Si den blesi foe Kownoekondre-wanfasi!
„Ala sma di e si den, sa sabi dati den de den bakapikin di Jehovah ben blesi.” — JESAJA 61:9.
1. (a) Sortoe sani di Jehovah seti now e sori en lobi foe gi sani na foeroe sma di no sabi en ete? (b) Fa den e kon sabi en égi blesi pipel?
SENSI 1914 wan hemel Kownoe ben poti na tapoe na troon èn kisi na makti foe tiri. Èn wan seti ben meki foe wan grontapoe organisaatsi ondro „granman” di e tiri soso foe geregtigheid (Jes. 32:1, 2). Ini ala disi Jehovah ben sori taki a lobi foe gi sani: na den di e angri èn dré watra na regtvaardikifasi. Èn den di abi angri nanga dréwatra e lon kon na a pipel di Jehovah blesi na a fasi disi. Ma fa den e sabi taki na den? Den e teki wan prenspari positsi na ini maatschappelek, politiek ofoe na moni sé? Nono, den no de foe sabi na no wan foe den sani disi. A de foe di den e spigri a Gado foe den di lobi foe gi sma sani foe di den e prati nanga den friwani den blesi di den kisi kaba nanga trawan.
2. Sortoe égifasi den dienstknegti foe Jehovah na grontapoe e sori now ini akroederi nanga Jesaja 32:8, èn baka sortoe rai foe den Fesiman na ini a tori disi den ben waka?
2 Na Gado di ben lobi foe gi sma sani na a tra sé ben leri en dienstknegti sosrefi toe foe lobi gi sma sani. Ini Jesaja 32:8 e taki foe wan sma di lobi gi sma sani: „Foe na sé foe den wan di lobi gi sani, a ben gi rai na ini a tori foe sani foe gi sma èn a sa opo tanapoe foe na boen foe sani foe gi sma.” Net soleki Jezus Kristus ben poti en égi wani na wan sé èn ben libi foeroe sani na wan sé soso foe doe na komando di Gado ben gi en foe prati na glori boen njoensoe foe na Kownoekondre nanga tra sma, na so den bakaman foe en, e go na doro foe doe a srefi. Den e poti prakseri tapoe na rai foe Jezus: „Gi sani, èn den sa gi joe sani. Wan marki di foeroe èn stampoe èn di seki èn di e psa na marki den sa kanti go na ini joe bere. Bika nanga a marki san joe e marki den sa marki joe toe” (Lukas 6:38). Jehovah èn Kristus Jezus de den sma di kan foe pai den dienstknegti foe den foe a lobi di den lobi gi sma sani, foe di den e gi den vréde foe den ferstan, èn satisfaksi èn prisiri foe den froktoe foe a doe di den doe loyaal den afersi foe a kownoekondre.
3. Fa a fasi foe Jehovah dienstknegti de tra fasi leki di foe na kristenheid nanga den bakaman foe en?
3 Na lobi foe gi sani, nanga a faja fasi foe panja a boen njoensoe moro bigi de krin foe si te joe teki en gersi nanga trawan. Gado proféti e taki foe rampoe tapoe oema di ben abi ’makriki-fasi’ sondro sorgoe ini a ontrow Jeruzalem (Jesaja 32:9-14). Kande den fasi e meki oen denki na sonwan di taki dati den de dienstknegti foe Gado èn Kristus ma di no lobi foe wroko ofoe abi faja gi na wroko foe Jehovah. Ja, so leki a sori dan wi sa denki na den sma ini a kristenheid nanga den sma di no e ke troetroe nanga den ipi die abi angri nanga dré watra na regtvaardikifasi. Dati den e meki grontapoe afersi teki den ten krinkrin èn no e prakseri foe ori den bezig nanga a wroko di Jehovah komanderi foe na ten disi foe na historia, no kan komoto tra fasi gi den leki ini wan rampoe, neleki fa wan koti di no ben waka boen wani taki wan rampoe.
4. Sortoe ten e wakti alasma di e handri oneerlek nanga a Wortoe foe Gado?
4 Soso sari nanga pori e wakti na kristenheid nanga den bakaman foe en na ini a ten di e kon. Foe di a no e sori lobi foe gi sma sani nanga e tan a baka foe meki froktoe ini a wroko foe Jehovah, dan disi sa tjari jeje angri kon èn nanga dati a poeroe foe sma na ini a kondre. A ben misi srefsrefi foe prani èn nati nanga jepi foe wan opregti gebroiki foe a Wortoe foe Gado, èn foe dat’ede meki Jehovah no de ferplekti foe tan gi den na ’gro foe sani’. — Teki gersi 1 Korinte 3:6-9.
