Prisiri ini a krin grontapoe di de na wi fesi!
O KOLOKOE wi kan de taki Jehovah, a Gado foe orde nanga krinfasi, sa meki en fosi prakseri kon troe foe meki a grontapoe kon tron wan paradijs na ala sei! (Jesaja 11:6-9) A e pramisi: „Mi wortoe di e komoto na mi mofo . . . no sa drai kon na mi sondro bakapisi, ma seiker a sa doe na sani di mi abi prisiri nanga en.” „Gado no man lei kwetikweti”, so boen disi a no soso wortoe. — Jesaja 55:11; Hebrewsma 6:18.
Wi kan firi froelekti taki na wan lobifasi Jehovah sa kon na mindri bifo libisma sorgoe foe so meni doti foe sani taki a no ben sa kan tapoe taki na ecologie broko krinkrin! — Openbaring 11:18.
Jehovah sa poeroe sma di no abi berow, di e doti sani na wan espresi fasi èn na wan oproeroefasi e weigri den gronprakseri foe en foe order nanga krinfasi. No wan sma sa kisi primisi foe tjari a paradijs di meki kon boen baka na ini kefar. — Odo 2:20-22.
Ini a ten foe a tiri foe a Kownoekondre foe Gado, ondro a tiri foe Krestes Jesus, libisma sa kisi leri fa foe loetoe poeroe ibri sani di tan a baka èn di e meki a doti foe sani na skin fasi doe kon. Dan — no now — a de a ten dati a sa de tranga fanowdoe taki ibriwan sma abi wan fajafaja prati na persoonlek sani di a o doe nanga sani di ala sma o doe di sa jepi foe heri grontapoe kon krin srefisrefi. — Teki gersi Esekièl 39:8-16.
Sma, di e pasa a kaba foe a gadolowsoe seti foe sani foe a ten disi libilibi sa hori baka gi a programa disi foe krin sani na skin fasi, nanga a srefi gi di den e gi densrefi abra èn faja nanga san den ben teki prati ini a krin wroko na jeje fasi foe na ten disi. — Psalm 110:3.
Wan grontapoe di krin e kon seiker, di a moro bigi krin wroko foe ala ten sa waka na en fesi, di a Kownoekondre foe Gado sa doe. Ala marki foe doti den sa poeroe. No wan kraboe tapoe skotoe na no wan enkri presi. Joe no sa abi batra, kan, plastiki saka, kaw-gum nanga papira pe switisani ben domroe na ini, njoensoe papira nanga tijdschrift foe morsoe no wan enkri watrasei noso presi di de wan paradijs.
Prisiri ini a njoen grontapoe di de na wi fesi!
[Prenki na tapoe bladzijde 7]
Joe sa teki prati ini a krin foe heri grontapoe di sa feni presi heri esi?