Na jepi pionierdienst — Wan djompoplanga
1 Wan djompoplanga kan de toemsi boen foe doro wan marki di joe wani. Letterlek te joe e loekoe en dan a de wan planga di e veer èn di den e gebroiki ini difrenti sport leki gymnastiek nanga swen, èn pe joe e teki poel te joe e djompo. Ma na agersifasi a de wan sani foe kon na fesi. Na jepi-pionierdienst ben sa kan de wan djompoplanga gi joe foe go na fesi na a sé foe na theocratie.
2 Leki wan foe Jehovah Kotoigi a de sondro degedege joe winsi foe go na fesi na jejefasi; joe wani nanga ala prisiri foe tra sma si dati joe e go na fesi (1 Tim. 4:15). Joe e firi ini a tori disi na fanowdoe foe tranga joe bribi èn foe kon moro krosbé foe Jehovah? Joe ben sa wani nanga ala prisiri foe handri na bijbel nanga moro gemak èn foe de moro sondro frede èn na ini na hori foe lezing na den doro? Joe ben sa wani nanga ala prisiri foe hori moro bijbelstudi? Joe e doe moeiti foe den feni joe boen leki dinari ini na diniwroko, ofoe opziener? Ofoe joe ben go denki oiti na wan ernstigfasi foe doe dienst leki gewoon pionier, zendeling, ofoe wan memre foe na Bethelfamiri. Na jepi pionierdienst kan wan jepi foe meki ala sma si dati joe e go na fesi. Fa so?
Fa na jepi pionierdienst sa jepi joe?
3 Prisiri na ini wan moro bigi jeje fasi. Te joe e tanapoe na ini na jepi pionierdienst, dan joe sa psa moro ten nanga na taki foe Gado. Sortoe krakti disi kan abi tapoe joe? Wan jepi pionier ben taki: „Mi bréti, de nanga kolokoe, tevréde, abi wan firi foe satisfaksi èn mi e meki froktoe na ini boen wroko èn mi e firi tranga.” Wan tra jongoe jepi pionier ben taki: „Mi dopoe pas. Mi e gi tranga na ala jongoewan foe kon moro krosibé foe Gado. A oemapikin disi ben man foe opo foeroe bijbelstudi. Degedege no de na ini a tori, o moro joe lési foe en Wortoe, o moro bigi joe jejefasi o de. Na jepi pionierdienst sa jepi joe foe go na fesi ini joe jejefasi.” — Ps. 119:97-100.
4 Hori moro bijbelstudi. A meki foe discipel de wan pisi foe wi dienst gi Jehovah. Disi e psa moro foeroe nanga jepi foe bijbelstudi. Foe dat’ede ala sma moe abi belangstelling foe hori bijbelstudi. Na jepi pionierdienst kan jepi joe nanga disi. Wan gemeente ben ferteri dati 38 foe den 61 prékiman na ini wán moen ben de na ini na jepi pionierdienst. Nanga sortoe bakapisi? Ala nanga ala 66 njoen studi ben opo! Wan jepi pionier ben taki: „Mi e firi misrefi kolokoe foe di mi de bezig nanga wan sani di e prisiri Jehovah. Mi opo féfi njoen studi.” Wan trawan ben taki: „Foe na fosi tron mi abi toe studi. Mi e taki Jehovah tangi, di ben jepi mi foe kweki lobi di de fanowdoe foe jepi sma.” Te joe e go alaten na ini na dienst, dan sondro degedege joe sa kisi na okasi foe feni opregti sma di wani stoeka na bijbel.
5 Doe moeiti dati den feni joe boen leki dinari ini na diniwroko ofoe owroeman. Owroeman èn dinari ini na diniwroko teki fesi ini na velddienst èn den moe sabi fa den moe handri nanga sma. Foe di joe e kisi foe doe na ini na velddienst nanga ala sortoe foe sma, dan joe sa kisi na jepi foe kweki égifasi soleki pasensi, na koni foe si sani boen, redelekheid èn spesroetoe na koni foe leri sma. A leri foe sma na wan boen fasi nanga jepi foe na bijbel spesroetoe sa de boen gi den sma di e dini ini wan positsi foe loekoe sani foe a gemeente. Na jepi pionierdienst sa jepi brada foe go na fesi ini na richting foe na grani disi.
6 Proberi foe doro na marki foe tra fasi foe foeroeten dienst. Na ondrofeni di joe e kisi leki jepi pionier kan de toemsi warti leki opleiding ini na gewoon pionierdienst ofoe Betheldienst. Foeroe sma di de now leki zendeling ofoe speciale pionier ben bigin leki jepi pionier. Na jepi pionierdienst kan meki joe si fa joe kan seti joe ten na wan boen fasi. So toe joe kan leri foe seti joe persoonlek afersi sodati den kan feni joe boen gi a grani foe a foeroeten dienst. Joe ben go prakseri foe proberi foe meki na foeroetendienst leki wan carriëre? Na jepi pionierdienst kan de wan djompoplanga foe doro dati.
7 Kon krosibé na Jehovah nanga wan krakti bribi. Tide na dé wi no kan gi wisrefi pasi foe denki lekti foe na fanowdoe foe de tranga ini na bribi èn. foe tan krosibé na Jehovah. Na jepi pionierdienst sa jepi joe foe komoto na a pasi dati joe grati gwe ini na „liba foe na ogri grontapoe disi, foe di joe e foeroe joe ten nanga boen èn regtvaardiki wroko. Njan boen foe den seti disi bikasi ’na go na Gado de boen gi joe, na ini na Soeverein Jehovah joe ben go soekoe kibri, foe meki ala en wroko bekenti.’” — Ps. 73:28.
8 Meki na winsi foe joe go na fesi ini Jehovah dienst kon troe. Go loekoe na jepi pionierdienst ondro begi leki wan djompoplanga èn doe en wani na wan moro boen fasi dorodoro. — 1 Kor. 15:58.