Yu kan de yepi-pionier
1 Na tapu bladzijde 116 fu na buku Orga fu du wi diniwroko tanapu: „Awinsi ini sortu persoonlek omstandigheden yu de ooktu, efu yu dopu, na moreylsey abi wan bun nen, kan regel en so taki yu kan doro den 60 yuru wan mun na velddienst di den e aksi fu gi èn abi na prakseri taki yu kan wroko wan ofu moro mun leki yepi-pionier, dan den owruman nanga ala prisiri wani poti prakseri na tapu na aksi fu yu gi na dienst-grani disi.” Na yepi-pionier wroko so bun de wan sani di moro furu fu den dopu preykiman kan doro wan presi na ini a yari. Yu kan meki presi gi na grani disi?
2 No de gaw fu yu sey fu taki yu no man du na dienst disi. Owru sma nanga yongu sma — sonwan nanga wan bun, trawan nanga wan takru gosontu — e abi wán ofu moro mun wan prisiri prati na a yepi-pionierwroko. A e aksi fu ofru èn span yu srefi ma den blesi di yu sa kisi, e meki a warti a muyti. — Luk. 13:24; 1 Kor. 9:16.
3 A de bun fu seti wan praktis schema di fiti na yu omstandigheden èn di e gi yu na okasi fu gi gemiddeld no moro leki tu yuru wan dey ini a dienst Sorgu fu poti na afersi ini begi na fesi fu Yehovah èn no degedege fu kari trawan fu wroko nanga yu. Ala disi sa yepi yu fu doro den 60 yuru di de fanowdu.
4 Yu wani meki den skrifi yu nen leki, yepi-pionier, dan yu kan aksi na fesiman owruman fu gi yu wan aanvraag formulier. Efu na dienstkomte fu na gemeente feni na aanvraag fu yu bun dan den sa meki na gemeente bekenti taki den poti yu leki yepi-pionier. Wi e gi yu wan kari nanga wi heri ati fu sroyti yu srefi na den furu sma di de geregeld ini na yepi-pionierwroko.