Boen njoensoe gi den loyaalwan
5. San ben taki na fesi ini Jesaja 32:15, nanga sortoe moi gro ben kon te nanga na jari disi 1984?
5 A de wan dek’ati sani gi den sma di e waktl nanga pasensi tapoe Jehovah èn di e sorgoe loyaal gi den Kownoekondre afersi di den kisi, dati boen njoensoe de. A de ini den wortoe na ini Jesaja 32:15: „Te leki na geest kanti na tapoe wi foe tapsé, èn a sabana sa de wan froktoe djari èn a froktoe djari srefi wan troetroe boesi.” Gado santa jeje ben kanti na tapoe en disiten kotoigi soleki ooktoe na tapoe den ’apostel’ nanga discipel di ben wakti na Pinksteren na 33 G.T. (Tori foe den apostel 2:1-4, 14-18; Joël 2:28, 29). Neleki a ten dati, a so ooktoe now na bakapisi de dati Jehovah loyaal dienstknegti na grontapoe ben bigin wroko foe meki moro discipel ete. Spesroetoe ini 1919 nanga 1922 Jehovah jeje ben kanti na tapoe en pipel, èn spesroetoe sensi 1922 wan bigi poesoe ben gi na a Kownoekondreprékiwroko. A wroko disi ben go doro èn kon moro bigi na ini a jari 1984, aladi den moeilek toestand de di de foe si na ala sé foe grontapoe. A nomroe foe prékiman di ben de klari foe préki na boen njoensoe ben gro srefsrefi foe wan pikin nomroe foe 7000 ofoe 8000 na ini 1922 go te na wan hémarki foe 2.652.323 ini a ten disi.
6. Sortoe tra moi bakapisi na kanti foe santa jeje ben abi tapoe Jehovah organisaatsi na grontapoe?
6 Na ’kanti foe na jeje’ séker ben tjari froktoe kon. Wi no e teki prati moro langa na ini na toestand foe Satan grontapoe di gersi wan sabana, èn soboen ooktoe wi no e ondrofeni moro langa a jeje angri di de drape foe a jere foe a Wortoe foe Jehovah (Ezechiël 36:29, 30). Sensi Pinksteren ini a jari 33 G.T. Jehovah ben prani „bigi bon” — krakti, stanfaste kristensma — na ini a jeje kondre foe en pipel. Boen bigi „bon”, „bon” di e meki froktoe, „na sani di Jehovah prani”, ben gro èn kon bigi tron wan troetroe boesi now di a organisaatsi foe Jehovah anbegiman di de foe si e gi na ala sma di wani dati sote na switi sombra (ofoe kowroe) èn jeje njanjan di komoto foe Jehovah anoe. — Jesaja 61:3.
7. San ben meki wan bigi ipi reti-ati sma ben lon go na Jehovah organisaatsi di de foe si?
7 Den opregtiwan di e lon go now na Jehovah organisaatsi di joe kan si, den wondroe foe na jeje paradijs e hari den kon. Na no wan presi na grontapoe den ben feni regtvaardikifasi nanga geregtigheid. Den bere kon foeroe now foe den ontrow domri, den gridi politiekman, den bigi man foe na bisnis grontapoe di e prakseri densrefi nomo. Now den ai kon opo gi wan maatschappij foe man nanga oema di e frede Gado, a mindri foe soema den no e taki boen foe law-wan èn sma di no e libi akroederi gronprakseri èn di den no e sori. . . . leki den de boen, pe pir’ai e gi na ogri èn onkristelek libifasi èn pe den e opo tanapoe wantronwantron tégen den sma di e doe doti sani èn ogridoe.
8. Fa Jesaja 32:16 e kontroe na ini a pipel foe Jehovah ini a ten disi?
8 A proféti e go moro fara nanga na boskopoe di Gado gi en èn a e taki: „Èn ini a sabana geregtigheid séker sa libi, èn ini a froktoe djari soso regtvaardikifasi sa libi” (Jesaja 32:16). Na ini na theocratis organisaatsi foe Jehovah di joe kan si, geregtigheid nanga regtvaardikifasi séker sa libi. A no de foe taki dati ala dienstknegti foe Gado e èrkèn, dati ala sani san den abi èn njanboen foe den, so toe na boen positsi na Jehovah, den sa kisi leki wan no ferdini boenfasi. Den regtvaardikifasi e kon foe Gado.
