’Fa den sa jere . . .?’
1 Na moro bigi kownoekondreprékiwroko na a heri grontapoe di oiti ben doe, sa kon djonsro na wan kaba (Matt. 21:3, 14; Mark. 13:10). Wi e libi na ini span ten di wan firi foe tranga fanowdoe foe na ten e marki den, now di wi de bézig foe doe na komando di wi ben kisi foe Gado. Wi diniwroko moe de moro progressief èn moe sori expansie (a kon moro foeroe foe sani), bika wi no e loekoe wawan na a kwaliteit ma ook toe na a kwantiteit foe wi dienst. Foe san-ede wi e taki disi? Foe di te now ete boen foeroe aparti sma na osofamiri de, di panja dja nanga jana na ini na heri gebied foe wi èn di no ben abi na okasi ete foe jere na boskopoe foe bribi. Foe di ’bribi e waka baka a jere’, dan nanga leti wi kan aksi: „Fa den sa jere morofara sondro dati wan sma e piki?” — Rom. 10:14, 17.
2 Wantoe gemeente abi gebied di den no e wroko nofotron. A kan go foe disi foe fara district-gebied ofoe krosbé buitengebied. Na wroko foe den sortoe gebied disi e aksi kande no wawan pikinso moro moeiti nanga ten, ma e kostoe kande ook toe moro moni. Efoe joe gemeente abi gebied di den e wroko moro mendri leki de fanowdoe, san kan doe dan foe kenki disi? Fa tra gemeente nanga opziener di e reis kan gi jepi?
3 Now di dréten e doro, èn soboen moro tjans de na tapoe moi weer dan den gemeente moe poti spesroetoe prakseri na ala na gebied di den no ben wroko ete na ini 1983. Disi e aksi wan krakti winsi foe wroko tranga, ook toe wan sreka na fesi foe sani finifini (Neh. 4:6; 1 Tim. 4:10). Boen bakapisi wi e kisi te ini na lati bakadina ofoe mofoneti wi e wroko nanga tijdschrift na marki foe wi moe de foe barwroko gi na kownoekondre boskopoe so esi leki a kan na ini na heri gebied. Den sma di e sori belangstelling, wi kan skrifi den nen foe poti moro prakseri na den nanga jepi foe go baka ofoe brifi. Foe san-ede joe no ben sa seti sani foe go nanga wan groepoe foe oto èn tan na heri dé na ini na velddienst kande wan weekend na ini a moen. Gwe froekoe. Na ten foe reis kan gebroiki foe taki foe a détekst, èn na pasi oen kan oefen wantoe takmakandra. Tjari njanjan èn gebroiki a ten so boen leki a kan. Kande den kostoe kan prati makandra sodati no wan sma kan kisi wan toemsi hebi lai. Fa a de wan toemsi moi sani ’foe dini leki wan srafoe foe meki a boen njoensoe kon na fesi’! — Fil. 2:22.
4 Joe kan doe foeroe toe foe jepi gemeente na ini joe kring ofoe birti gemeente. Na kring-opziener abi na foerantwortoe foe tjari den activiteit foe den gemeente kon makandra foe de séker foe a wroko foe a heri gebied dorodoro. Efoe joe wani jepi, ferteri den owroeman disi èn den sa meki kontakt nanga na kringopziener foe kon sabi pe fanowdoe de.
5 Wi alamala kan teki prati na a toemsi prenspari wroko disi. Osofamiri kan teki na bosroiti foe psa den fakansi ofoe weekend na ini wan presi pe na gebied moe wroko. Son groepoe nanga oto kande de klari foe wroko fara gebied. Owroe prékiman kan kisi na kari awansi den sa doe soso wantoe oso. Den sma di no kan reis fara, ben sa kan jepi na ini gebied krosbé, di foe na wan ofoe tra rede a gemeente no ben wroko wan pisiten. Prakseri wan fasi fa joe toe kan jepi trawan foe jere a boen njoensoe.
6 Prékiman nanga ondrofeni èn njoen wan kan prisiri na ini den tjalansi di na kownoekondre préki e tjari kon na ondro den aparti omstandigheid disi. Na ini son districtgebied a kan de praktis foe tjari wan gedetailleerd landkarta pe ala pasi nanga oso tanapoe. Meki plan foe wroko na gebied sistematis, sodati ini na ten di joe abi joe kan doe someni leki joe kan. Wroko makandra na ini na gemeente, faja gi na dienst èn moeiti di orga boen sa jepi dati ala na gemeente gebied moro mendri wantron ini wan jari wi sa wroko en.
7 Wi alamala abi wan gemeenschappelek frantwortoe ini a libi foe den sma (Ezech. 33:6-9). A fisiti foe joe kande de wan foe den laatste okasi di den sma e kisi di abi na joisti ati gi na tégo libi èn kande na laatste tjans foe den foe tron bribiman (Tori. 13:48). Den seni wi foe go préki gi ala sma di wani arki. Soboen meki wi doe disi „nanga opregtfasi, ja leki na Gado ben seni wi, na ondro na ai foe Gado, na ini gezelschap foe Kristus”. — 2 Kor. 2:17.