Tan „sondro flaka foe na grontapoe”
„Na fasi foe anbegi di foe na sé foe wi Gado nanga Tata de krin èn sondro flaka, de disi: foe sorgoe gi wési èn weduwe na ini na benawtoe foe den èn foe kibri joesrefi sondro flaka foe na grontapoe.” — JAKOBUS 1:27.
1, 2. San de wan toe marki di na krin anbegi moe doro?
JEHOVAH ben aksi krin anbegi (Joh. 4:23, 24). Fasi foe dini Gado di de sondro flaka e gi sma trange foe sori actief, foeroe-nanga-lobi broko-ede gi den mofinawan. (Gal. 2:10). A e meki wi ferstan ooktoe boen na fanowdoe foe kibri oensrefi sondro flaka foe na grontapoe, dati wani taki, foe na onregtvaardiki libismamaatschappij di kon de vreemd foe Gado èn „de na ini na makti foe na godlowsoewan”, Satan Didibri. — 1 Joh. 5:19.
2 „Na fasi foe anbegi di foe na sé foe wi Gado èn Tata de krin èn sondro flaka, de disi”, na discipel Jakobus ben skrifi, „foe sorgoe gi wési nanga weduwe na ini na benawtoe foe den èn foe kibri ensrefi sondro flaka foe na grontapoe.” Wan tra vertaling e taki: „Soifri fasi foe anbegi di no pori de ini den ai foe Gado wi Tata disi: foe kon jepi wesi nanga weduwe te den abi en fanowdoe, èn foe sorgoe dati grontapoe no flaka wan sma.” — Jak. 1:27, The Jeruzalem Bible.
3. Sortoe aksi wi e go loekoe now?
3 Ma fa wi leki Jehovah dienstknegti kan sorgoe dati „a grontapoe no flaka wi”? San na a fasi fa na bijbel e si den sani ini na grontapoe lontoe wi, soleki den maatschappelijk afersi foe en, seti foe kisi wan moro hé leri, a bisnis libi èn den aktiviteit tapoe a kontren foe ontspanning?
’Foe sorgoe dati na grontapoe no flaka wi’
4. San Johannes 17:14 èn Jesaja 2:4 e sori ini a tori di wi de nanga a grontapoe disi?
4 Foe di wi leki kotoigi foe Jehovah „no de wan pisi foe a grontapoe”, meki wi moe de trafasi leki na onregtvaardiki libismamaatschappij (Joh. 17:14). Disi wani taki foe eksempre dati wi moe tan neutraal na ini den politiek afersi foe na grontapoe. Ooktoe wi moe tan farawe foe de na ini ala na doe ogri nanga tranga foe na grontapoe èn feti na baka vréde leki sma di e naki den ’fet’owroe foe den tron ploegoe’. — Jes. 2:2-4.
5. San wi moe doe foe a grontapoe disi no flaka wi, soleki e kon na krin na ini (a) 1 Kor. 6:9-11 èn (b) Efese 5:3-5?
5 Leki sma di no wani dati a grontapoe disi flaka den, wi moe tan farawe foe den wortoe, na libifasi èn na jejefasi di de so gewoon na mindri grontapoesma, ma di no e akroederi nanga na Wortoe foe Gado. Presi no de foe eksempre foe ogri-ati, big’ai fasi, sjen libifasi èn dot’taki na ini a libi foe wi (1 Kor. 6:9-11; Ef. 5:3-5). A no moe meki wan sma ferwondroe dati den doe foe wi nanga wi jejefasi de tra fasi leki di foe grontapoe sma, bikasi den no abi na kristen howpoe foe wi.