9. Sortoe kontrari de na mindri den wroko foe Jehovah getrow kotoigi nanga den wroko èn fasi foe den kerkiman foe na kristenheid?
9 Disi de wan aparti difrenti te joe gersi en nanga na srefi regtvaardikifasi èn na falsi santa fasi foe den héman foe na kristenheid. A de wan regtvaardikifasi di de foe si na ini den wroko-wroko di de foe prijse Jehovah èn leki blesi gi en mekisani di e jesi en èn di komoto foe ala ras nanga tongogroepoe. No moro mendri prenspari de na barwroko foe na Kownoe di e tiri now ini akroederi nanga Gado wani. No wan enkri tra organisaatsi foe libisma e ori den bezig nanga a meki bekènti foe na prisiri troe tori disi. Èn ibri reti-ati arkiman foe na boskopoe foe en sé e angri foe gi den njoensoe foe den blesi foe Kownoekondrewanfasi doro na en birti.
Blesi nanga vréde
10. San Jesaja e taki moro fara ini en profétitori ini kapitel 32, vers 17?
10 A wroko disi di e panja ensrefi na heri grontapoe, na santa dienst disi, e go doro na ini wan organisatoris fasi foe vréde, rostoe nanga sékerfasi, so leki Jesaja kapitel 32, vers 17 foe en profétitori ben taki: „Èn a wroko foe na troe regtvaardikifasi, moe tron vréde, èn a dienst foe na troe regtvaardikifasi, korostoefasi, èn sékerfasi te ten di no abi marki.” Sma di e frede Gado ben soekoe a troe regtvaardikifasi disi èn den e feni dati now na ini a organisaatsi foe Jehovah Kotoigi. Djaso vréde de, bika ibriwan sma abi „foeroe foe doe . . . na ini a wroko foe Masra.” — 1 Korinte 15:58.
11. (a) Gi soema presi no de ini Jehovah organisaatsi? (b) Fa den e teki poeroe mindri a kownoekondre èn nanga sortoe bakapisi gi Jehovah loyaal dienstknegti?
11 Mindri a pipel foe Gado presi no de gi lesiman èn sma di no wani wroko na ini Jehovah dienst. Now a pramisi e kon troe di de na ini na agersitori foe Jezus na ini Mattéus 13:24-30, 39, 41. Den engelkotiman ’e tjari troetroe kon makandre foe mindri en kownoekondre organisaatsi ala sani di e meki sma stotoe foetoe fadon èn sma di e doe kroektoedoe’. Den engel kan si soema de den troe dienstknegti foe Jehovah èn soema de den falsi wan. Den e meki omstandigheden kon pe den wrokoman foe onregtvaardikifasi e kon na krin, èn baka dati den no e kisi na okasi foe de makandra nanga troe kristen. Èn san sa de na bakapisi? Wan gosontoe organisaatsi di e wroko so wan fasi dati Jehovah e kisi grani èn dati den afersi foe en Kownoekondre ondro Jezus Kristus e gro.
12. (a) Leki fa Jes. 32:18 e taki, sortoe tranga sékerfasi Gado e gi en pipel? (b) Sortoe sani di moesoe psa ete ini a ten di e kon e trowe en skaduw na fesi, èn fa disi e wroko na tapoe den loyaalwan foe Jehovah?
