Wroko leki jepi-pionier ini na kotiwroko
1 Na ten foe koti njanjan de wan ten foe wroko tranga. Te a njanjan kon lepi, den koti moe bigin. Ibri koti foe wan tra ten kan wani taki a lasi foe foeroe. Ibriwan sma den kan aksi foe jepi, sotoe oemasma nanga pikin. Tra wroko di no de so prenspari e poti foe wan pisiten na sé. Ibri dé a wroko kan bigin kaba bifo son opo èn nofotron kan go doro te lati na neti. Tokoe na ten foe koti njanjan e tjari bigi prisiri kon. — Jes. 9:3.
2 Srefi toe na ten foe koti na jejefasi e tjari foeroe wroko kon. Jezus ben sori tapoe disi di a ben taki gi en discipel, taki: „Ia, na koti foe njanjan de bigi ma pikinso wrokoman de. Begi foe dat-ede na Masra foe na koti foe njanjan dati a seni wrokoman go ini en kotiwroko” (Matt. 9:37, 38). Boiti na poti foe moro wrokoman ini na firi, dan son foe den sma di e dini kaba kande man foe wroko moro ten ini na firi. Ini na disiten jeje kotiwroko foeroe ben doe wan sani tapoe na fanowdoe ini na veld foe di wan ofoe moro moen ini wan jari den de ini na jepi-pionierdienst. A paiman foe den ben kon foeroe a srefi foe di den ben feni sma di ben abi belangstelling èn sonwan foe den ben bigin srefi studi. A ben wani taki wel extra wroko, ma den ben kon „foeroe nanga prisiri” foe di den ben abi wan prati na a tjari kon na inisé foe wan koti foe njanjan foe njoen discipel di ben pasa marki. — Tori. 13:48, 52.
3 Na jepi-pionierwroko ben opo a pasi gi foeroe sma foe meki a prati foe den na a kotiwroko kon moro bigi. A de teki gemiddeld sowan toe joeroe velddienst ini wan dé foe doro na marki foe wan jepi-pionier. Son sma ben kan seti en so dati den ben gi pikinso moro ten na den grontapoewroko. Sosrefi toe den wan di de ete na skoro wawantron kan dini leki jepi-pionier foe di den fiti a schema foe den na a skoro rooster. Trawan ben meki boen gebroiki foe den friten èn fakansiten. Foeroe oso-oema ben si dati a ben kan foe go ini na jepi-pionierdienst foe di den ben seti a ten foe den moro boen èn foe di den ben kisi na jepi foe na heri osofamiri. Foeroe e kisi blesi foe di den ben tjari den fanowdoe kenki kon.
BOEN EKSEMPRE DI ABI WINIMARKI
4 Wan sisa e skrifi: „Leki oso-fraw èn mama mi ben kan njan boen foe na prisiri foe na jepi-pionierdienst èn a ben de gi mi nanga mi osofamiri wan sani di bow wi na jejefasi”. Wan tinaféfi jari skoromeisje e ferteri dati a ben gebroiki en fakansi foe toe wiki foe tanapoe ini na jepi-pionier wroko èn ai taki: „Mi e si boen a difrenti, spesroetoe wan kon moro boen ini a abi foe takimakandra. Foeroe winimarki mi ben abi èn mi ben abi moro foeroe takimakandra nanga sma na den doro.” Wan tra kotoigi ben skrifi: „Na jepi-pionierdienst ben meki dati mi ben kisi moro lobi ini mi ati gi na libisma-famiri di e dede”.
5 Efoe joe e go meki plan, foe san-ede joe no ben sa taki nanga trawan di nanga boen winimarki ben pionier? Nanga dati joe kan njan boen foe na ondrofeni foe den. Boiti dati alaten a boen foe go ini begi na Jehovah èn aksi foe en jepi gi na wroko. Wi abi jeje leki skinkrakti fanowdoe èn dati Jehovah e gi na ala sma di nanga den heri ati e presteri densrefi (Jesaja 40:29-31). Wi kan aksi en foe koni sodati wi kan taki èn doe den-joisti sani. Sosrefi toe wi kan aksi Jehovah efoe a kan jepi wi nanga en jeje. — Jak. 1:5; Luk. 11:13.
6 Fa a de wan bigi grani gi wi taki wi e libi ini na jeje kotiten let bifo na kaba foe na owroe seti! Na koti foe njanjan kande sa aksi bigi sani foe wi ten nanga krakti, ma dati wi abi wan prati na en, e pai wi nanga wan prisiri di psa marki. Den moeiti foe wi foe meki na prati foe wi ini na meki foe discipel kon moro bigi te wi go na ini na jepi-pionierdienst Jehovah sa blesi.