Den sma di ini wanfasi e hori baka gi Gado kownoekondre
1 Wi brada nanga sisa na a heri grontapoe de ini wánfasi ini na hori-baka gi na Kownoekondre foe Gado. Sani di e tjari pratifasi na ini grontapoe groepoe èn organisaatsi, pe na kristenheid de na mindri toe, no e abi wan takroe krakti na tapoe den. Foe dat’ede meki na psalmsingiman ben taki: „Loekoe! O boen èn o switi a de te brada e libi makandra na ini wánfasi!” (Ps. 133:1) Jehovah dienstknegti na ini na ten disi e prisiri na ini sowan situwasi, èn ini a moen augustus wi abi foeroe okasi foe sori na prisiri disi nanga na demonstreer di wi o demonstreer wi kristen wánfasi.
2 Soso wan toe wiki prati wi foe na „Kownoekondre-wánfasi”-districtcongres na ini Paramaribo. Wi alamala moe meki plan now kaba foe de na a congres, èn wi e prisiri sondro degedege kaba foe wan boen jeje fesa njanjan (Mal. 3:10). Den sortoe komakandra disi sa demonstreer dati Jehovah Kotoigi de wan pipel foe wánfasi. Den e gi wi ook toe na okasi foe meki na wanfasi foe wi kristen bradafasi kon moro tranga. Meki, aladi joe e arki na congresprogramma, aantekening foe rai di gi èn di sa tranga wi brada nanga sisa na a heri grontapoe. — Ef. 4:3; 1 Kor. 1:10.
3 No wawan wi wani de wisrefi na a „Kownoekondrewánfasi”-districtcongres, ma wi wani ook toe dati wi bijbelstudi nanga tra sma di abi belangstelling de drape toe. A no ben sa gi wi bigi prisiri te ala sma di ben de na a jari disi na a memrefesa, a tron disi ook toe ben sa de na a congres? Dan den kan si densrefi na wánfasi foe Jehovah pipel. Den sa kisi bodoi di sa jepi den foe teki wan faste bosroiti gi na waarheid. Disi de fanowdoe efoe den wani de wán nanga a pipel foe Gado ini na meki bekenti foe na kownoekondre boskopoe.
ABI WAN PRATI NA A VELDDIENST DORODORO
4 Sani seti gi na velddienst na tapoe na congres disi na fréda mamanten, na tweede dé foe na programma. Nanga disi ala sma sa de ini na okasi foe teki prati na a velddienst. Meki plan na fesi èn tjari trawan foe wroko makandra nanga joe. Spesroetoe osofamiri sa wani go makandra na ini na velddienst. Den sma di na tra congres ben teki prati na velddienst ben abi boen moi ondrofeni.
5 Soekoe boiti dati na okasi foe gi kotoigi aladi ibri dé joe e reis go èn kon foe a congres. Taki nanga tra sma na ini bus, na den halte tapoe strati, ofoe na tra okasi. Teki extra boekoe, tijdschrift nanga tractaat nanga joe gi den sma di abi belangstelling di joe e miti. Foe di na congres e hori na a bigin foe na moen, wi wani memre joe foe gi joe velddienstbericht foe a moen di psa na ini joe égi gemeente. Efoe direkt baka a congres joe e go nanga fakansi sorgoe dan tog dati a gemeente kisi joe velddienstbericht. Wi wani taki joe grantangi foe a moeiti di joe e doe foe disi,
6 Ooktoe na ini a moen augustus wi e pristeri a boekoe „Joe Kownoekondre moe kon”. Den brada nanga sisa foe den bakratongo gemeente ben njan boen srefsrefi foe na stoeka foe a boekoe disi tapoe den gemeente boekoestudie. Na boekoe abi bodoi di sa doro na ati foe opregti sma foe sabi Gado kownoekondre èn si den blesi di a sa tjari kon gi libisma ini a ten di e kon. Te wi e miti sma di no abi foeroe leri ofoe sma di e taki wan vreemde tongo, ofoe papa nanga mama nanga jongoe pikin, dan wi kan presteri na brochure ook toe „Njan boen foe tégo foe na libi na grontapoe!” Meki plan foe de na a moen disi dorodoro na ini na oso-foe-oso-wroko èn foe sori sma di abi belangstelling na tapoe na kownoekondrehowpoe.
7 Augustus sa de wan moen di sa foeroe nanga activiteit. Meki wi meki wan boen gebroiki foe na ten, ofoe wi de now nanga wi medeprékiman ofoe e teki prati na a velddienst. Wi wani sori na geest foe troe kristen wánfasi nanga bradafasi aladi skowroe na skowroe wi wani hori baka loyaal na Jehovah kownoekondre. Den bakapisi séker sa tjari pai kon!