12 Jesaja e ferklari moro fara (32:18): „Èn mi pipel moe libi ini tanpresi foe vréde èn ini foto foe fertrow dorodoro èn na ini rostoe presi sondro djoegoedjoegoe”. A de séker dati Jehovah ben gi en getrow dienstknegti na grontapoe wan presi èn wan wroko pe no wan sma sa mag drifi den poeroe. Den sa tan drape te leki Jehovah meki en prakseri na a sé disi foe armageddon kontroe gi den dorodoro (Openb. 16:14, 16). Foe so fara a de na den, Babylon na Bigiwan, na grontapoe makti foe falsi anbegi, fadon kaba. Na krakti èn na makti foe en e broko saka es’esi. Now kaba den elementi foe na wilder meti di Openbaring skrifi foe den, meki den ai fadon tapoe en èn den e sreka foe ’njan en meti èn bron en krinkrin nanga faja’ (Openbaring 17:16). Ma a no e frede den Kownoekondrekotoigi srefsrefi dati so ogri sani e bigin sori den srefi foe kon. Den no e teki prati na a frede èn a skreki-ati foe grontapoe sma. Foe di Jehoveh blesi oen foe abi sabi na fesi foe den sani san sa psa, meki wi kan loekoe a ten di o kon nanga fertrow ini a kaba foe en. „Vréde psa marki de foe den di lobi [Jehovah] wet, èn gi den wan ston foe naki-foetoe no de.” — Psalm 119:165.
13. Sortoe prenspari verbetering Jehovah tjari kon ini en organisaatsi di de foe si èn fa disi e wroko tapoe a fasi èn wroko foe en pipel?
13 Ini Jesaja 60:17 na proféti ben taki na fesi taki prenspari verbetering ben sa kon ini na theocratis orde nanga wrokofasi mindri den grontapoe dienstknegti foe Jehovah. A ben agersi disi nanga na kopro, na solfroe nanga na gowtoe di ben o teki na presi foe materiaal di kan bron èn di no de foe hé kwaliteit. Wi e lési moro fara: „Èn mi wani poti vréde leki oenoe opziener èn regtvaardikifasi leki na sma di e gi oen wroko.” Alasma di de foe na organisaatsi disi foe Kownoekondreprékiman, e feni en switi foe doe dienst ini vréde nanga makandra, bikasi ala den wroko, a no abi trobi na sortoe tak foe dienst den e doe, abi foe doe nanga a meki bekènti foe a Kownoekondre na tapoe a heri grontapoe. Alamala e si a wroko tapoe a srefi fasi èn ala e broko den ede foe a kon klari. Fa disi de wan difrenti krinkrin nanga na gridi stré di noiti no e kaba na mindri wrokoman nanga basi di e tjari someni problema kon na ini na grontapoe lontoe wi! Ibri wan sma na ini Jehovah organisaatsi sortoe positsi a abi, Jehovah e leri en troetroe èn a de soboen ini a positsi foe doe en wroko na ini vrède èn na ini boen orde. — Jesaja 54:13.
14. Sortoe heri difrenti ten di e kon e wakti (a) a faja pipel foe Jehovah? (b) na kristenheid nanga ala en politiek fréri?
14 A blesi pipel disi di abi faja sa ’tan go doro’, srefi te na kaba foe a seti foe Satan kon onfroewakti wantronwantron. Nanga na kroetoe di Jehovah sa tjari kon èn di sa kon leki wen hebi agra-alen na tapoe na kristenheid nanga na heri grontapoe, na féanti sa wai poeroe krinkrin. Ma na pipel foe Jehovab sa feni kibri te na bigi „boesi” foe na feti legre foe Satan ’sa fadon na gron’, soleki ben taki na fesi ini Jesaja 32:19: „Séker wan agra-alen sa fadon te na boesi e naki trowe na gron èn na foto sa kon lagi na ini wan lagi toestand.” Na ini na ten disi foe na proces pe na heri grontapoe sa seki dan Jehovah pipel sa abi na djaranti dati „na engel foe Jehovah sa legre ensrefi lontoe den sma di e frede en èn e ferloesoe den.” — Psalm 37:7.
Wan bigi wroko di moe kon klari
15. Sortoe wroko a pipel foe Jevah moe doe ete?
15 Na ini a heri ten disi wan bigi wroko moe kon klari, now di Jehovah e gi bigi nomroe foe sma a okasi ete foe meki den ai èn den jesi kon opo gi na prensparifasi foe na boskopoe foe ferloesoe. O kolokoe tog den sma de di e gi sondro wan kondisi densrefi na so wan sortoe dienst foe na Kownoekondre èn e abi foeroe foe doe nanga na sai foe Kownoekondrewaarheid na mindri sma foe ala naatsi! Na kolokoe disi e akroederi nanga san taki ini a laatste vers foe Jesaja 32, pe tanapoe: „Kolokoe oen de di e sai na alawatra, di e seni na foetoe foe na mankaw èn foe na boeriki go.” Disi ben de meti di ben e tjari lai di a pipel foe Gado foe owroeten ben gebroiki foe ploegoe na gron sodati siri ben kan sai. Leki wan sani foe teki gersi ini disi ten, a so Jehovah gi en disiten kotoigi a uitrusting di de fanowdoe foe a sai foe Kownoekondrewaarheid kan psa esesi èn boen, na ini a fertrow dorodoro dati Jehovah sa gi en blesi, sodati wan koti pasa marki sa de leki bakapisi.
