, srefi di foe a kristenheid, ben wégri foe saka densrefi na ondro na Messiaans Kownoekondre, di sensi 1914 ben opo na ini hemel. Den naatsi ben bondroe kon na wan na ini na gens tegen Gado reti kownoekondre èn den prékiman foe den èn na so fasi den e tjari kon makandra go na „a feti foe na bigi dé foe Gado na Almaktiwan na Harmagedon.” Dati sa waka gi den naatsi disi di no e bribi tapoe wan pori foe den krinkrin. Disi sa wani taki na kaba foe na seti foe sani. — Openb. 16:14-16; Matt. 24:14.
20. (a) Sortoe span ondrofeni tori den sma di joe kan teki gersi nanga skapoe sa kisi dan na grontapoe? (b) Na ini sortoe boekoe den wani sote dati den nen skrifi na ini, èn sortoe djaranti disi sa de gi den?
20 Dan soso den sma di joe kan gersi nanga skapoe di abi bribi, den sma di de foe na „wan ipi” foe na toemsi boen herder, sa lon komoto foe dede. Na mindri den disi joe abi ooktoe a „bigi ipi” „tra skapoe”. Na profétis visioen foe Openbaring 7:9-17 e meki wi si den leki sma di e komoto libilibi foe na „bigi benawtoe” èn e go na ini na doesoen jari seti foe sani na grontapoe (Matt. 24:21, 22). Foe san-ede a dede oiti sa teki den poeroe foe na grontapoe libi? Na ondro na tirimakti toe Kristus den sa kisi na okasi foe kisi tégo libi na ini na paradijs di sa tjari kon baka na grontapoe (Openb. 20:1-6). Omeni foe den so wan 2.000.000 sma di de dopoe Kotoigi foe Jehovah di gi densrefi abra sa psa libilibi na bigi benawtoe di de so krosbé èn di sa kon na heri grontapoe, sa de wan sani di moesoe kon na krin ete, ma a sa de wan bigi ipi di no wan sma kan teri foe den foeroe naatsi èn tongo na a grontapoe. Gi den bribi sma, disi a sa de wan moro span sani foe go na ini na seti foe sani baka Armageddon leki a ben de gi Noach nanga en osofamiri foe den komoto libi na ark baka na froedoe di ben kon na tapoe na heri grontapoe èn foe go tapoe wan grontapoe di ben krin. Na ini na geval foe den disiten bribisma dan den wortoe foe Jezus Kristus na ini wan toemsi letterlek betekenis sa kon troe: „Èn ibriwan sma di e libi èn e sori bribi ini mi, séker noiti sa dede” (Joh. 11:26). Den sma dati di sa psa Armageddon libilibi den sa wani sote dati den nen skrifi na ini na „boekoe foe libi” di a Gado di e gi libi e skrifi (Openb. 20:7-15). Na fasi disi foe skrifi foe a nen foe den sa gi na djaranti dati den sa mag kisi libi foe tégo na tapoe na paradijs grontapoe.
21. Sortoe sani den sma disi di psa libilibi Armageddon no abi foe ondrofeni na ini a ten foe na millenium èn na fesi foe soema den sa kotoigi foe na troe tori dati den ben de kotoigi foe Jehovah di na ini disi ten ben kibri den getrowfasi?
21 Degedege no de dati now, so lati na ini na „ten foe na kaba” sensi na kaba foe den ten foe den heiden na ini 1914, dati foeroe reti ati man nanga oema libi di noiti sa dede komoto foe na fesi foe grontapoe, na foetoebangi foe Gado, leki wan bakapisi foe dede. Fa disi de wan aparti okasi di de na den fesi! Foe di den no sa dede noiti èn no abi foe den beri den meki dati den no sa abi fanowdoe foe kisi wan opobaka foe dede na ini na ten foe na doesoen jari tiri foe Jezus Kristus. Te joe loekoe a tori boen dan a de so dati den sa tan libi foe bar wan switi kon gi den sma di e sribi na ini na stof foe grontapoe èn foe soema na kownoe Jezus Kristus ben gi en libi abra leki wan ferloesoe ofrandi. Den sma di psa Armageddon libilibi sa abi na grani foe gi kotoigi na fesi den miljardmiljard sma di sa wiki komoto foe dede foe ala san Jehovah Gado ben doe na ini „na bosroiti foe na seti foe sani disi” nanga jepi foe Jezus Kristus. Meki den sma disi di abi na boen-ati foe Gado foe dat’ede sori dati den de reti kotoigi foe Gado na ini na heri moeiliki ten disi di no abi en speri, sodati na universele soevereiniteit foe Gado kon reti.
[Prenki na tapoe bladzijde 9]
Salfoe kotoigi foe Jehovah nanga den medewroko-man di gersi skapoe e wroko makandra nanga den heri ati foe prati a Kownoekondre-boskopoe