A ten de sjatoe gi na grontapoe disi
6. Fa Jehovah Kotoigi te den loekoe 1 Korinte 7:29-31 moe si na trowlibi, goedoe efoe tra grontapoe afersi?
6 Na apostel Paulus ben skrifi: „Wi abi ete wan sjatoe ten. Meki na ini a ten di libi ete den man di trow libi leki den no abi oema; den sma di e kré, leki den no ben e kré; den di ben e prisiri, leki den no e prisiri; den di e bai wan sani, leki den no ben abi noti; den di e lolo nanga grontapoe goedoe, leki den no e lolo nanga den. Bikasi na grontapoe na ini en disiten vorm de e pasa gwe” (1 Kor. 7:29-31, Bigi Njoensoe Bijbel). Nanga disi den sori dati aladi kristen trowman moe doe den trow prekti, den no moe libi soso gi na trowlibi. Na a dede foe den den kristen di ben wiki nanga jeje sa libi ala grontapoe banti, prisiri, sari nanga goedoe na baka foe alaten. Èn srefi now a kan psa dati kristen sma, efoe den abi now wan hemel ofoe wan grontapoe howpoe, kan lasi den oema ofoe goedoe na skinfasi. Boiti foe dati, na a ten foe na „bigi benawtoe” libi sa kibri èn no goedoe na skinfasi (Matt. 24:21; Prék. 9:11). Nowan enkri kotoigi na ini a ten disi soboen moe meki na trowlibi, goedoe ofoe tra grontapoe afersi kon tapoe na fosi presi ini en libi. Na presi foe dati, ala kristen moe gi na moro prenspari presi na wan boen matifasi nanga Jehovah Gado. Disi de spesroetoe so foe di wi e libi na ini „den laatste dé èn ’na grontapoe na ini en disi ten vorm e pase gowe’. — 2 Tim. 3:1.
7. Foe sortoe gro leki fa wan econoom ben taki na gro na ini a leri na skoro, a wroko foe moni, èn so moro fara ben go nanga en makandra?
7 Foeroe sma e broko den ede foe a ten di e kon gi ’a grontapoe ini en disiten vorm’. A koranti skrifiman Nancy Brown ben teki foe eksempre skrifi den wortoe foe na econoom Ezra Misham, di ben taki foe na gro na ini a gi leri na skoro èn foe a moni di sma e kisi: „[Den dati] no ben tjari wan kenki na maatschappelijk sé kon. Na sé na gro tapoe wetenschappelijk kontren, na go na fesi tapoe na kontren foe gi leri na skoro, èn na kisi foe moro welvaart, na maatschappij ben de kotoigi ooktoe foe wan gro doe ogri nange tranga, criminaliteit, pikin ogridoe, a pori foe tra sma goedoe, kiri nanga kiri joesrefi, grofoefasi nanga doti libi.” A fosi zin foe na koranti-artikel ben wani taki foeroe! „Soso wan doe foe a sé foe Gado kan kibri na grontapoe foe pori ensrefi.” — Times-Colonist, Victoria, Brits Columbia (Canada), 25 maart 1982.
8. Foe san-ede wi no moe proeberi foe kisi ala san wi kan foe na grontapoe disi?
8 A no de foe taki dati Jehovah no ben meki na grontapoe foe wan onregtvaardiki libismamaatschappij libi a tapoe, ma dan regtvaardiki, volmaakti libisma ben libi na tapoe (Jes. 45:18; Ps. 37:29, 38). Soboen Gado no sa gi pasi dati na libisma-famiri pori ensrefi. Ma degedege no de na ini, dati na owroe grontapoe disi heri esi sa komoto na pasi krinkrin. Foe dat’ede meki dienstknegti foe Jehovah di gi densrefi abra no kan meki „dorodoro” gebroiki foe na grontapoe. Ofoe, soleki wan vertaling e poti en: „Awinsi joe e meki gebroiki foe na grontapoe, no proeberi foe teki ala sani di joe kan kisi komoto foe en, foe di a grontapoe disi na ini a disiten vorm foe en de e pasa gwe.” — 1 Kor. 7:31., The New Testament in the Language of Today, door William F. Beck.
Wi kan meki gebroiki na ini wan séker marki foe na grontapoe disi?
9. (a) Na ini sortoe marki Jehovah pipel nanga leti kan meki gebroiki foe na grontapoe disi? (b) Fa wi moe de nanga goedoe na skinfasi te wi loekoe Mattéus 6:31-33 èn 1 Timotéus 6:7, 8?
9 A de wan joisti sani gi wi leki kotoigi foe Jehovah foe teki wan sani poeroe foe a grontapoe disi? Ija, bika Paulus e sori dati wi kan meki gebroiki foe na grontapoe, aladi a no moesoe de dorodoro. Oen kan doe wi ferplekti di a bijbel e gi oenoe èn wi frantwortoe foe préki na kownoekondre boskopoe, wi kan foe dat’ede meki gebroiki foe seti foe a wet di a grontapoe e gi (1 Tim. 5:8; 6:17-19). Ma foe di wi wani kibri wisrefi „sondro flaka foe a grontapoe”, a no ben sa de joisti efoe wi ben go frekti na ini en trobi, protest waka, kowroe nanga faja oorlog foe en ofoe sortoe tra sani moro. Srefi wi no moesoe wani foe si a kibrifasi na wan partij na tapsé foe a trawan. Ooktoe wi no moesoe broko wi ede toemsi foe sani foe tan a libi èn na boenede foe wi na skinfasi, bika Jezus bentaki: „Soboen no broko ede noiti èn no taki: ’San wi sa njan?’ ofoe: ’San wi sa dringi?’ ofoe: ’San wi sa weri?’ Bikasi na ala den sani disi den naatsi e feti faja a den baka. Bika oen hemel Tata sabi dati oen abi ala den sani disi fanowdoe. Dan soekoe fosi na kownoekondre nanga En regtvaardikifasi, dan ala den sani disi oen sa kisi na tapoe.” Èn Jezus ben sori na ini praktijk san a ben préki, bikasi ala di den krabdagoe abi olo èn den fowroe sribipresi, en no ben abi wan presi foe poti en ede. Meki wi de foe dat’ede tevrede nanga njanjan, krosi nanga wan oso foe tan aladi wi e soekoe „fosi na kownoekondre”. — Matt. 6:31-33; Luk. 9:58; 1 Tim. 6:7, 13.