16. Sortoe bewijsi wi abi taki Jehovah e blesi en Kownoekondrekotoigi tapoe na heri grontapoe moro bigi?
16 Te wi e loekoe soboen na a veld, na grontapoe, lontoe, dan wi no e si krin fa Jehovah en blesi de na tapoe wi moeiti foe préki na Kownoekondreboskopoe faja èn dorodoro? Moro bigi èn moro boen bijkantoro e gi libipresi na a nomroe foe wrokoman bedinari di de klari foe wroko èn di de moro fanowdoe foe doe ala na Bethel-wroko na ini ala den kondre dati. Na ini na wan kondre go miti na trawan wan modern drukkerij, uitrusting e poti, sodati na meki foe boekoe, bijbel nanga tijdschrift e kon moro bigi. Moro dienstknegti foe Gado di gi densrefi abra èn dopoe e gi den nen foe dini nanga friwani leki pionier èn jepi pionier èn letterlek ibridé ten e gi na a prani foe a Kownoekondrewaarheid ini a ati foe foeroe sma. Foeroe Kownoekondreprékiman ini pikinmoro ala gemeente e proeberi foe meki na diniwroko foe den kon moro bigi èn den e doe disi foe dipi warderi di den abi gi den blesi di Jehovah ben kanti kaba pasa marki tapoe den.
17. San de aparti ini a tori foe Jehovah Kotoigi nanga den wroko foe den na ini na ten disi?
17 Soso Jehovah Kotoigi e teki prati ini a wroko disi foe Gado Kownoekondretiri. Soso den wawan e prisiri ini a froktoe di a e meki èn di de ooktoe now kefarlek bigi. Tapoe disi e kon ete dati na siri di Jehovah e gi na en deklari-wrokoman na ini na veld ben manari soboen èn poti aparti! Den bijbelstudi-jepisani foe wi e meki na so wan fasi, dati ai seki na ati foe foeroe sma di moe koti ete èn tjari kon na ini na organisaatsi foe Jehovah foe vréde, na kristeleke gemeente, di Mattéus 13:30 e agersi nanga wan „maksin” foe en Manpikin.
18. Foe san-ede oen moesoe abi na faste bosroiti foe go doro nanga oen Kownoekondredienst nanga satisfaksi èn prisiri?
18 Wi e libi séker na ini a dé foe Jehovah, na dé dati foeroe foe en „diri èn bigi pramisi” na en pipel di e dini en sa kontroe (2 Petrus 1:4). Vréde nanga wanfasi e gro a mindri wi. Wi kisi wan krin ferstan foe den prakseri foe Jehovah. Wi abi vréde foe wi ferstan na mindri foe wan grontapoe foe sma di frede nanga broko ede lan den. Wan ten de na oen fesi e kon di foeroe nanga moro bigi blesi ete. Wi no de kefarlek kolokoe foe kan kisi ala den blesi disi foe Kownoekondre-wanfasi? Èn oen no abi na faste bosroiti foe tan oridoro nanga oen Kownoekondrewroko, leki prijse foe Jehovah foe tégo?
San na joe piki?
◻ Sortoe kontrari de ini a fasi foe Jehovah dienstknegti èn den sma ini na kristenheid?
◻ Sortoe bakapisi a kanti foe Jevovah jeje ben abi?
◻ Ini sortoe blesi di kari ini Jesaja 32:17, 18 Jehovah pipel e prisiri noja?
◻ Sortoe bewijsi wi abi taki Jehovah e blesi en Kownoekondrekotoigi?
[Prenki na tapoe bladzijde 7]
Na fanowdoe foe ’meki a Kownoe nanga en Kownoekondre bekenti’ den ben poti krakti a tapoe na tapoe na 1922 congres foe Jehovah pipel na Cedar Point (Ohio, VS)
[Prenki na tapoe bladzijde 9]
Jehovah ben blesi en pipel na a heri grontapoe nanga vréde èn wánfasi