Gi kotoigi na ini publiki èn foe oso na oso
1 A ben trobi na apostel Paulus di a ben si fa den falsi bribi ben hori a pipel foe Athene ini den makti. „Foe dat’ede a ben go na ini na Snoga go taki nanga den djoe èn den tra sma di e anbegi Gado èn ibridé na tapoe na wowojo a ben de nanga den di ben de drape toevallig” (Tori. 17:16, 17). Na ini Efese Paulus ben gebroiki ibri okasi di a ben kisi foe gi kotoigi foe leri na ini publiki èn na oso na oso. — Tori. 20:20, 21.
2 Den getrow dienstknegti foe Jehovah na ini a fosi jarhondro ben go na doro foe préki na boen njoensoe te èn pe ten ben kan. Ala di Jezus ben weri srefsrefi, a ben bigin wan takimakandra nanga wan Samaritan oema di a ben de na wan fonten e rostoe. A bakapisi ben de, dati foeroe foe den Samaritaansma foe na foto disi ben poti bribi na ini en’ (Joh. 4:5-42). Paulus nanga en kompe ben e préki sésé foe wan liba, nanga a bakapisi dati Lydia nanga en osofamiri ben kon kisi do-poe (Tori. 16:14, 15). Neleki den, a so wi toe kan kisi bigi blesi te wi e teki prati na a gi kotoigi na ini publiki.
3 Te wi e go oso na oso, wi e tan tanapoe dan foe taki nanga sma di kande a dorosé e teki pikin bro ofoe de na wroko? Efoe sma net e kon na oso ofoe e komoto gwe, proberi dan foe bigin wan takmakandra nanga den. Noso a kan de wiki ofoe moen langa bifo wan okasi kon baka foe kan taki nanga den, spesroetoe efoe a no ala ten den de na oso — san na a ten disi e psa foeroe tron srefi. Wi wani miti so foeroe leki a kan nanga ibriwan sma na ini wi gebied. Proberi foe gi wan sjatoe èn tactvol kotoigi, pe joe kan prati kande na Wachttoren èn na Ontwaakt! èn joe kan meki wan mofo foe kon baka.
4 Oen abi gebied pe joe no man go na ini foe di den waktiman e gi pasi soso na den sma di e libi drape nanga sma di den kari foe kon loekoe den? A kan foe miti nanga den sma di e libi drape foe di joe e doe stratiwroko na presi pe a moro bigi pisi foe den sma di e libi drape e waka psa te den e go na den oso ofoe e komoto foe den oso? Na a fasi disi wan gemeente ben sabi foe wiki foeroe belangstelling dati wan gemeente boekoestudie ben opo ini wan gebied pe a no ben man srefsrefi foe go oso na oso. Den sma di ben doe drape stratiwroko ben poti densrefi a tapoe foe taki nanga den sma èn foe proberi tactvol foe kisi den nen èn den adres foe den sma di ben sori belangstelling, sodati go-baka ben kan tjari na den.
5 Wi alamala pe wi de toe, kan loekoe foe si den okasi foe gi okasi-préki. Efoe wi e réis nanga bus, opolangi, oto ofoe wi a waka nanga foetoe, dan foeroetron wi kan prati na boen njoensoe nanga trawan. Foeroetron wi e si dati den sma nanga soema wi e taki no sabi foeroe foe Jehovah Kotoigi nanga na kownoekondre boskopoe. Efoe wi libi tijdschrift ofoe tractaat na baka dan na sma di abi belangstelling e kisi wan sani na ini en anoe di a kan loekoe bakaten.
6 Na ini oktober wi e pristeri na Tégo libi-boekoe. Fasi de foe pristeri en na ini publiki èn foe oso na oso? Ija. Son sma ben gebroiki na boekoe nanga foeroe winimarki na ini okasi-préki. Son sma ben kisi jepi foe kon na ini na waarheid. Foe di wan brada ofoe wan sisa ben gi den kotoigi na wrokope na a ten di den ben schafte. Wan brada ben teki na bosroiti foe pristeri na Tégo libi-boekoe na ala sma di a ben abi ini en tijdschriften route. A ben skrifi: „Wán man pe mi e kon wan heri pisi ten kaba ben teki soso den tijdschrift èn ben e tapoe a doro dan. Wan dé mi pristeri na Tégo libi-boekoe. A ben teki en èn di mi ben naki a doro wan tra lési a ben taki dati a ben lési den fosi 35 bladzijde. Foeroe tra sma soso abi foe si na boekoe foe wani foe abi en.’ Go prakseri tranga foe en foe pristeri na boekoe disi na joe birtisma, joe famiri èn tra sma di no e dini Jehovah ete.
7 Soleki tanapoe na ini Odo 1:20 dan den e taki foe na koni dati ’a de opo en sten alaten tapoe den publiki plen sodati a de makriki foe feni gi ala sma di e soekoe en. Noiti a fesi na ini na historia foe libisma a ben de moro tranga fanowdoe dati Gado koni soleki dati de ini en Wortoe, moe taki na publiki (Matt. 24:14). Now di wi e doro na kaba foe a disiten seti foe sani, dan a de fanowdoe dati den sma di de na ini doengroe foe en, moe kisi foe jere a wortoe foe Gado so langa ten de ete gi den. A de wan bigi grani dati wi kan „teki prati na a santa wroko foe na boen njoensoe foe Gado, foe di wi e gi kotoigi ini publiki èn oso na oso.