10. Sortoe aksi foe wan grontapoe leri ben warti foe wi go loekoe na ini begi, èn fa joe ben sa piki den aksi dati?
10 Fa a de dan nanga wan grontapoe wroko? A ben sa de wan sori foe gesontoe ferstan, foe di na grontapoe disi sa pasa gowe na ini wi ten, efoe wi heri libi ben sa poti na tapoe a go na fesi na ini na grontapoe? (Matt. 24:34). Nono? Na denki disi a no de foe taki ben sa abi krakti tapoe a fasi fa wi e loekoe wan grontapoe leri? Aladi wan fundamenti leri de fanowdoe, a de tapoe skoro pe joe e kisi wan moro hé leri pikinmoro wan sani di no kan foe lon komoto gi a skwala foe grontapoe denki di kan hari joe gwe. A no de foe taki dati a de wan persoonlek afersi sortoe grontapoe leri wan sma wani teki (Gal. 6:5). Ma a de warti a moeiti foe go denki foe aksi di e kon dja na ondro na ini begi: „Studenti ben man na ini den jari di ben psa tapoe hé skoro foe ’soekoe fosi Jehovah Kownoekondre nanga en regtvaardikifasi’? Den theorie nanga filosofie di e broko na troe bribi saka no e abi kwetkweti krakti na tapoe den? (Kol. 2:8) Grontapoe kompe ben abi wan boen krakti tapoe den ofoe a sortoe foe demakandra disi ben wroko takroe tapoe den? (1 Kor. 15:33) Èn foeroe sma di ben kisi wan hé leri ben tan troetroe nanga sakafasi? — Fil. 2:2, 3.
11. Fa na paragraaf disi e jepi wi foe loekoe den réde di e bewégi wi ati, awinsi sortoe leri wi ben kisi?
11 A de so ooktoe taki son sma di e kisi wan vak-opleiding kan go someni ini wan bepaalde beroep dati foeroe ten no e tan abra foe gi na a dienst foe Jehovah. Soboen fa na grontapoe leri sa de toe, foeroe e anga foe den réde di a abi èn di e bewégi en. Na moro prenspari sani de na lostoe foe de onafhankelijk èn abi goedoe? Na leri sa tjari na dienst foe joe gi Jehovah kon mendri srefsrefi ofoe joe sa kisi jepi foe sorgoe ini den sani di joe abi fanowdoe foe tan na libi sodati sondro broko-ede joe kan doe joe santa dienst? Joe e proeberi leki wan kristen di no ben sa wani a grontapoe flaka en, moro foeroe foe nesi joesrefi na ini na seti foe sani disi, ofoe joe e meki na lostoe foe poti den Kownoekondre-afersi na ini a fosi presi ini a libi teki joe krinkrin abra?
12. San ben meki son sma di ben kisi wan moro hé leri ben teki na Kownoekondrewaarheid?
12 Wi e feni en wan moi sani dati son sma nanga wan hé leri ben teki na waarheid. Ma den no ben doe disi tapoe gron foe a moro hé leri foe den. Na presi foe dati den ben kon ferstan dati a libi foe den aladi den ben kisi wan moro hé leri no ben abi waarde, foe di den ben de sondro Gado èn no ben abi wan fasti howpoe. Now den sabi dati ’no foeroe koniwan èn maktiwan èn no foeroe sma foe hé gebortoe’ abi na boen-ati foe Gado (1 Kor. 1:26-31). Ma den srefi de nanga prisiri dati te foe kaba den ben feni wan troetroe marki ini a libi leki kotoigi foe Jehovah.
„Den bisnis afersi foe na libi”
13. Sortoe prakseri 2 Timotéus 2:3, 4 e tjari kon na fesi ini a tori foe na bisnis libi èn na kristen di gi ensrefi abra?
