Pristeri a boen njoensoe — Foe di joe e bow tijdschriftroute
1 Den barinen wortoe foe Jezus: „Libisma no moe libi wawan foe brede, ma foe ibri wortoe di e komoto foe Jehovah mofo”, e jepi wi foe ferstan dati a no wawantron nomo wi abi jeje njanjan fanowdoe, ma na wan geregelde basis. Foe dat’ede meki wi moe gi den sma na ini na publiek geregeld jeje njanjan so dati den kan gro na jejefasi. — Matt. 4:4; 1 Kor. 3:6.
2 Son sma ben si dati wan tijdschriftroute de wan jepi foe meki na belangstelling foe sma di gersi skapoe, kon moro bigi èn foe gi den tranga foe njan foe na Wortoe foe Gado geregeld. Disi sori dati a de toemsi boen na ini bisnis gebied, pe joe no kan gi kotoigi na bradi. Na den presi pe den sma foe bepaalde rede no wani teki wan abonnement, dan tijdschriftroute de wan loesoe. Séker wi e doe en boen foe go prakseri en ernstig foe na bow foe wan tijdschrift route.
FA JOE KAN BOW WAN TIJDSCHRIFTROUTE
3 Foe bigin, meki a de wan gwenti foe poti soifri tapoe joe oso na oso rapport san joe e doe. Skrifi te joe e wroko oso na oso, ala adres pe joe ben libi tijdschrift na baka. Te joe e wroko na bisnis gebied, skrifi dan na nen foe na sma, na adres pe ai wroko èn efoe a de wan kantoro-oso, sortoe sodro, nanga doro-nomroe nanga so moro fara.
4 Den bodoi na tapoe joe oso na oso rapport kan jepi joe foe bepaal na ini sortoe volgorde joe moe tjari den go-baka go. Disi sa meki joe no waka èn rij go èn kon foe soso foe na wan adres go na a trawan èn meki joe no lasi ten. Den sani di joe skrifi taki joe libi na baka gi sma sa jepi joe toe foe si sortoe nomroe foe tijdschrift joe abi alaten fanowdoe te joe gobaka na den route adres èn omeni.
5 San de moro fanowdoe foe na tijdschriftroute-wroko waka boen? Loekoe joe oso na oso-rapport èn loekoe na tapoe sortoe artikel joe wani poti na prakseri foe na sma. Wegi go wegi kon na ini na tori dati san ibri ososma sa wani foe jere. Efoe foe eksempre joe e taki nanga wan jongoesma, dan joe ben sa wani gebroiki kande den artikel „jongoe sma e aksi . . .”.
6 Joe moe go na den adres foe wan tijdschriftroute ibri toe wiki. No ala adres sa tron wan route. Son sma sa bréti foe si joe baka. No lasi ati efoe ini na bigin joe feni wantoe nen nomo. Baka wan pisten joe sa kraboe na nen poeroe foe den ososma dati foe joe lijst te den no wani kisi regelmatig tijdschrift èn joe sa si boen adres di e sori wel belangstelling. — Prék. 11:6.
Fa foe pristeri den tijdschrift
7 A moro boen foe de sjatoe èn foe poti na prakseri foe na ososma tapoe wán artikel nomo. Spesroetoe bisnis gebied disi de prenspari. Joe kan taki eenvoudig: „Mi bréti dati mi miti joe baka. Den moro njoen nomroe foe na Wachttoren nanga Ontwaakt! kon baka èn nanga prisiri mi e tjari gi joe joe nomroe tegen na bijdrage di moe pai. Mi prakseri dati joe kan feni spesroetoe na artikel disi moi. [Poti prakseri tapoe na artikel.] Efoe joe abi aksi foe den tori di de ini na tijdschrift, dan mi sa taki den nanga joe makandra nanga ala prisiri na a tra tron,te mi sa kon baka.” Na a fasi disi joe e kweki belangstelling, èn disi kan meki joe opo wan osobijbelstudi.
8 Fa wi de grantangi dati wi abi den sortoe moi wrokosani disi leki Na Wachttoren èn Ontwaakt! Foe jepi sma tron discipel foe Kristus. Meki a de so dati wi e gi njanjan geregeld na reti-ati sma nanga na waarheid foe a Wortoe foe Gado foe di wi e bow tijdschriftroute ini wi gebied.