Kownukondre preikiman e ferteri

Yonguwan ini Italië e gebroiki okasi fu gi kotoigi

SMA di abi warderi gi den moi prakseri fu Gado e feni en wan switi sani fu yepi trawan leri sabi na moi Kownukondrehowpu. Fu du disi dan nofotron den musu gebroiki okasi di e sori densrefi soleki a tori di e kon now fu Sardinië e sori.

◻ Wan twarfu yari preikiman di ben go na velddienst ben go nanga bus na oso. Na ini a bus tu boi nanga wan meisje ben sdon ooktu, alamala ben de sowan tina-aiti yari owru. Na yongu preikiman ben sdon leti pe na umapikin ben de èn ben bigin leisi na tijdschrift Ontwaakt! ini a howpu dati dati ben sa wiki na gridi fu en. A ben si na tijdschrift èn a ben aksi san a e leisi. A yongu brada ben ferteri dati a ben leisi wan artikel na ini san a lusu tanapu fu problema nanga san yongusma abi fu du. A ben taki dati a ben si furu wini marki fu na materiaal disi èn dati a ben kan yepi na umapikin ooktu. A ben teki den tijdschrift nanga prisiri.

Den tra tu yonguwan, di ben yere na takmakandra, ben aksi ooktu fu den tijdschrift. Di den ben wani gi na bijdrage, na chauffeur ben taki dati den no ben musu fermorsu den moni a den sortu rommel disi. Den yonguwan ben piki dati den ben abi nofo frustan fu ben krutu disi srefi èn dati den tijdschrift ben de tumsi moi. Di na buschauffeur ben yere disi, dan a ben rij go a sei fu a pasi, èn ben wani si san ben de so moi ini den tijdschrift disi. Ooktu en teki wantu tijdschrift.

Na yongu kotoigi di ben e ferteri na ondrofenitori disi ben taki: ’Mi de trutru breiti dati mi ben bigin gi kotoigi ini a bus.’

Wan tra yongu kotoigi ben nyanbun fu wan situwasi na skoro. Na yonguwan disi e ferteri: „Na meister fu wi ben leri wi wan studi methode di ben de tra fasi leki na methode di sma gwenti. Na baka na luku fu na materiaal mi ben musu meki wan schema di ben abi den ede-prakseri èn den punt ondro den edeprakseri èn moro fara ben mu hori wan lezing fu a tori disi sondro fu sreka a fesi.

’Mi sabi na methode disi bun’, na kotoigi ben taki. ’A de na methode di ini na buku Handleiding gi na Theokratis Diniwrokoskoro e gi tranga fu en.’ Na meistri ben si heri esi dati mi ben de na wan enkri wan di ben e gebroiki na methode disi nanga winimarki. A ben aksi fu san-ede sowan bigi difrenti ben de mindri a wroko fu mi èn di fu den trawan. Wi tyari kon a krin dati mi ben leri a methode disi tapu a Theokratis Diniwrokoskoro. A ben feni en bun srefsrefi èn ben aksi mi fu demonstreer a methode disi nanga yepi fu na buku Handleiding fu na Theokratis Diniwrokoskoro. Disi mi ben du ooktu.

Di mi ben diri oso, mi ben ferteri mi papa nanga mama san ben psa. Mi papa, di no de wan kotoigi, alaten ben taki dati fu di mi de wan Kotoigi fu Yehovah, ben de wan muilekheid tapu skoro ma di a ben arki na mi ondrofeni a ben musu kenki prakseri.”

Fa unu yonguwan èn ooktu den owruwan abi wan tumsi moi grani fu hori Yehovah nen hei èn fu meki dati bekenti! — Psalm 148:12, 13.