13 Fa wi moesoe de nanga na bisnis libi, foe di wi no wani dati a grontapoe flaka wi? We, na apostel Paulus ben skrifi gi Timotéus: „Tjari leki wan toemsi boen sroedati foe Kristus Jezus joe prati na ini na pina foe ogri. No wan sma di e dini leki sroedati, e go moksi ensrefi na ini bisnis afersi foe na libi, sodati a kan kisi na boen-ati foe a sma di ben teki en leki sroedati ini dienst” (2 Tim. 2:3, 4). Kristensma moe wroko èn na wan eerlek fasi sorgoe gi densrefi nanga den osofamiri. Ma a no ben sa de wan vreemde sani efoe wan kristen di gi ensrefi abra sma ben sa sabi moro foeroe leki na driktoro foe wan zaak èn no moro foeroe leki wan bedinari foe na evangelium? Na ini a fosi presi den no moesoe sabi en leki wan Kownoekondreprékiman èn „wan toemsi boen sroedati foe Kristus Jezus”?
14. Fa Hebrewsma 13:18 kan tjari kon na tapoe wi bisnis afersi?
14 Te wi de ini a bisnis libi, a de foe dat’ede fanowdoe dati wi ondrosoekoe wisrefi tapoe difrenti fasi. A sani foe eksempre dati wi abi foe doe nanga a gridi grontapoe sma, no e gi wi fri foe teki den triki nanga oneerlek praktijk foe den nanga den doti mofo foe den abra. Wi moesoe „tjari wisrefi moro foeroe eerlek na ini ala sani” (Hebr. 13:18). A de troe dati keihard bisnis man foe a grontapoe no so behandel wi kande so, ma wi kan de séker dati Jehovah sa blesi wi foe wi eerlek libifasi ede, èn disi de wán fasi tapoe san wi kan moi „na leri foe wi Jepiman, Gado”. — Tit. 2:9, 10.
15. Sortoe rai foe a bijbel e gi ini a tori foe bisnis onderneming?
15 Leki sma di no wani foe na grontapoe flaka wi meki wi moe doe san boen na ala sma, ma moro spesproetoe na den di abi na srefi bribi leki wi” (Gal. 6:10). Ma disi wi no e doe te a wan gridifesi e opo wan bisnis foe di wi e meki gebroiki foe connectie na inisé foe na pipel foe Gado nanga na prakseri foe wini sani na moni sé foe a lasi foe den. A no de foe taki dati kristensma ’moe waka leki koniwan’ (Ef. 5:15). Dati wan sma di den e kari wan brada e kon na wi nanga wan plan foe kon goedoe esi, no moe de wan réde gi wi foe meki makriki wi go so fara foe poti wi moni na ini. Nanga reti meki na organisaatsi foe Gado ben gi warskow wanwantron foe sma di e sori leki den de wi jeje brada ma di abi na ini prakseri foe gebroiki tapoe wan fowtoe fasi den „skapoe” foe Jehovah.
Na ala fasi foe a grontapoe
16. San de wan toe fasi tapoe san wi kan sori taki wi e kibri wisrefi „sondro flaka foe na grontapoe”?
16 A no de foe taki dati wi no kan ferteri ibri fasi tapoe san Jehovah Kotolgi e sori dati den e kibri densrefi „sondro flaka foe na grontapoe”. Ma séker wi no e kibri wi srefi sondro flaka foe na grontapoe disi efoe wi e dringi sopi pasa marki, efoe wi e prisiri wisrefi na ini sport pe na stré elementi e teri srefsrefi ofoe pe ogri e doe nanga tranga, e loekoe joeroe langa na film ofoe tv-programma pe gangster, kiriman nanga tra hoeroedoesma e pré wan rol, e lési boekoe pe seks soigi go na ini èn e pré videopré pe ogri di e doe nanga tranga de na tapoe (1 Kor. 6:9, 10; 15:33; Gal. 5:19-26; 1 Petr. 4:3). Jehovah e froewakti foe en kotoigi dati den sani di de pasa marki, na hoeroedoe nanga ogri di e doe nanga tranga foe na grontapoe disi poti a wan sé. Wi no moe doe moeiti soboen foe kon sabi san de na ini a grontapoe ini a tori foe takroedoe ofoe foe kisi ondrofeni na tapoe a kontren dati, ma oen moe de onnozel „pikinnegre ini a tori foe ogri”. — 1 Kor. 14:20; Teki gersi nanga 1 Johannes 3:2, 3.
