Pristeri foe na tijdschriftdé
1 Wan boen pisiten kaba krakti e poti na a teki prati alaten na a tijdschriftactiviteit, spesroetoe na a di foe toe ofoe fo sonde foe na moen efoe joe no kan go ibri sonde. Wan sjatoe pristeri di langa kande sowan 30 te 60 seconde, de gewoonlek moro boen.
2 Te wi e go pristeri Na Wachttoren foe 15 september, dan wi ben kan taki: „Sondroe degedege joe sa agri dati na ini a ten disi na ini osofamiri boen foeroe problema de na mindri papa nanga mama èn mindri pikin. Son sma e gi a fowtoe na a theorie foe kweki pikin di fadon ofoe na a krakti foe televisie. Na ini na uitgave disi foe Na Wachttoren wantoe moi sani tanapoe foe na oorzaak foe den moeilekheid èn spesroetoe ook toe san kan doe nanga den. Wi e pristeri na tijdschrift disi makandra nanga na Ontwaakt foe 50 cent. Séker joe sa njan boen foe en te joe e lési en”.
3 Efoe wi poti prakseri spesroetoe na tapoe na Ontwaakt! foe 22 september, dan wi ben sa kan taki, baka te wi ben ferteri soema wi de: „Foeroe autoriteit e warskow wi foe na ogri di libisma e doe na ini na natuur. Sondro degedege joe e si sosrefi toe nanga ala prisiri dati den meti e libi sondro dati sma trobi den na ini den natuurleke omgeving. Ma omeni foe den moi meti disi (Meki den si na prenki èn na foto na tapoe bladzijde 4) wi kan loekoe ete? Na artikel disi na ini Ontwaakt! e taki foe na aksi ’Na kondre foe den meti san lasi gwe?” Èn loekoe sosrefi toe na aksi ofoe na Mekiman e broko en ede nanga na afersi èn san en prakseri de nanga libisma èn meti. Na tijdschrift disi di makandra nanga na Ontwaakt! wi e pristeri foe 50 cent e gi nomo wan boen bodoi, ma e gi joe ook toe wan positief loekoe na tapoe a ten di e kon.
4 Na Wachttoren foe 1 oktober wi kan pristeri te wi de taki: „A moro bigi pisi foe sma lobi sport nanga ontspanning, èn den sani disi kan de ook toe toemsi prisiri. Ma kande joe kon si ook toe dati prisiri na ini na laatste ten e kon de moro prenspari aladi pikinso prakseri e poti na tapoe na jejesé foe na libi. Na ini na uitgave foe Na Wachttoren e taki foe na tori: ’Prisiri teki na presi foe Gado — foe san-ede?’ Joe sa warderi séker na balansfasi fa a tori e loekoe dja. Makandra nanga na Ontwaakt! mi mag libi den tijdschrift disi na baka.”
5 Efoe joe e gebroiki na Ontwaakt! foe 8 oktober dan joe ben sa kan taki san e kon now: „Wi alamala abi foe doe nanga na doti foe sani. Na ini wi kondre moro nanga moro presi pe sma e libi bow na tapoe doti-ipi nanga kefarlek, giftig stof. Sosrefi toe na watra nanga na loktoe na foeroe presi doti kefarlek. Na uitgave foe Ontwaakt! e taki foe na aksi „Na chemische doti foe na milieu e meki joe siki èn e sori ook toe na tapoe na howpoe foe wan loesoe di o tan. Na tijdschrift disi di abi foeroe praktis rai abi na ini san joesrefi kan doe, èn wi kan pristeri en makandra nanga Na Wachttoren foe soso 50 cent.”
6 Prékiman di e prati tijdschrift boen e meki gebroiki foe okasipréki. Tjari foe dat’ede alaten tijdschrift nanga joe sodati te wan okasi de foe préki gi sma joe kan libi a Wachttoren nanga Ontwaakt! a baka foe 50 cent.
7 Gi ibri nummer wi kan sreka sjatoe takmakandra. Poti prakseri na tapoe na artikel di sa taki kande nanga moro foeroe sma. Efoe alaten wi e hori takmakandra di abi wan marki te wi e pristeri den tijdschrift oso na oso, na ini bisnis gebied èn na den okasi di wi e kisi dan sondro degedege wi sa doe moro foeroe. Wi kan doe ala sani san wi kan foe meki na panja foe den toe tijdschrift disi, di de toemsi boen, kon moro foeroe.