17. Fa a sani, dati wi e kibri wisrefi sondro flaka foe na grontapoe moe abi krakti tapoe a fasi fa wi de nanga trawan?
17 De sondro flaka foe na grontapoe disi abi foe doe nanga ibri pisi foe wi libi èn séker ooktoe nanga a fasi fa wi de nanga tra sma. Aladi fasi leki bita djaroesoe, stré, djaf nanga lé de so algemeen ini a grontapoe disi, a mindri wi presi no de gi den, bikasi Jakobus ben skrifi: „Soema de koni èn nanga ferstan na mindri joe? Meki a sori foe en toemsi moi libi nanga waka èn wroko nanga wan safrifasi di fiti koni. Ma efoe oen abi na ini oen ati bita djaroesoe nanga stré. no meki bigi èn no lé tegen na waarheid. Disi no de na koni di saka komoto foe tapsé, ma a de foe grontapoe, ma a de foe den meti, a de foe den ogrijeje. Bikasi pe djaroesoe nanga stré de, na drape broeja nanga ala sortoe tego sani de” (Jak. 3:13-16). O prenspari a de dati wi e sori „wan safri fasi di fiti koni” èn „feti baka vrede nanga ala sma” (Hebr. 12:14). Leki loyaal kotoigi foe Jehovah wi no moesoe meki oen matifasi nanga wi brada nanga sisa ini bribi broko saka soso nanga difrenti na ini denki di wi abi. Na presi foe dati wi moe ’ferdrage makandra èn gi pardon, soleki Jehovah ben gi wi pardon fri’ (Kol. 3:13). Disi no de a fasi tapoe san den sma na ini na grontapoe gewoonlek e de makandra, ma a de wel na fasi foe Gado.
18. Nanga sortoe wroko spesroetoe e kon na krin dati wi e hori wisrefi aparti foe a grontapoe?
18 Feti baka vréde nanga sma na inisé èn dorosé foe na kristen gemeente de wan fasi di e taki foeroe foe sori taki wi no kisi flaka foe na grontapoe disi. Ma a de aparti foe na grontapoe disi moro foeroe e kon na krin te wi tanapoe faste leki dekati sroedati foe Jezus Kristus, weri dorodoro den jeje fetisani foe Gado, aladi wi ’foetoe abi a soesoe foe na de klari foe na boen njoensoe foe vrede’ (Ef. 6:11-18). Bigi ipi sma e angri èn e dringi watra te now ete na a Kownoekondreboskopoe di e gi libi. Foe dat’ede meki wi gebroiki sondro gridi wi goedoe, jeje koni nanga krakti gi na gran préki foe na boen njoensoe na ini a sjatoe ten di tan ete wi te leki a seti disi kon na wan kaba. — Matt. 24:14.
19. San wi kan ferwakti taki Satan sa doe na ini den laatste dé disi di e pasa gwe esesi, san wi sa man foe doe nanga a jepi foe Gado?
19 Na ini den lasti dé disi di e pasa gwe esesi Satan, na gado foe a grontapoe disi sa doe moro bita aanval tapoe wi leki Jehovah kotoigi. Ini wan lasti sondro howpoe moeiti foe poeroe wi na a santa dienst foe wi Gado, Didibri sa hiti go na ini a stré den goedoe na skinfasi foe na grontapoe, den moimoi sani, den moro hé leri èn foeroe moro ete. Ma nanga a jepi foe Gado di noiti e misi wi sa man foe kibri wisrefi „sondro flaka foe a grontapoe” leki wan prijse gi wi santa Gado Jehovah.
Fa a piki foe joe ben sa de?
◻ Leki fa Jakobus 1:27 taki san de wan toe marki di na troe anbegi moe doro?
◻ San de wan toe fasi tapoe san wi kan sorgoe dati a grontapoe disi no flaka wi?
◻ Fa a sani kan dati a grontapoe disi di e pasa gowe, heri boen kan abi krakti na tapoe wi loekoe di wi abi tapoe wan moro hé leri?
◻ Na sortoe fasi a de fanowdoe ini a tori foe bisnis afersi foe ondrosoekoe wisrefi?
◻ Fa Jehovah Kotoigi kan sori dati na ini den libifasi foe den èn a fasi fa den de nanga tra sma den de „sondro flaka foe na grontapoe”?
[Prenki na tapoe bladzijde 19]
Go na fesi ini a grontapoe no de a fasi foe kisi Gado boen-ati
[Prenki na tapoe bladzijde 21]
Jehovah e ferwakti foe kotoigi dati den kibri densrefi sondro flaka foe ala sani di e doe psa marki, hoeroedoe èn tranga foe a grontapoe disi